اعتمدت على نفسي

البارت 18

الكاتبة Amina
الجزء الاول البارت الثامن عشر
قصة*اعتمدت على نفسي

(القصة)

سرور: طلعنة من باب السجن احس صايرلي شكد ماشايفة الضوة فرحت كلش
محمد: سرور
سرور: ها؟؟
محمد: احنة رح نسافر

سرور: ليش عمو
محمد: شغلنة هناك مانريد نضيعة وانتي شنو مصيرج
سرور: لاتخاف عمو اثنينهم ماتو واني حصلت شغل يعني وضعي تمام
محمد: ماشي هاج هاي ميتين الف
سرور: مامحتاجة عمو عندي والله
محمد: ميخالف سرور اخذيهن ولاتبذرين بالفلوس
سرور: ماشي,
راح عمو محمد ثاني يوم تأثرنا بروحتة ومرت السنين والوضع تمام بدت المدرسة داومت صباوي واني مستمرة بالشغل صار عہمري 18سنہة وعمر صبا13 سنة مرت الخمس سنين واحنة مرتاحين بس وحيدين ابتعدنة عن كل الناس بسبب
يلي صاار خليت الاختي سايق كل شهر 15 الف وصباوي بطلت اصيحلي سرسورة لان كبرت...
صبا: سرور
سرور: ها؟؟

الكاتبة( Amina/آمنة )*

صبا: شنو هاي بيتنة كبرنة واريد اجيب صديقاتي فشلة خل نغير ديكور البيت
سرور: باوعت للبيت ذكرياتنة كلهة بي بس ماكو شي يدوم وفعلا البيت كلش قديم والحمد لله اني جمعت كم فلس خلال هاي السنين
شنو نغير بي؟!

صبا: نصبغة ونجيب تلفزيون وهجي اشياء
س

رور: مااشي
فعلا جبت تلفزيون وصبغنا وجبنة فراشات جديدة وجربايات
صبا: الله هسة البيت يخبل
سہرؤر: هآ عجبج
صبا: كہلشششش
سرور: اهم شي آنتي فرحانة
راحت صبا على الجربايات اطفر فرحانة
صبااوي
صبا: ها!!
سرؤر: قريتي
صبا: آي
سرور: صباااا
صبا: ها شبيج
سرور: احجي قريتي؟!!
صبا: هو هو لا بس
سرور: ليش اجذبين علية
صبا: اسفةة
سرور: كاع احجي وياج ليش اجذبين(بهدوء)*

صبا: مو راح,,,راح تخليني اقرة واني تعبانة ومالي واهس
سرور: صہبآؤي هذا عذر
دنكت صبا وماحجت
سرور: امشي اقري
صبا: حبابة سرور والله ماغبت من بدت السنة لسة فدووة بس هلمرة
سرور: صبا احنة من انداوم مو علمود نغيب ترة بس الكسالة يغيبن
صبا: سرور اني مو صغيرة( بصوت عالي )
سرور: ماطول انتي مو صغيرة معناهة تعرفين عيب تعلين صوتج على الاكبر منج وتعرفين اذا غبتي يوم رح يضيعن الدروس عليج
صبا: واذا ضاعن هو يوم واحد. شطلبت سنة

الكاتبة(Amina/آمنة)*

سرور: ولج الوقت من ذهب حبيبتي افتهمي قصدي انتي طالبة متوسطة شنو غياب
صبا: هو يوم واحد شطلبت
سرور: مو تتعلمين وداعتج
صبا: شمرت الغطة وكلت بصوت عالي
دروحي بابا
وطلعت للمطبخ
سرور: اوكفي لج سكتتلج هواي هم صايرة تعلين صوتج وهم كسلانة وتجذبين ومتحترمين هي هاي الاخلاق العلمتجياهة
صبا: سرور لا تمنين علية راح اروح باجر للمدرسة بس بعد ما اسولف وياج للموت
سرور: يا هاي شبيهة صبا بيج شي مخبلة صايرة ولج علمود المدرسة هجي تعامليني
صبا: عفتهة وطلعت سويت بيض وطماطة واكلت وسرور هم ماحجت وياي ابد صارت الساعة ب9 بليل طبيت اريد انام لكيت سرور نايمة متغطاية
سرور: اني جنت جوة البطانية بس منايمة متانة صبا تجي خفت عليهة بس

مارحت ماريد اكبر راسهة من طبت هي بيهة عادة تبوسني من راسي وتنام بس هلمرة غير طبت كبل نامت واني هم ماجذبت تعبانة حيل ووراية دوام نمت.
صارت الساعة ب7 ونص الصبح دوام صبا ظهري عفتهة ورحت لشغلي واني بالي كلة يمهة شنو الخلاهة هجي اصير
خلصت شغلي ورجعت الساعة ب8 بليل لكيت صبا نايمة وملابس المدرسة بلكاع والجنطة هم وماكلة زايد منهة مخليتة بالثلاجة فلافل, اكلت وكعدت اغسل الملابس ورة نص ساعة كعدت صبا راحت طلعت بيذنجان وسوت واكلت وابد ما باوعت بوجهي شدت فد شدة كملت اكل ولبست وطلعت اني هنا ماتحملت خفت عليهة وين رايحة بهجي وكت
ووين؟؟
صبا: درت وجهي بأتجاه سرور ورجعت درت وجهي للباب اريد اطلع
سرور : مو كاع احجي وياج صبااا

صبا: نعم انتي امي ابوي شعليج وين رايحة
سرور: غصبن عليج اني امج وابوج وعشيرتج كلهة اني
صبا: اني امي وابوي متوفين انتي اختي وبس
سرور: كلتيهة يعني اني الي الحق اسئلج بمعنى اني الوحيدة الج
صبا: شو كافي
نزعت شالي وكلت
هاي رديت ارتاحي طلعة مارح اطلع
سرور: هو هذا الصح
طبت للغرفة وطبكت الباب حيل كملت الملابس ولبيت وكلشي ورحت اريد انام

الكاتبة( Amina/امنة )*

هي هاي حياتنة صارت الساعة ب11 واني لسة مانايمة مااكدر بس افكر بصبا وبتغيرهة المفاجئ مرت الاشهر وصبا نفس الشي صار 5 اشهر احنة مانسولف سوة كلوحدة وحدهة بس النومة تجمعنة لان جرباية بصف الثانية فراغ قليل بينة
اني بعد ماكدرت اتحمل صبا يوم عن يوم كاعد تتجاوز اكثر وصلت حتى تطلع حتلو امنعهة بنص الليل ساعة ب9 او 8 تطلع الحكهة الكاهة كاعدة بنهاية الشارع وحدهة وتصفن وبيوم طلعت كعدت بنهاية الشارع الساعة ب10 الا ربع لحكتهة حتى تجي تنام
سرور: يلة تعاي طبي هسة يجي واحد يخطفج جلاب تعضج
صبا: يبو حتى لهنا لاحكتني ماتجوزين عاد
سرؤر: لهلدرجة اني مضوجتج؟؟
صبا: مو بس مضوجتني مدمررررتني صدك عود انتي ليش مو نفس اخوات صديقاتي ليش آنہتي هجي
سرور: ليش شبية!!

صبا: لا تخليني اطلع مثل البنات لا ابات يم صديقاتي ياربي ليش اخذت امي وابوي اني عايشة بجهنم بعدهم
سرور: من كالت هجي بعد ماكدرت اتحرك ابد ولاعيوني ترمش بس حلكي يتحرك
يعني اني ظالمتج ومقصرة بحقج
صبا: هوااااي الله ياخذني ويخلصني من هل عيشة
سرور: يعني اذا اموت ترتاحين
صبا: كلش
سرور: صبااا هجي سهلة عليج تضحين بأختج على حساب سعادتج
باوعت للسماء وكلت
بابا ماما سامحوني ماعرفت اربي اني فاشلة وماحافظت على الامانة
.................

يتبع...