اعتمدت على نفسي

البارت(5)

الكاتبة Amina
الجزء الثاني البارت الخامس
قصة*اعتمدت على نفسي

(القصة)

صبا: يعني معقولة حيدر هو الخاطفهة؟!
سرور: شنو هاي شبيج صبا حيدر شعلية هو يريد ينتقم من عدنة نور والبنية شعليهة
صبا: ماعرف سرور ماعرف احس كل الجاي يصير بسببة
سرور: اششش لاتبجين انشالله ترجع بسلامة
*

**

صبا: انشالله
سرور: معقولة حجي صبا صح.؟
صبا: اكلج سرور
سرور: شنو.؟
صبا: شو اليوم هدوء ماسمعت صوت لبيت ابو نور.
سرور: والله مادري حتى اني ماكو لاحس ولانفس
صبا: خل نروحلهم فدوة سرور
سرور: صبا الباب مراقب مانكدر نطلع
صبا: فدوة سرور دقيقة ونرجع.
سرور: صبا فهميني.. احنة عدنة هواي اعداء حيدر وزينب وهسة هذا الطلابة
صبا: حبابة سرور بس خل نفتهم شنو سبب هذا الصمت.

سرور: ماشي بس بسرعة نرجع
صبا: اوك
لبسنة شالاتنة وسرور صارت تلبس عباية طلعنة وصلنة يم بيت ابو نور دكينة بابهم محد طلع اف ياربي دخيلك شكو شنو صاير هنا
سرور ليش مايفتحون الباب
سرور: اششش يمكن طالعين لاتخافين.
صبا: امشي اندك باب الجيران بلكي يعرفون شي عنهم
سرور: يلة
صبا راحت ودكت باب بيت ابو سعد جيرانة وطلعت ام سعد
ام سعد: هلة بالطيبات تفضلن
صبا: خالة فدوة ماعدنة وكت
ام سعد: خيرجن خوفتني شبيجن
سرور: لا ماكو شي.. بس ردنة نعرف بيت ابو نور وين؟، هم تعرفين
ام سعد: اي اعرف
صبا: صدك فدوة خالة احجي وين؟!

سرور: تهدي صبا مو كلبج رح يوكف.
ام سعد: راحوا البيت اهلهم راح يضلون هناك
صبا: زين واخبار نور شلون عافوهة وراحوا
ام سعد: ماعرف يمكن لسة ماسمعوا خبر عنهة
سرور: ها ارتاحيتي للكاتبة امنة شاكر الجزء الثاني هسة يلة امشي خل نطب
اثناء مادرنة وجهنة ردنة نروح نطب للبيت لزمتني ام سعد باوعتلهة بس صبا استمرت بالمشي
ها خالة صاير شي
ام سعد: اريد احجي وياج شوية.
صبا: يلة سرور تعاي
سرور: دقايق صبا انتي طبي
صبا: ماشي
سرور: ها خالة احجي
ام سعد: شوفي سرور لان انتي جبيرة وتخافين على اختج ومتحملة مسؤليتهة فلازم اكلج

سرور: امم
ام سعد: سرور اني عرفت بسبب خطف نور وعرفت انو اختج هم جانت صديقة الهن بمعنى حياتهة مهددة للخطر
سرور: خالة فدوة احجي شكو؟!
ام سعد: شوفي سرور اني لان شفت اختج خايفة ماحجيت الحقيقة..ترة البارحة جابو جثة نور
سرور: يابة بذيج اللحظة نشغت نشغة قوية كلش
ام سعد: اسم الله علكيفج سرور
سرور: خالة هاي شوكت شو ما ادري شصار خالة فدوة
ام سعد: اهدي سرور . اهل نور شردوا من المدينة كلهة وهناك راح يسوون الفاتحة اخذوا الجثة ومشوا. وانتي هم اخذي اختج وروحي احسن ماتخسريهة
سرور: صبا..صبا شلون راح اكللهة
ام سعد: لاتكليلهة سرور تخبلتي اخذيهة واطلعي بدون كلام وكافي تبجين لاتشوفج
سرور: مسحت دموعي ورحت ركض على البيت دخلت للغرفة وبديت الم الغراض واحطهن بعلاليك
صبا: سرور شكاعد اسوين شكو شصار؟!
سرور: صبا لمي غراضج ماكو كعدة النة هنا بعد
صبا: اوف رجعنة لنفس الموضوع كتلج ماروح مارووووح منا
سرور: صبا الوضع صار خطر فدوة
صبا: سرور افهميني يعني لو انتي ابمكانهة لاسمح الله تقبلين مااهتم واعيفج واطلع؟

سرور: يعني اني اختج تعتبريني حالي حال اي وحدة
صبا: سرور انتي معزتج خاصة بكلبي بس هم نور حالهة مو حال اي وحدة نور وكفت وياي بهواي اشياء نور نخطفت بسببي
سرور: (ياربي هسة هاي شلون اقنعهة تروح وياي؟؟)*
صبا فدوة كافي على حسابي امشي وياي
صبا: ما امشي سرور وانتهينة
سرور: اوك لاتمشين، بس البيت بيتي واني اريد ابيعة
صبا: يعني ترديني اطلع؟؟
سرور: اي اريد اطلعين مثلا شنو رأيج ابيعج انتي والبيت سوة؟؟
صبا: ماشي بس لعلمج اني اختج لذلك البيت بيتنة مو بس بيتج وحدج
سرور: بس ابوي سجل البيت بأسمي لذلك اني الامر والناهي
صبا: ماشي اني رح اطلع من البيت
سرور: وين ترحين؟؟
صبا: ليش هم اني مسجلة بأسمج، حتى اضطر اجاوبج
سرور: اوك براحتج
صبا: عفتهة ورحت للمطبخ اعرف اختي سوت هذا كله حتى اروح وياهة؛ بس اني مالازم استسلم لازم اضل هنا ومااعتقد سرور تعيفني وتروح اوف زين واذا عافتني صدك بوكتهة وين اروح؟؟

سرور: ياربي شلون بية اعرف صبا عنيدة بس معقولة عنادهة يخليهة تبات بشارع ولا تروح وياي؛ زين واذا سوتهة اني بوكتهة شنو راح يكون تصرفي
صبا: كملت سرور لم ملابسهة واني هم شلت غراضي وضبيتهن بعلاليك صار دنيا للكاتبة امنة شاكر الجزء الثاني الظهر الساعة 12 ونص صلينة وصار وكت تطلع سرور
سرور: صبا اخر قرار؟؟ تمشين وياي أو لا
صبا: ياربي شنو اختار اذا ضليت مارح استفاد شي لا بيت انام بي وهم اختي ماكدر اعيفهة وحدهة

سرور: ها صبا شنو قرارج؟؟
صبا: امم
سرور: شنو امم؟
صبا: شنو برأيج
سرور: صبا لاتجاوبين السؤال بسؤال ثاني
صبا: اوك ماشي اروح وياج
سرور: جذابة
صبا: والله شبيج
سرور: يلة يلة خل نروح هسة
صبا: علكيفج سرور
سرور: طلعنة من الباب عفنة كلشي حلو ومر عشنا هنا والذكريات وكلشي ورانة قفلت الباب وجان جذب مارح ابيعة محد قبل ياخذة لان خربان واني عندي 4 ملايين جامعتهن..
...............

يتبع...