في حكيها لذه وفي صمتها ملاذ💕

البارت12

لاتنسون التصويت

سلمان نسى نفسه كدام بيت ابو عزوف، ونام بالسياره، صحى على صوت ازعاج، قعد لحظات يستواعب،
كانت الساعه 2الظهر، شاف باتعكاس المرايه عزوف، كانت تدخل الاغراض بسياره ابوها
وقفت بتعب وقالت بصوت عالي:يبه، ليش ماتاخذ انس وعريب، تره تعبت كل يوم اوديكم واجيبكم
ابوها: مايجون للبر، وحتى لو اجو انه مااعتمد الا عليك
عزوف: يعني اوكي انا احبه بس ومو كذا، والله تعبنا، ليه ماتبيع الابل والغنم وتفكنا من التعب
ابوها: شلون ابيعهم وهم راس مالي ومصدر رزقي
عزوف: طيب ليش ماتحط راعي، حتى انت شده للروحه والجيه
ابوها: صادقه
سلمان سمع كلامهم وحاول يدقق بوجهه ابوها لكن ماقدر،
طلعت امها وركبت السياره
عزوف:يبه ماقدر اسوق
ابوها: تستهبلين،ومن بيودينا
عزوف بربكه: ماقدر يبه بيعطوني مخالفه مثل المره الي فاتت
ابوها: ماعليكي انا اتصرف
مشو، ومشى سلمان وراهم، مستغرب من نفسه، في شي يدفعه يعرف هالعائله، والاب بالذات
بعد نصف ساعه، وصلو للمخيم حقهم ونزلو، سلمان على بعد اميال عنهم، علف مكانهم، ملزم يشوف ابوها،
وبنفسه يقول مادام انتظرت كل هل وقت لازوم انتظر هل ساعه

§®
في بيت
ابو فارس متجمعبن على الغدا
راكان: يبه بعد اذنك ابي افتح مشروع، ومنك راس المال
ابوه: وليش ماتاخذ قرض
امه،: لامابه يتقرش بالقروض، يكفي قرض زواجه
ابوه : من هنا لين يتزواج الله كريم
راكان: صادقه امي، باقي لي شنه واتخرج واتزواج، انا بدفع ايجار المحل وانت عليك راس المال، وتره مشروع ناجح
ابوه: مشروع ايش
راكان: ورد
ابوه: وانت تعتبره ناجح
راكان: احسبها معي، الي تولد ياخذولها  ورد، والي يتخرج ياخذوله ورد، والزواج هذا حاله خاصه
بالملكه ورد، وبالحفله ورد، وبالعرس ورد، وبعد العرس ورد يعني اموال طائله
وفاء : ينعل ابليسك حاسبها صح، بس محلات الورد مو قليله، يعني ماراح تنجح
راكان : بتشوفين بعينك كيف تنجح، بس انتظر موافقه ابوي
أبوه : موافق، الله يوفقك
دخل فارس وهو سامع الحوار، جلس وبدا ياكل، شكله وهدوءه وحده ملامحه يجبرهم يسكتون اذا شافو.
فارس : وانا يبه يمته تقلي موافق
ابوه: عله شنو
فارس : عله زواجي من امل
ابوه سكت شوي وناظر لفارس بتمعن: امل منهو ابوها
فارس : خالد ال* بس ليش
ابوه : عشان نخطبها الك
فارس طاحت الملعقه من يده: صادق يبه
ابوه: صادق، لكن ابوها مااعرفه، جيب لي معلومات عنه عشان نروح نخطبها الك

§®
الساعه 7المغرب
كانت جالسه عزوف بالسياره مصدومه من نتيجتها، كانت ناجحه بكل المواد الا ماده وحده، رمت الجوال بقهر وصرخت: والله شديت حيلي فيها وذاكرت بس كله من ابله حنان، حاقده علي، الله لايسامحها
طلعت امها : علامك تصارخين، انهبلتي
عزوف: رسبت بالكيميا
امها عصبت : وش الجديد يعني، محد بيرفع راسي غير انس وعريب، ولا انتي فاشله ومارجي منك شي، الحريم يفتخرون بناتهم دكتورات ومهندسات، وانا بنتي حتى شهاده اتمام ثانويه مامطلعه
عزوف بضيق : خلاص يمه اشد حيلي الترم الجاي
امها :لاتشدين حيلك مامنك رجا،بتبقين طول عمرك كذا،هم على قلبي
مشت خطوتين،:تره ابوكي نام وانا بنام ساعتين وقومينا عشان نرجع للبيت
عزوف بغصه:طيب
دخلت امها وعزوف غطت وجها وبكت من قلب،مو بيدها هل شي تكره الدراسه ولولا خاطر امها وابوها ماكملت،هذا اعظم غلط ممكن يواجه الانسان بحياته،وهيه متاكده انها بتندم بعدين لاكن بمعنى الكلمه" عجزت تنجح رغم المحاولات
طق عليها الشباك وناظرت بفزع وصرخت لما شافت هيئه شخص ماعرفته،حط ايده عله فمها وهمس:اششش
،اتواقع عرفتيني
عزوف رفعت لثامها واخذت سلاح وزلت ومدته بواجهه همست  برعب، : ماصدق،لاحقني هنا،وش ناوي عليه
ناوي تخرب بيتي صح،ناقصني انا،امشي بسرعه لاذبحك وادفنك هنا
سلمان برود:سمعت انكم تبون راعي،تره موجود وبالخدمه
عزوف بغى يغمى عليها من الصدمه والخوف، لو يطلع ابوها ويشوفه يذبحها ويذبحه قالت بصوت مهزور وتواسل:اسالك بالله روح،رووح
سلمان:هدي شوي
طلع جواله وفتح لها مقطع فيديو،مصورته الكامرات لما سرقت السياره،زاد رعبها وناظرت للخيمه تحتر طلعه ابوها باي لحضه قالت بغصه:والله اعطيك فلوسك كامله وعد،،بس لا تجيني،لاتنهي حياتي تكفى
سلمان :حلوو،اجل لاتقطعين رزقى وخليني اساعد الولد،ابي اصير راعي عندكم
عزوف:شلون تصير راعي وانت ولد نعمه، انت وش تبي مني
سلمان:مابي منك شي،ادخلي نادي ابوكي وقولي له انه في واحد ضايع وعطشان
عزوف بهدوء : انت جني ولاحقيقي
سلمان : حقيقي
عزوف راح تنجن من بروده: : طيب انت ماخذ الدنيا لعبه، تبي انادي ابوي لك، تبي يذبحني صح
سلمان سحب السلاح ورجعه للسياره: خلاص بمشي، توصين شي
عزوف مسحت بدموعها وقالت بتعب : داخله عله الله ثم عليك لاتضرني
سلمان: ماهو نيتي لكن مادري، اعذريني على طيشي، في شي ابي اتاكد منه