الكاتبة Amina
الجزء الثاني البارت الحادي عشر
قصة*اعتمدت على نفسي
(القصة)
سرور: ضليت صافنة علية يباوع لفوك ويسولف ويدعي حسيت بي صدك مقهور بس اني اعرف عمي عماد وعمي الصغير مسافر وشايفة صورة اني بس ناسية شنو اسمة من تعارك ابوي وي جدي وطردنة ماسألوا علينة واختفوا بعد ماشفتهم
*
**
كريم: بوية سرور اني عمج الصغير اني الجنت مسافر والله من سمعت الصار بيكم اتسودنت تعاركت وي بيت اهلي وهجيت من البيت ادور عليكم وهاي صار 16 سنة ادور عليكم مثل الخبل
سرور: جان كلامة معقول لان شنو العرفة احنة من ورة بيت جدي طلعنة اني بقيت بس صافنة علية معقولة صدك هذا عمي اني شايفتة بالصور مو هيج شكلة
كريم: سرور بت اخوي الغالي احجي لاضلين ساكتة
سرور: شنو يلي عرفك اني بت اخوك
كريم: اني من جنت اشتغل بالمطعم تذكرين اخر مرة من صاحلج المدير تامر بأسمج الثلاثي سمعت اسم ابوج وجدج عرفت حاولت اجمع معلومات عنج سألت البنية الويانة زينب ودلتني على بيتج
سرور: وليش ماجيت بنفس اليوم
كريم: لان جنت احاول اجمع معلومات وعرفت ابوج متوفي وامج هم وانتن عايشات وحدجن المهم تواصلت واجيت اخذجن دكيت بابكم وولد من المنطقة سولفلي على الصار
سرور: ماجنت اعرف شسوي يعني هم عافونة كل هلسنين لمن كبرنة وتأقلمنة يجون ياخذونة معقولة اروح لبيت طرد ابوي لا مادوس عتبت بابهم لو اني لو يلي طرد ابوي
كريم: سرور العمر كدامج لا تكولين كبرت واكدر اعتمد على نفسي واذا ماتقبلين اجيب مرتي ونعيش وياجن ماطول لكيتجن بعد ماهدجن ولا اضيعجن
سرور: ماكدر عمو
كريم: خيرج ليش؟!
سرور: عمو احنة تحملنة المر وحدنة من بيت لبيت حتى خدامة اشتغلت كلشي سويت حتى اعيش اختي حتى مدرستي ضيعتهة في سبيل نعيش عمو اعرف مالك ذنب بيلي صار وابوي يعزك ودائما يذكرك بالخير جنت اتمنى اشوفك من كد مايسولف بيك عمو اني ضكت المر هنا تريد توديني من بيت انطرد وانذل بي ابوي
كريم: حقج على راسي عمج سافر وصايرلة اكثر من خمس سنين وجدج مات الله يرحمة ماكو مذلة الج هناك يبت اخوي
سرور: ضليت افكر بكلامة هو جدي جان سبب طرد ابوي وهسة هو شابع ماي ورد بكبرة واني العمر وراي طويل صحيح اني قوية وتحملت هواي مر بس جنت كدهة اعتمدت على نفسي ورة الصبر فرج وهسة لكيت من يلفني ويلف اختي وصبا هم ماشبعت حنان على الاقل هناك ناسنة واكو من يحبنة ويلفنة.
كريم: على راحتج سرور عندج خيارين لو اني ومرتي نجي نعيش يمكم لو انتم تجون يمنة
سرور: خل تطيب اختي ويصير خير
مشى عمي شاف صبا من الجامة مال باب وكام يبجي
كريم: كلة بسببنة يابعد عمج وصلتي لهلحالة ليش هجي بنات جنهن ورد يتأذن بهل طريقة
سرور: اني سمعت عمي يبجي رحت اراضي بس الصار اني هم كمت ابجي ويا اول مرة احس احد يحن ويخاف علينة نسة حزنة وبدة يسكت بية ورة ربع ساعة اني كعدت على الكرسي وعمي راح يفتر يتوسل بلدكاترة ويكلهم شكد متردون اني حاظر ويطي كل دكتورة اتطب لاختي يطيهة فلوس لان يعرف الدكاترة الا بفلوس يالله تعتني بالمريض زين اجة الي انوب سألني محتاجة شي ترحمتلة وراح ضل واكف يم باب الغرفة مال اختي ويباوعلهة تأثرت حيل بالمنظر ورة ساعتين اجو ام هيفين وابو هيفين .
أنت تقرأ
اعتمدت على نفسي
Historical Fictionواقع فتاة تعيش مع اختها الصغيرة في بيت ابوهما المتوفي القصة مليئة بالدموع باللهجة العراقية
