اعتمدت على نفسي

البارت 14

الكاتبة Amina
الجزء الاول البارت الرابع عشر
قصة*اعتمدت على نفسي

(القصة)

محمد: جا شتريد منة خلينة هنا
الشرطي: بس ناخذ تصريح من القاتل و والله اذا متعترفون منو لكتل رح اطول الشغلة علما نشوف البصمات
سرور: اني والله*
***

الشرطي: ماشي رح ناخذج ويانة نشوف بس بصمات المسدس اذا مطابقة وي بصماتج رح ناخذ الاجرائات
محمد: يعني تبات بالسجن؟؟
الشرطي: لا انت ودي الطفلة للمستشفى وتعال ناخذ شهادتك بأن هذا دفاع عن النفس ويمكن لل4 العصر تطلع
سرور: ماشي
اخذوني بالسيارة وعمو ودة اختي للمستشفى وخلة امة يمهة واجة ياخذون تصريحة وبعد فترة ثبتوا اني القاتلة ودفاع عن النفس ولان صغيرة ماخلوني ابات بلسجن لل5 طلعت مباشرة رحت لصبا لكيتهة نايمة ماقبلوا اضل اكثر من 5 دقايق
طلعت تانيت برة للكاتبة امنة شاكر الجزء الاول ورة 3 ساعات صارت الساعة بثمانية بليل سمحولي اخذ اختي اخذناهة وطببتهة لبيتنة عمو محمد ماقبل نضل وحدنة دز امة تبات ويانة والصورة ماعرفت لسة شنو سالفتهة بعد مرور 28 يوم قررت اروح اعتذر من خالة ام حسام لان هواي خطأت بحقهة وتهمتهة وماسمعت كلامهة من البداية هنتهة هواي قررت اروح الها ماطول اختي طابت وبدت العطلة اخذت اختي ورحت احاول اغير جو الها طلعت ورحنة مشي واسولف وياهة
صبا: سرسورة

سرور: ها يعمري
صبا: لكيتي صورة ابوية
سرور: لا
صبا: اني اندل وينهة
سرور: صدك وين
صبا: هو عمو الدبي اخذهة واخذ غراضج هم
سرور: وين وداهن؟؟
صبا: بلبيت مالتة موجودات
سرور: هسة شلون ناخذهن
صبا: امشي خل ناخذهن لايكسرهن
سرور: صدك بسہ عمة ام حسام شلون¿¿
صبا: نكدر نجيهة باجر امشي خل نروح نجيب غراضنة
سرور: منو يكول ماكاسرهن هسة!
صبا: لا انشالله امشي نحاول
سرور: يلهہ
مشينة وصلنة يم الباب صعدت صبا من فوك الباب حتى تباوع اذا اكو احد شافت مالكت والغرف مسددة مبين محد بہيهن عبرتهة من فوك الباب وفتحتة الي ودخلنة علكيف طبعا هي تندل المكان رحت وراهة لحكتهة ومالكيناهة
هاا وينهة

صبا: ؤآللهہ هنا خلوهة
سرور: ياا جا وينهة امشي خل ندور بالبيت
صبا: يلة,
اني دورت بلمطبخ وسرور بالصالة خفنة نطب للغرف ونشوفة كلنة بالاخير ندور بالغرف حتى اذا لكينآ لعمو نہشرد دورنة مالكيناهة وبدينة ندور غرفة غرفة مالكينا لا الصورة ولا عمو ابو حيدر خاب ظنة وطلعنة من البيت خاف يجي ويلكانة واحنة ونريد نطلع راحت سرور ادور بالحاوية(سلة النفايات)، ولكتهة مزكة والاطار مكسر وعليهة مااي وصخ من الحاوية
سرور: شوفي صبا شوفي الصورة شمسوي بيهة
صبا: سرسورة لاتبجين
سرور: هسة اني شكول الابوي من اروحلة

صبا: سرسورة كافي لايجي عمو يذبحنة
سرور: نهارت اعصابي من شفت صورة ابوي بهاي الحالة مباشرة ركضت لبيتة وصبا عرفت شريد اسوي اجت تركض وراية حطينة لبيت كلة كسرنا والكراسي شمرناهن وشكو صورة عندة حركتهن بالنار وطلعت عفتهن يحتركن اريد اموتة قهر مثل ما موتني وعذبني اني واختي صحيح من امشي بلشارع مقهورة بس افرح لآن اخذت حق ابوي طبينة للبيت كلت باجر امشي لخالتي ام حسام طبعا هاي الفترة كلهة ام سعد وام محمد جوارينة يدزن النة اكل بس ماحبيت اعتمد عليهن قررت احاول ادور شغل حتلو مساعدة اي شي المهم ماخلي جيرانة ليوكلنة وصار ثاني يوم الساعة ب9 ونص الصبح بدلت صبا واني هم ومشينة
صبا: سرسورة.
سرور: ها صباوي
صبا: هذاك مطعم ماتروحين تشوفين بلكي يشغلوج
سرور: فعلا تعاي خل نشوف
السلام عليكم

ابو المطعم: تفضلي
سرور: استاذ هم محتاج طباخة
ابو المطعم: لا بس محتاج عاملة توصل طلبات الاكل
سرور: اي موافقة اكدر اشتغل
ابو المطعم: شوكت تردين تبدين
سرور: بكيفك
ابو المطعم: بآجہر
سرور: ماشي بيش الساعة

ابو المطعم: الساعة ب11 ونص الظهر تجين وتروحين بالخمسة وراتبج كل يوم خمسة وعشرين

سرور: طلعت والبسمة على وجهي الراتب زين والوقت مرتب يعني الحك اغدي اختي ومن اجي اعشيهة مشينة مباشرة لبيت خالة ام حسام دكيت الباب ماكو ماينفتح
صبا: هاي ليش للكاتبة امنة شاكر الجزء الاول ماتفتح الباب
سرور: ولج خاف درة بيهة هي لكلتلي
صبا: شنو يعني كتلهة
سرور: لا انشالله ماكو شي
ورة ربع ساعة كاعدين بلباب منتظرين خبر نسمع صوت دراجة وكفت
حسام: السلام عليكم
سرور: منو انت؟؟
حسام: اني لازم اسئلج، هذا بيتي
سرور: شنو بيتك انت منو هذا مو بيت خالة ام حسام
حسام: اي بالضبط واني ابنهة
سرور: همزين وكف كلبي
خالة وين
حسام: ماموجودة
سرور: شوكت ترجع
حسام: (بصوت ناصي دنك لجوة) مترجع
سرور: ليش وين هي!!
حسام: بالكبر
..........................

يتبع...