اعتمدت على نفسي

البارت(4)

الكاتبة Amina
الجزء الثاني البارت الرابع
قصة*اعتمدت على نفسي

(القصة)

صبا: سرور من الاخير اني ماطلع من هذا البيت
سرور: صبا شبيج تخبلتي؟؟
صبا: اي تخبلت طلعة منا ماكو الي
وطلعت من يمهة رحت للغرفة نمت.
سرور: صبااا
***

اوف ماكدر اخليهة هنا الوضع مو امان وشلون اكدر اخذهة بالقوة.
تقربت من الغرفة ودكيت الباب
صبا: اشتردين سرور
سرور: شنو شريد فتحي الباب
صبا: سرور فدوة عيفيني وحدي لاتحاولين تقنعيني
سرور: يمعودة فتحي الباب اريد اخذ ملابسي ابدل
صبا: كمت فتحت الباب وطلعت للمطبخ كعدت وحطيت ايدي على وجهي وابجي.
شلون اروح واني ماعرف شي عن نور صديقتي شلون اصبح الصبح على جثتهة نور لاتعيفيني فدوة نوررر.

سرور: بدلت ملابس بيت واخذت عقلي صبا كلبي يتكطع من اشوف هجي حالتهة شفتهة كاعدة بالمطبخ وتسولف  عفتهة على راحتهة خل تبجي حتى ترتاح..رحت توضيت وصليت ركعتين لرب العالمين بلكي ترجع نور ومايصيبهة اذى
بعد ساعة صبا بعدهة بالمطبخ وتحجي وي نفسها وتبجي..ياربي دخليك هاي رح تتخبل اذا حتى حالة نفسية اتصير عدهة. مشيت للمطبخ
صباا كافي
صبا: سرور عيفيني
سرور: صبا كومي نامي لاتعاندين باجر وراج دوام حتى قراية ماقريتي
صبا: ماروح
سرور: شنو ماتروحين مو بكيفج هي
صبا: سرور كلت ماروح لا تجبريني
سرور: تروحين و اجباري اذا انتي عنيدة اني اعند
صبا: اهوو.. كمت رحت للغرفة نمت
سرور: همزين راحت للغرفة هو هذا الردتة.
مشيت للغرفة حطيت راسي ونمت.

صارت الساعة ب7 ونص الصبح كعدت بس جنت حيل متوترة شنو الاسوي ماعرف.. ماعرف اتصرف بهذا الموقف اروح للشغل.ماروح خاف صبا تأذي نفسها. اكعدهة وكلها روحي للمدرسة. اعيفهة ترتاح وماضغط عليها. شنو تصرفي الصح
قررت اخلي اختي اتضل بلبيت ماحبيت اضغط عليها.واني ابقى يمهة خاف تأذي نفسها. رحت عزلت البيت لان ماكدر بعد انام
ورة ساعة اندك الباب، اي بلكي الله هاي نور اجت لكوهة.
منو؟؟
فتحت الباب وشفت زينب ويلي هي البنية يلي رادت البيت تريد تشتري.
زينب: هاي
سرور: هلو
زينب: امشي خل نروح للبيت التردين تبيعي
سرور: هذا هو البيت
زينب: What
سرور: شنو شبيج
زينب: سرور انتي تشاقين
سرور: شكوو ماكاع افهم عليج

زينب: خليتيني اجي مناك لهنا علمود عش عصافير
سرور: زينب اني كتلج لكدام البيت صغير
زينب: عيني اني من البداية توقعت مثلا شتوقع من الفقرة اسفة المكادية
سرور: ليش حبيبتي مكدية منج
زينب: مو الا لان الفقر واضح على عيونج
سرور: مو عيب اذا الشخص جان فقير عيب على يلي يقلد على نعمة رب العالمين.
زينب: ماكاع اقلد على نعمة ربي بس انتي فكر بت فكر
سرور: كاااافي( بصوت عالي ) رفعت اصبعي
زينب: نصي صوتج سروررر (بصوت عالي)
سرور: وليش انصي يعني تهينين ابوي وكدام عيوني وتردين اسكت؟
صبا: كعدت مثل كل مرة وسمعت صوت عياط بنية جان صوتهة كلش عالي واني مالي خلك راسي يوجعني خفت على نور عبالي جابوا جثتهة ركضت والكة سرور وبنية غريبة بس مبينة غنية وانيقة يتصارخن وحدة تصيح والثانية اعلى. رفعت ايدي وكلتلهة

شكو هيو شبيج تعوين
زينب: شنو هاي الالفاظ.  قليلة ادب
صبا: احترمي نفسج لان مارح تشوفين شي يعجبج.
زينب: يالله انوب اجت المحامية
صبا: على راسي كل المحاميات، بس شكلج ماشايفة كدامج
زينب: استغفر الله، يلة عود منو كدامي 
صبا: البطلة صبا
زينب: ههه بالله منو ضاحك عليج انتي
صبا: شوفي اذا ماتولين منا. اشرج على الحبل ترة
زينب: ماروح واريد اشوف منو يشرني
صبا: والله بالنسبة الي ماشرج لان يوكع الحبل ماعدنة غيرة.

عافتنة وراحت وجهة صار احمر ضاجت حيل
سرور: عزة بعينج شردتيهة
صبا: سرور منية هاي
سرور: هاي البنية الرادت تشتري البيت
صبا: اها.. ماشي
سرور: يعني موافقة تروحين وياي
صبا: سرور رجاءا اني ماكلت راح امشي وياج
سرور: جا ليش ماحجيتي من عرفتيهة
صبا: لان هاي حرية شخصية اذا تردين تروحين ما امنعج
سرور: صبا شبيج معقولة تكدرين تعيشين بدوني؟؟
صبا: لا ما اكدر بس مثل ماكدرتي تعيشين بدون اهلي وتعتمدين على نفسج اني هم اكدر اعتمد على نفسي.

سرور: صحيح ضجت منها بس كلامهة صحيح وماخطأت عفتها وطبيت للبيت
سويت اكل مادام كعدت
يلة صبا تعاي اكلي
صبا: ماشي
اختي
سرور: ها؟
صبا: برأيج رح ترجع نور!!،
سرور: شوفي صبا هذا امر الله ومالازم نعترض علية. واذا دعينالهة رح ترجع انشالله
صبا: امم، زين شتكولين منو برأيج خاطفهة
سرور: اووف والله ماعندي فكرة صباوي
صبا: يعني معقولة حيدر هو الخاطفهة؟!
سرور: شنو هاي شبيج صبا حيدر شعلية هو يريد ينتقم من عدنة نور والبنية شعليهة
صبا: ماعرف سرور ماعرف احس كل الجاي يصير بسببة
سرور: اششش لاتبجين انشالله ترجع بسلامة
.............

شنو رأيكم معقولة حيدر هو سبب كلشي؟؟

هل كلام صبا صح؟؟ او تبرير سرور هو الصح؟
رح تظهر الحقيقة بالبارتات الجاية..انتظرونا

*.*.*.*.*.*.*.*.*

يتبع...