اعتمدت على نفسي

البارت 13

الكاتبة Amina
الجزء الاول البارت الثالث عشر
قصة*اعتمدت على نفسي
بارت طويل♥

(القصة)

محمد: لحظة لاتدخلين خل اشوف خاف هاي الغضب موجودة وتحط طلقة براسج
سرور: فدوة عمو ماتحمل بعد
دخل عمو محمد وماصبرت دخلت ورى مباشرة شفت اختي كبالي سابحة بالدم ومايعة روحهة ومربطة ولحلك هم و
***

محد بلبيت بس صبا زين خالتي وين ركضت عليهة حضنتهة وعمو محمد يفل بيهة اني ابجي واصيح صباااا صبا كعدي اني يمج لاتخافين، عمو محمد فل الحبل المربطة بي وشالهة
محمد: يلة امشي
سرور: وخالة ام حيدر خطية ماهية
محمد: مادري وينهة ماهية
سرور: الله عليك عمو خل ندور بلغرف خطية لايكتلهة

سرور: اثناء ما كاعد نتناقش دخل عمو ابو حيدر وخالة ام حيدر اباعلهة صافنة علية ولابسة نفنوف طويل والشال لافتة والمكياج والعلج ما عرفتهة ولا يكلك هاي الفطيرة هجي تلبس عمو محمد طلع السلاح ووجهة عليهم اني مصدومة من خالتي ام حيدر يلي امنت بيدهة اختي وكلت تحافظ عليهة هجي تسوي مافهمت شي جانت اصعب لحظات حياتي كاع تمر علية
ابو حيدر: شجابكم لهنا ليش ادخلون بيتي بدون اذن
محمد: والك عين تحجي صرت تعرف بالاصول
سرور: عمو محمد شمر لسلاح وركض على ابو حيدر ويضرب بي صارو دماية واني حاضنة اختي
ام حيدر: ولك عيفة الله لايوفقك رح تموت الرجال
محمد: ليش انتم من حبستوا طفلة صغيرة وحدهة وتضربون بيهة سابحة بالدم هاي وحد يا زبالة يا غدارة ظالمة ماعندج كلب ماتخافين الله لو بيكم خير ماضحكتو عليهة لهل درجة تخافون من سرور حتى ماكلتولهة خاف تذبحكم ههههه زعاطيط مو صوجكم
ام حيدر: احترم نفسك لا هسة الم الناس عليك
محمد: لاتخليني احجي لو ما مرة جا هسة شفتي حالج مثل رجلج وازيد

سرور: ابو حيدر كاعد بلكاع وغاط بالدم ورد عمو حيدر يضرب بي وهاي ام حيدر ركضت بأتجاه السلاح اني جان قريب مني مباشرة اخذتة ووجهتة بأتجاهة هي جفلت من شافتني موجهتة عليهة
اذا ادنيتي خطوة لكدام رح اكتلج
عمو شافني عاف ابو حيدر وضل صافن علية واجة مباشرة الي
محمد: ولج هذا سلاح مو لعبة شلون تلزمي
سرور: عمو رادت تجي تاخذة وتكتلك
محمد: انتي شنو من ملة ملتج الا امد ايدي واضربج
ام حيدر: شحدك الفكر انوب يسوي روحة بروسلي
محمد: استغفر الله عاد احسن منج فلوسكم كلهة بوك
سرور: ركضت ام حيدر للمطبخ وطلعت بيدهة سجينة
هااي شنو
ام حيدر: مثل ماشايفة سجينة اريد اكتلج انتي وهذا الزبالة واشرب من دمكم

محمد: اذا بيج خير سويهة اذا هو رجلج ماسلم انتي انوب والله ماطلعج منا عايشة
سرور: اجت ركض على عمو محمد وتريد اذبحة والسجينة على ركبتة يحاول يوخرهة بس هي نسر ما يكدر خاف تصيبة واجة ابو حيدر من ورى يكتل بي ياربي منا سجينة ومن ورة يكتلون بي اثنينهم دارو علية المسدس جان بيدي ماعرف استخدمة بس اعرف اطلق رصاص من خوفي وجهتة المشكلة خاف تصيب عمو محمد بس لازم ماضل واكفة لازم اسوي شي غمضت عيوني وضربت طلقة سمعت صوتهة تسودنت مباشرة ذبيت السلاح بلكاع وما باوعت ياهو يلي نصاب حضنت اختي وابجي ياربي كون مو عمو محمد ورة دقيقتين من الصدمة صاح عمو محمد
محمد: هاي شسويتي ولج
سرور: سمعت صوتة درت وجهي بساع واشوفة واكف ومصدوم وابو حيدر كاعد بلكاع وصافن على ام حيدر لكيت ام حيدر سابحة بالدم وبلكاع طايحة بس عيونهة فاتحتهن مترمش وتباوعلي<_>
انفتح الباب ودخلت الشرطة حوالي اثنين شرطة ومرية شرطية شافوا الجثة تنفس ماكو يعني ماتت
الشرطي: منو المجرم منكم؟؟
سرور: صفن الكل واني اباوع بوجه عمو محمد وفجأة كال
محمد: اني
سرور: انصدمت شفت الشرطة تقربت منة وتريد تكلبشة وصحت.
اني الكتلتهة

الشرطي: بابا ماكاع نلعب منو منكم القاتل
محمد: اني اخذني وخلص هاي تخاف علية تذبهة براسهة
سرور: عمو فدوة لا تتحمل مسؤلية مالك علاقة بيهة
محمد: سرور كافي جذب ترة هذا مو لعب زعاطيط
سرور: عمو شرطي والله اني الكتلتهة واذا مجذبة عليك شوف الطلقة جاية من ورة يعني من جهتي
الشرطي: هذا مو دليل
سرور: زين شوف المسدس وين مو هذا ويا بصفي
الشرطي: فعلا المسدس يمهة
محمد: يمعود هذا مو دليل اني جنت يمهة وستوي اجيت اشوف ماتت يعني برأيك هاي الطفلة تكدر تكتل
الشرطي: رح ناخذكم اثنينكم ونشوف البصمات مال المسدس
سرور: كلبشتني الشرطية واخذتني وعمو اخذة الشرطي والشرطي الثاني حط المسدس بجيس( كيس نايلون) طلعنة والجثة ماعرف شصار بيهة وابو حيدر بس صافن من الصدمة ماحجة شي ولا باوع غير بس على مرتة وصلنة يم الباب وصحت
اوكفووووو
الشرطي: خير انشالله شصار
سرور: واختي منو يضل يمهة
الشرطي: رح ناخذهة للمستشفى لاتخافين
سرور: شنو تاخذهة هسة يكتلهة ابو حيدر ما اطلع منا واختي مو وياي
الشرطي: اعترفوا منو الكتل خل يروح الثاني يمهة
محمد: مو من حقكم تاخذونة ترة هذا يسمو دفاع عن النفس يعني ماكو سجن
الشرطي: شنو اليثبت هذا دفاع عن النفس
محمد: سرور شاهدة
الشرطي: بابا تضحك على روحك هي متهمة حالهة حالك ماكو شهادة اله
محمد: واذا اعترف واحد من عدنة مو هو القاتل يكدر يشهد
الشرطي: شوف اني مصدكك لان الجروح مبينة عليك ونكدر ناخذ بصمات من الجروح ومصدكك لان الطفلة الجوة مدماية اعرف دفاع عن النفس وهذني ادلة كلش قوية واذا جانت البنية هي القاتلة راح تطلع لان عمرهة صغير يعني الادلة كلهة الصالحكم
محمد: جا شتريد منة خلينة هنا
الشرطي: بس ناخذ تصريح من القاتل و والله اذا متعترفون منو لكتل رح اطول الشغلة علما نشوف البصمات
سرور: اني والله*
..............

يتبع...