اعتمدت على نفسي

البارت(1)

الكاتبة Amina
الجزء الثاني البارت الاول
قصة*اعتمدت على نفسي

(القصة)

صبا: اسفة سرسورة اختي
سرور: ياعيون اختج مسامحتج
صبا: حظنت اختي وكلتلهة شكرا
سرور: تكدرين تحجيلي شنو سبب التغيير المفاجئ وليش هلكد طولتي بزعلتج علية
***

صبا: الصراحة هي بسبب صديقاتي سويت هجي
سرور: شلون؟!
صبا: صديقاتي دائما يكللي تعاي باتي يمنة وانتي متقبلين يكللي تعاي طلعي ويانة وهم ماتقبلين وكللي شنو من اخت عندج حارمتج من كلشي مسوية روحهة امج مثلا
سرور: والله اخاف عليج انتي ماتطلعين الا وكت مايريد يصير ليل وبعدين صبا علمود هجي سبب ابتعدتي عني!
صبا: اسمعي..بعدين كاللي احنة منريدج صديقة النا وراحن صادقن بنية غيري لان تطلع وتطب وياهن وتبات يمهن وتشتريلهن واني من شفت كل هذا صار كرهتج لدرجة كلش جبيرة.

سرور: زين ليش صالحتيني هسة؟!
صبا: لان قبل يومين البنية الصادقنهة طلعت وياهن الساعة 7 بليل وما اجن غير ب11 وما اجت وياهن البنية
سرور: يااا
صبا: والله،، وراحو اهلهة يسألوهن كالن البنية ضاعت ودورن مالكنهة عافنهة واجن
سرور:يايمة وتالي!! لكوهة؟
صبا: لا لسة البنية ماهية صارلهة يومين وكلبوا الدنيا عليهة
سرور: عززة هاي وين جنت اني شو كلشي ماعرف
صبا: حتى اني ماادري بس من جنت اطلع بالليل اجت وحدة منهن تحبني وسولفتلي.

سرور: همزين ماخليتج والله جنت اكل بروحي ندم اكول اني حارمة اختي
صبا: اني صارلي يومين احاول اصالحج بس مستحية من السويتة
سرور: صبا بعد لاتزعلين مني كل الاسوي المصلحتنة هسة لو انتي لاسمح الله بمكان البنية اني وين اطي وجهي
صبا: الحمد لله انتي نقذتيني والله
سرور: يلة كومي خل نتعشة
صبا: ماشي اني سويت اكل
سرور: اوك راح ابدل واجي..
لبست تراكسود ماروني وكعدنة ناكل بيض ومعجون ونباوع تلفزيون..صارت الساعة بال9 ونص خلص المسلسل رحنة انريد انام كلوحدة على جربايتهة بس بالنسبة الي ماكدرت انام افكر

بالصار وي البنية ويلي صار وياية ماكدرت اعيف الموضوع هجي لازم اعرف كلشي عن حيدر ووين عايش ولازم اخذ حذري منة لان الايام الجاية يصير عدائي اكثر وهذا الشي يخوف
كمت طلعت للمطبخ كعدت بالكاع وصفنت حتى راسي بدة يوجعني اخذت حبة وجع راس ونمت شوية هدأ راسي

ثاني يوم كلعادة اني رحت للشغل جان يوم جمعة صبا ماراحت للمدرسة عطلة..
صبا: طلعت اختي سرور للشغل بقيت وحدي سبحت وتريكت وكعدت اسوي حلويات لان البيت نظيف صارت ب12 ونص رحت صليت الظهر اثناء ماكاع اصلي اندك الباب حيل تكسر ماعون اخلص صلاة كلبي وكف افكر خاف سرور صار بيهة شي..
خلصت الصلاة مباشرة فتحت الباب الكة صديقتي نور بالباب والوجه احمر
خيرج كلبي وكف
نور: ولج صبااا لحكي
صبا: هاي شبيج نور"(بصوت عالي)
نور: البنية الجانت ويانة الجديدة
صبا: اي شبيهة؟؟؟
نور: لكيناهة (بلهفة)*
صبا: اي همزين وين لكوهة
نور: ولج ميتة( كام تبجي )
صبا: لحظة صدمة بخوف بحزن بأرتباك ماعرفت شنو جانت حالتي بذيج اللحظة
شبيج نور!"
نور: والله كاتليهة وذابيهة يم باب الشارع مال اهلهة
صبا: منو كتلهة.؟ماعرفتي؟
نور: لاا لحكيني يمعودة رح يكتلوني
صبا: شنو!! ليش يكتلوج..نور شبيج
نور: صبا كلبي رح يوكف لحكيني
صبا: شو تعاي طبي اني الكلبي رح يوكف
طببتهة خليتهة تغسل وجهة وشربتهة مي
احجي فدووة شنو الصار؟!
نور: شوفي لكوهة اهلهة يم الباب ومحطوط عليهة رسالة مكتوب عليها (مطلوب دم لكل بنات الشلة) وجاييني الدور صبا
صبا: يا شنو هذا الحجي ولج شلون كدرتي اطلعين؟
نور: ستوة اجة ابوهة وسولفلي واهلي ماخلوني اطلع بس كلت لازم اكلج خاف حتى انتي يأذوج
صبا: ليش اني شعلية!؟
نور: خاف لان انتي جنتي وحدة من الشلة
صبا: زين ليش يهددون مسويات خطأ؟؟
نور: والله ماعرف ليش مادري
صبا: زين هم شاكات بشخص؟
نور: اووف لا والله
صبا: اثناء الحديث اندك الباب
نور: عزة خاف شافوني
صبا: اوكفي ضلي هنا اني رح اطلع
نور: لا فدوة صبا خاف يأذوج
صبا: لحظة، بسم الله الرحمن الرحيم
منو؟؟
فتحت الباب لكيت ابو نور
ابو نور: وين هاي الطركاعة
صبا: تهدة عمو بتك بأمان
ابو نور: خاب يا امان هذا ورطتني وهسة حتى بيتي صار مو امان
صبا: فدوة عمو بس، موبيدهة البنية
نوووور تعاي هذا ابوج
نور: ها
ابو نور: وين وليتي كلتي لحظة واجي
نور: اسفة بابا يلة امشينة
ديربالج صبا
صبا: لاتخافين ماكو شي اطمأني
طلعو سديت الباب وقفلتة فعلا جان اكو نوع من الخوف لان اني واختي عايشين وحدنة ضليت افكر بالموضوع وكملت الصلاة مال العصر وكعدت بالغرفة خايفة على سرور ياما تجي وارتاح صارت الساعة ب8 اخيرا كملت العشة وتانيت سرور احس الدنيا ظلمة بلاهة محتاجتهة حيل سرور هي امي لان اني ماشفت شي من امي الحقيقية يارب احفظهة ورجعهة بالسلامة بطلت مدرسة وحرمت روحهة من الطفولة بس على حسابي كونتني وكونت نفسها بنفسهة اعتمدت على روحهة بكلشي.
انفتح الباب عرفتهة اختي لان عدهة نسخة ثانية من المفتاح
اييي همزين شفتهة بخير ركضت عليهة وحظنتهة عيوني نزلت الدمع بسرعة وبدون وعي
سرور: شبيج صباوي صاير شي؟
صبا: ماحبيت اول ماترجع اكللهة واقلقها
لاهجي بس شتاقيتلج
سرور: صبا احجي شكو اول تالي تشتاقيلي بعدين كلبي حاسسني اكو شي
صبا: ريحي احساسج بس لان اليوم ماداومت وضليت وحدي المهم سويت العشة بدلي وتعاي
سرور: ماشي
صبا: كملنة اكل وكعدنة ماعدنة شي
سرور: يلة صبا احجي شكو هاي اكلت وصليت
صبا: شنو! مافهمت
سرور: ادري بيج ردتي اكل وارتاح حتى تصدميني بموضوع احجي فدوة شكو؟؟
....................

يتبع...