اعتمدت على نفسي

البارت(3)

الكاتبة Amina
الجزء الثاني البارت الثالث
قصة*اعتمدت على نفسي

(القصة)

صبا: اااخ منج يا نور حتى من حياتج مهددة بخطر كلبج يم صديقاتج اوف وين احصل منج نوررر اذا صدك تحبيني وتخافين علية رجعي بداعتي رجعي.درت وجهي لكيت عمو ابو نور حاط ايدة على وجهة ويبجي
ابو نور: انشالله ترجع لاتخافين
صبا: عمو فدوة لاتبجي نور تزعل اذا شافتك تبجي كافي فدوة لاتضوجهة
ابو نور: الله كريم بابا روحي البيتج( كلام مختلط مع بكاء)*
***

صبا: كومني عمو ابو نور ووداني لبيتنة جنت بلا وعي مع انو وصاني اقفل الباب ورى وادير بالي على نفسي لان حياتي مهددة للخطر بس ماحاسة علية ولا فهمت شي من الكالة طلع وسد الباب ورى بقيت اني وحدي بلبيت كعدت يم الباب وصافنة وافكر وين راحت نور هسة اذا ادور وين رح الكاهة اووف يانور من يوم يومج ماتسمعين الكلمة ضليت كاعدة حوالي ربع ساعة يم الباب وما قفلت الباب ولا ذكرت اصلا فجأة غفيت(نمت)وماحسيت غير الباب

يندك فزيت على الصوت اباوع الباب مامقفول دخيلك ربي والله اصعب مواقف تمر بحياتي مع انو سرور شكد حاولت متخليني اشرب من كاسة المعانات يلي هي شربت منهة..
مباشرة كمت وقفلت الباب ورحت ركض للمطبخ جبت سجينة من طلعت من المطبخ والسجينة بيدي توقف الدك
منووو؟ منو؟؟؟
ماكو صوت ولا احد يصيح اني ، يمكن راحو اوف يادنيا شكد ضوكتينة الم واحنة بعدنة صغار، مباشرة باوعت للساعة لكيتهة بال5
عزة هلكد نايمة اني، ماحسيت فدلا سرور الدكت الباب.

.{قبل ساعة تقريبا}.

سرور: جنت بالشغل حاولت احاجي المدير حتى اخذ اجازة واروح للبيت وماقصر وافق اخذ اجازة مال نصف نهار رحت مشي للبيت واقرة ايات خاف صاير شي خاف انخطف انوب اني مرت نص ساعة وصلت اخيرا للبيت دورت علمفتاح مالكيتة ناسيتة بالبيت دكيت الباب ماكو ياربي شكو فدلا صبا نخطفت ماحاولت افتح الباب لان ادري بيهة قفلتة وماتفتحة
لج صباااا وينج اني سرور لاتخافين فتحي اوف هسة اني وكتي انسة المفتاح اخر شي هلكت والشمس حارة يالاهي بلكي مابيهة شي اني اعرفهة نومهة ثكيل لو يحترك البيت متدري ياالله ورة 10 دقايق رحت لبيت ام سعد ردت بلكي يجي يكسر القفل اي شي يسوي صحتلهم ماقصروا اجو وياي
سعد: دكي الباب بعد قبل لا اكسرة خاف جانت نايمة
سرور: دكيت الباب
صبا: رد اندك الباب خفت لان سرور عدهة مفتاح.
منوو

سرور: عزة بعينج ولج اني اختج سرور
صبا: رحت ركض فتحت الباب وحظنتهة.
سرور: وين جنتي مو ايدي راحت من الدك
صبا: جنت نايمة والله بس انتي مو عندج مفتاح
سرور: ولج متت من الحر وخري خل اطب موتيني عليج
صبا: طبت سرور مباشرة للمطبخ شربت مي
سرور: افيه حلكي نشف من الرعبة
باوعت لصبا لكيتهة مدنكة ولازمة راسهة
شبيج صباوي؟؟
صبا: سرور نور خطفوهة(ماتحملت كمت ابجي)*

سرور: لاصدك!! الله عليج؟
صبا: والله سرور والله
سرور: رحت حظنتهة
اششش فدوة صباوي كافي ماكو شي انشالله

صبا: سرور باجر يجيبون جثتهة سرور جم مرة وصيتهة وكلتلهة ديربالج ليش هجي سوت ليش عافتني مو متدري اموت وراهة
سرور: اسم الله عليج وعليهة لاتخافين ترجع بسلامة انشالله
صبا: كمت ابجي ازيد
سرور: صبا كافي والله كلبي تكطع عليج
صبا: اووف يانور هسة شحجي؟ شكول؟
عليج على عنادج.
سرور: كومي يلة سبحي ونامي وانشالله هي تكعدج بيدهة
صبا: لا سرور ماصليت الظهر لسة
سرور: يلة كومي صلي لايصير ليل
صبا: كمت كوة احس حتى هبوط صار عندي الدوخة لزمتني كوة كملت صلاة وكل ركعة اصليهة اذكر من اجتي وكسرت الباب علية، اذكر شلون تبجي، اذكر شلون توصيني وتكلي صبا ديربالج اوووف.

كملت صلاتي شفت سرور كاعد تحظر عشة خطية حتى مابدلت ولا رتاحت كبل سوت اكل.
سرور: شبيج صباوي هجي تباعين؟
صبا: روحي بدلي اني اكملة
سرور: كملت ماعندي شي.
حطيت الاكل وكعدنة ناكل بس صبا مو ذاك الاكل اكلت، حقهة هذا شي كلش صعب صديقتهة الوحيدة.
صحيح صبا حاجيت هاي المرية الويانة ووافقت تاخذ البيت
صبا: امم
سرور: هاي شبيج اكلج راح ابيعة وبسعر 15 مليون يعني سعر حلو.
صبا: سرور من الاخير اني ماطلع من هذا البيت
سرور: صبا شبيج تخبلتي؟؟
صبا: اي تخبلت طلعة منا ماكو الي
وطلعت من يمهة رحت للغرفة نمت.
سرور: صبااا
...........

يتبع...