اعتمدت على نفسي

البارت(2)

الكاتبة Amina
الجزء الثاني البارت الثاني
قصة*اعتمدت على نفسي

(القصة)

سرور: يلة صبا احجي شكو هاي اكلت وصليت
صبا: شنو! مافهمتك
سرور: ادري بيج ردتي اكل وارتاح حتى تصدميني بموضوع احجي فدوة شكو؟؟
***

صبا: شوفي الظهر اجت صديقتي نور وكلتلي لكو البنية الضاعت
سرور: وين لكوهة؟!
صبا: يم بيت اهلهة يم الباب ميتة كاتليهة وشامريهة
سرور: عزة..وبعدين؟!
صبا: ابوهة لكة عليهة رسالة كاتبين يهددون البنات صديقاتي ويكولون رح نكتلهن وحدة وحدة
سرور: شنو ليش؟!
صبا: ماعرف سرور ماعرف بس خايفة على صديقاتي وعلى نفسي خاف حتى اني يكتلوني
سرور: لا اسم الله انشالله ماكو شي

صبا: هسة شلون بينة ماطول اندل وين راحن اكيد يدري بس اني وياج عايشين وحدنة.
سرور: كومي حظري غراضج
صبا: ليش؟سرور
سرور: كتلج حظري غراضج خل نطلع من هذا البيت كلة
صبا: وذكريات اهلي
سرور: يا ذكريات، اضحي بنفسي وبحياتي بس تبقين سالمة
صبا: سرور وين انروح لاعدنة عمام ولا خوال
سرور: ليش احنة عايشين بحمايتهم هسة حتى تخافين، مثل ماعرفنة نعيش وحدنة هاي السنين كلهة نكدر نكمل صباا
صبا: ولفلوس؟؟
سرور: اني جامعة كم فلس ونشوف اني عدي وحدة بالمطعم ادور على بيت بلكي تاخذ بيتنة
صبا: واذا ماخذتة؟

سرور: تدبر..اهم شي عكب باجر احنة مو بالبيت
صبا: سهلة الله كريم
نمنة وثاني يوم كعدنة الساعة ب7 ونص
سرور: صباح الخير صباوي
صبا: صباحو صباح الصحة والعافية
سرور: رح اروح اسوي ريوك
صبا: لا اني اسوي انتي بدلي حتى تروحين للشغل
سرور: شلون اروح وانتي؟؟
صبا: لاتخافين هو يوم واحد
سرور: اااوف. شلون اعيفج
صبا: هاي شبيج ماكو شي انشالله
سرور: اوك رح احاول ارجع من وكت
صبا: لاتخافين علية؛ وديري بالج على روحج
سرور: رحت لبست ملابس الشغل، تنورة سودة وقميص ابيض وسترة سودة وشال ابيض، هو هذا زينة طلعت لكيت صبا محظرة الاكل بيض وجاي اكلنة وطلعت
صبا قفلي الباب زين

صبا: ماشي، باي

ط

بعا اليوم سبت وجان بيومهة عطلة بذاك اليوم جنت حيل خايفة على صديقتي نور بس ماكدر امشي لان سرور رح تزعل مني كعدت التهيت بلتلفزيون اباوع اخبار مال العراق لان ماكو مسلسلات ورة ربع ساعة صار صياح الاصوات عالية كلت اكيد الفاتحة مال البنية الماتت ورة ثواني للكاتبة امنة شاكر الجزء الثاني الاصوات كامت تزيد بصوت عالي حاولت اسمع شنو كاع يصيحون..جانت الاصوات مو واضحة بس يلي سمعتة جان شي كلش مصدم ومرعب بنفس الوقت جان شي كلش يخوف ويلي هو /ولج يمةةة نور مو كتلج لاتطلعين* بصوت عالي وصياح نسوان/
صرت احجي وي روحي واكول جذب نور مابيهة شي ماتعيفني، البارحة جانت يمي، اكيد سامعة غلط... شوية وكام يصيحون نور ونور جمدت وماتحملت اضل فتحت الباب و رحت ركض على البيت مالتهم طلعت حافية بس شال ذبيتة على راسي

الشمس حارة كلش، كسرت الباب حيل كلش والدمعة بعيني انفتح الباب طلعلي ابو نور لابس تراكسود وعيونة حمر
ابو نور: بابا روحي البيتج بسررعة
صبا: عمو نور وين(صوت عالي)
ابو نور: ولج الباب مراقب هسة يكتلوج امشي منا
صبا: عمو ابوس ايدك احجي نور صديقتي وين؟؟؟
ابو نور: نور انخطفت.
صبا: صفنت على وجهة ثواني ودفعتة طبيت للبيت شفت ام نور تلطم ونسوان اثنين لازماتهة رحت حظنتهة وصحت
خالة شكو فدوة نور مابيهة شي صح؟؟
ضلت ام نور بس تنطق اسم نور وحتى ماجاوبتني
خالةةةةة احجي نور وين؟!
ام نور: خطفوهة نور راحت كلتلها الف مرة يمة نور لاتطلعين يمة والله اخاف عليج (دنكت وحطت ايدهة تبجي)*

صبا: ذكرت من خطفوا البنية الجديدة وشلون ماتت عفت ام نور وطلعت اركض للشارع ابو نور حاول يوكفني بس جنت حيل سريعة حتى ماركض وراي لان نفسيتة تعبانة من خطف بتة
طلعت اركض بالشارع مثل المخبلة واصيح نورر وينج وين رحتي مو البارحة وصيتج وكتلج ديري بالج اووووف ياهوة
ضليت كاعدة بنص الشارع وابجي واسولف اجة ابو نور
ابو نور: كومي بابا لايجون ياخذوج انتي انوب
صبا: عمو ليش هجي خليتهة تروح ليش ماحافظت عليها ليش هجي عمو ليش؟؟
ابو نور: اووف والله موبيدي هي رادت تروحلج وتطمأن عليج

صبا: اااخ منج يا نور حتى من حياتج مهددة بخطر كلبج يم صديقاتج اوف وين احصل منج نوررر اذا صدك تحبيني للكاتبة امنة شاكر الجزء الثاني وتخافين علية رجعي بداعتي رجعي.درت وجهي لكيت عمو ابو نور حاط ايدة على وجهة ويبجي

ابو نور: انشالله ترجع لاتخافين
صبا: عمو فدوة لاتبجي نور تزعل اذا شافتك تبجي كافي فدوة لاتضوجهة
ابو نور: الله كريم بابا روحي البيتج( كلام مختلط مع بكاء)*

............

يتبع...

اسفة البارت اليوم قصير بس ماجاي الحك اكتب الرواية❤😟