اعتمدت على نفسي

البارت(9)

الكاتبة Amina
الجزء الثاني البارت التاسع
قصة*اعتمدت على نفسي

(القصة)

مباشرة طلعت صبا ركضت وراهة بحيث عثرت بالجادر مال الصلاة ووكعت الدمعة نزلت بديت ابجي ماعرف حسيت هاذهو رح تروح بعد مترجع اكيد لان الصدمة قوية صبا راحت بيدهة على الموت خفت حتى اطلع وراهة ضليت كاعدة وابجي بطني كامت توجعني نفسيتي نسدت من كلشي كمت ادعي ماحبيت حتى امد راسي من الباب واشوف شصار
***

كعدت ابجي واعاتب نفسي وليش ماكلتلهة واني بنفسي جبتهة على العذاب جان اكدر اجر بيت واكعد اني وياهة بي صار بلنص ساعة اسولف وابجي للكاتبة امنة شاكر الجزء الثاني بعدين وعيت على نفسي انو صبا صارلهة ربع ساعة من طلعت اني لابسة جادر صلاة مباشرة طلعت بي ادور على صبا مثل المسودنة وادك بلبيبان بل5 دقايق بعدين شفت واحد جيرانة يعرفنة اجة يركض ويلهف ،طفل عمرة بال4 سنوات جان جاي بأتجاهي اجة وكلي سرور اختج بالشارع الثاني نايمة

سرور: شنو نايمة..رحت اركض وكلبي راد يوكف لو ما (الله سبحانه)*

وصلت ولكيت صبا بنص الشارع فاقدة الوعي
وراسهة يجري دم كمت اصيح وابجي بكل علو حسي التمت الناس علينة اخذوا صبا وصعدوهة بسيارة مال جيرانة وبسرعة للمستشفى رحنة واني الطريق كلة اصرخ واخرمش خدودي حسيت روحي اختنكت كلش وصلنة للمستشفى طببناهة للانعاش لان حالتهة خطرة كلش كعدت بنص المستشفى ومرية من نسوان جيرانة خطية اجت وياي ماعافتني كمت اصرخ وينج ييمة شوفي حال بتج يمة بتج الاعتمدتي عليهة باعي شسوت شوفي وين وصلت اختهة بين ماجنت اشكي همي واصيح جانت المرية جيرانة ام هيفين تحاول تسكت بية وتهديني صارت الساعة

ب3 العصر اني جنت منتجية على الحايط وكاعدة بالكاع صافنة اذكر اهلي وسوالف صبا طلع الدكتور من غرفة اختي طفرت من مكاني والرجال جيرانة الجابنة ابو هيفين هم كام جان كاعد على الكرسي هو وام هيفين الدكتور ماسمحلي اجي اخذ ابو هيفين على صفحة حاولت اروح وياهم ماخلوني ماتحملت رحت اتصطنت عليهم لان ام هيفين جانت نايمة علكرسي
ابو هيفين: بشر خوية خو مابيهة شي البنية
الدكتور: الحد الان الوضع حرج مانكدر نحدد بس يلي عرفنا البنية مضروبة على راسهة ضربة قوية يعني مو مجرد وكعة واحتمال تفقد حاسة من حواسهة
ابو هيفين: شنو يعني مافهمتك
الدكتور: خوية احتمال لبنية تفقد السمع مالتهة لو نظرهة او ذاكرتهة وحدة من ذني

ابو هيفين: خوية شتحجي ماكو مجال منا منا
الدكتور: هو شنو فلوس ومابيهة مجال
ابو هيفين: لاخوية بس بلكي نكدر نعالجهة شتريد اني حاظر
الدكتور: والله مانكدر مابيدنة شي عليهة بس للمعلومة اني اطيتك احتمال وهذا الاحتمال نسبة 95 بالمئة يعني بلكي معجزة وتكوم بالسلامة البنية
ابو هيفين: انشالله
سرور: راح الدكتور اني جنت بس صافنة سمعت كلشي بس ماكدرت استجوب وياهم اجة ابو هيفين
ابو هيفين: بابا شعندج هنا واكفة..
سرور: يعني اختي انتهت
ابو هيفين: شبيج سرور

سرور: عمو سمعت كلشي سولفتوا يعني صدك اختي رح تصير عمية
ابو هيفين: بابا هذا احتمال مو اكيد انتي ادعيلهة وانشالله ماكو شي
سرور: بسببي صح؟!
ابو هيفين: شبيج سرور اسودنتي
سرور: ليش هو اني عاقلة من ضميت على اختي سر مثل هذا لو اني عاقلة من خليتهة تطلع وحدهة واني اعرف شنو راح يصير..بديت ابجي وابو هيفين يحاول يسكت بية
عمو هو اني شعندي هي بس صبا كلهة عافتني وصبا هم متريدني
ابو هيفين: بابا خليج قوية انتي الجبيرة انتي اختهة وامهة وابوهة وصبا تتأذة اذا تشوفج هجي منهارة بنيتي ابقي ثابري اعتمدي على نفسج ترة اختج ذابة حملهة عليج ومعتمدة عليج بكلشي ابقي قوية بنيتي لخاطرهة ولخاطر اهلج الامنوهة عدج.

شالني كعدني على الكرسي جان عقلي واكف ومنهارة بس ابجي لاكن عقلي تقبل كلامة وسمعت حجية بالحرف الواحد ..صارت الساعة بالخمسة بليل للكاتبة امنة شاكر الجزء الثاني اجة ابو هيفين
ابو هيفين: يلة كومن خل اوديجن للبيت
ام هيفين: اي الجهال بلبيت وحدهم
ابو هيفين: سرور كاع احجي وياج؟الووو
سرور: جنت سرحانة بأفكاري اسمعهم بس ما افهم شيحجون
ها عمو
ابو هيفين: يلة كومي خل اوديج للبيت ارتاحي

سرور: ماروح
ابو هيفين: سرور كومي بدلي وارتاحي  وارجعج باجر
سرور: ضليت ساكتة مالي خلك اسولف ولا الي واهس اجادل
ام هيفين: سرور مو كاع نحجي وياج
سرور: خالة فدوة مالي خلك اسولف كتلكم اريد ابقى هنا
ام هيفين: شلون نعيفج وحدج وهاي الناس طابة طالعة لو الج نية تبيتينة هنا
سرور: بداعتي روحوا وعيفوني والله البية مكفيني لاتلحون هذا البيت فكر ماتو اهلي بي وهسة اختي والمشاكل مثل المطر تنزل علينة هناك

ابو هيفين: عيفيهة رح أجر غرفة هنا الهة
ام هيفين: شلون نخليهة تبات وحدهة
ابو هيفين: هاي مو كدامج اتوسل بيهة خليهة والصبح اني وياج نجي نشوفها
ام هيفين: الله كريم خل اطمأن عليهة واشوفهة مرتاحة واروح
سرور: راح عمو ورة ربع ساعة اجة
ابو هيفين: سرور كومي طبي لغرفتج
سرور: ماريد اخلي اختي وحدهة تنام.
ابو هيفين: اني اعرفج عنيدة هاي الغرفة حجزتهة الج قريبة من صبا
سرور: جانت الغرفة قريبة للكاتبة امنة جزء الثاني عن صبا بغرفتين تقريبا كل غرفة صغيرة يعني المسافة قريبة منهة كومتني ام هيفين كوة لازمتني من ادية لمن طببتني للغرفة احس الدنيا كام تفتر بية كعدتني على الجرباية مباشرة حطيت راسي على المخدة غفيت.

كعدت باوعت للساعة لكيتهة بال2 بليل هواي نايمة كمت وكلبي يرجف على اختي لكيت روحي منزعيني الجادر الجنت لابستة واكو اكل على الطاولة وعصير مقابيلي مباشرة خليت الجادر على راسي وطلعت راسي يفتر وكل دقيقة تصير الدنيا سودة وارد اصحة المستشفى جانت تصفر اباع الممر محد بي
...............................

يتبع...