اعتمدت على نفسي

البارت 15

الكاتبة Amina
الجزء الاول البارت الخامس عشر
قصة*اعتمدت على نفسي

(القصة)

سرور: شنو بيتك انت منو هذا مو بيت خالة ام حسام
حسام: اي بالضبط واني ابنهة
سرور: همزين وكف كلبي
خالة وين
حسام: ماموجودة
سرور: شوكت ترجع
حسام: (بصوت ناصي دنك لجوة) متررجع
سرور: ليش وين هي!!
حسام: بالكبر

سرور: شنو بالكبر انت تعرف شكاعد تحجي ترة ماكاع اشاقة اني
حسام: ولا اني كاع اشاقة امي توفت صارلهة 19 يوم
سرور: (طحت بالكاع وكمت اصيح)
لا خالة ما بريتيلي الذمة خالة بقيتي بس انتي ادافعيلي ليش هجي عفتيني الله لايوفق الاذوج
صبا: شلون ماتت؟؟
حسام: بالكهرباء مال مبردة
صبا: الله يرحمهة
كومي سرسورة كافي تبجين
سحلت سرسورة كوة وكومتهة وتمشي بالشارع وتبجي وتحجي
سرور: ليش خالة ام حسام ليش سويتي هجي حتى ماعتذرتلج على الحجي الحجيتة عليج خالة حتى وراج حجيت واخذت غيبتج منو يبريلي الذمة هسة

صبا: كاافي سرسورة لا توكعين
سرور: شفتي حظي شفتي شلون صورة ابوي خسرتهة وانتي انخطفتي والمرة يلي اعتبرتهة مثل امي غدرتني وام حسام الوفية يلي بس هي ضلت وياي ماتت افيه على حظي
صبا: حرام عليج سرسورة الله يعاقبج
وصلنة للبيت طبت سرور تسبح ومن طلعت قفلت الباب مال شارع وطبت نامت حتى ما طتني اكل فتحت الثلاجة لكيت بتيتة مسواية اكلتهة هي وباردة لان ماعرف للطباخ كملت غسلت مواعيني ورحت سبحت ومن خلصت نمت يم اختي واسمعهة تناشغ.
سرور: كعدت مخترعة باوعت ساعة ب7 بليل
يا صبا ماتغدت نامت بلا غدة.
سويت اكل بيض وطماطة خلط وكعدت اختي صبا

وسألتهة همزين لكيتهة متغدية اكلت وكعدت تصفن
شبيج صبا!!
صبا: مابية شي
سرور: ليش صافنة صاير شي
صبا: يعني باجر انتي تروحين للمطعم واني ماعندي مدرسة اضووج وين اروح اضل مكابلة الحيطان.
سرور: علمود هاي ضايجة
صبا: امم
سرور: ميخالف اخذج وياي
صبا: ( طفرت فرحانة ) اشتغل؟!!
سرور: لا بس تتونسين
صبا: فدوة سرسورة خل اشتغل والله اضوج هناك بس اباوع
سرور: ممنوع اختاري لو كعدت البيت لو كعدت المطعم
صبا: فہدؤؤؤه
سرور: حبيبتي الاميرات مايشتغلن بس يتأمرن
صبا: يعني اني اميرة
سرور: شنو اميرة اصلا الاميرة من تشوفج تغار
يلة نامي علمود باجر نروح

صبا: اي والله بعدني نعسانة
سرور: تصبحين على خير
صبا: ؤآنہتي من اهلة
سرور: رحت تأكدت من الباب انو مقفول ورجعت صفنت شوية ذكرت شلون خسرت اهلي وهسة ام حسام درت وجهي حاولت انام.

كعدنة ثاني يوم الساعة بال10 سويت ريوك وكعدت اختي صبا اكلنة وسبحنة و بدلنة طلعنة وقفلت الباب اخذت المفتاح وياي ومشينة همزين وصلنة من وكت بديت اول يوم وجان الوضع كلش زين والناس طيبة والمطعم جبير بس الناس التجي كلش هواي يعني يتعب اباوع الاختي مستمتعة كلش بس من تباوع للاكل تشتهي بس متكول اسئلهة شبيج تكول مابية شي عرفتهة انتظرت لحد ماصار وكت استلام الرواتب خليتهة هي تستلم اول راتب جبتلهة القائمة مال الاكل وكلتلهة
صباوي شوفي هاي
صبا: شنو هاي؟!

سرور: هاي اكلات اختاري اي وحدة ورح يجيبهة علاء الدين
صبا: صہدك
سرو: يلة اختاري
صبا: هاي وووو هاي
سرور: رحت للطباخ وكتلة دقايق وجهزهن اخذتهن بسفري ورحنة للبيت فتحتهن وكعدنة ناكل سوة
ها طيبات!!
صبا: كلشہ
سرور: يلة اذا كملتي روحي نامي
صبا: بعد متاخذيني مؤؤ
سرور: لا اخذج لان حبابة
صبا: يايييييي عفية سرسورة
سرور: رحنة نمنة وكلعادة استمريت بالدوام لمدة 15 يوم وفجر هذا اليوم جہآن يوم الاثنين الساعة بالتسعة سمعت الباب تكسر فزيت اني وصبا
...........

يتبع...