في حكيها لذه وفي صمتها ملاذ💕

البارت 53

بسم الله الرحمن الرحيم

فارس:ماهو فارس اللي ينقاله هالكلام،ومثل ماجبت انسام مره بجيبها مره ثانيه
سلمان؛الا فارس اللي ينقاله هالكلام،وانسام احلم انها ترجع لك،اذامحسب الناس على مزاجك.فانت غلطان
فارس.بتحدي:مشكلتك انك اكثر واحد تعرفني ياصديق عمري،الكلام كلن يقوله لكن الافعال بتثبت لك

هند ركبت مع السايق واخذها البيت ابوسعود وكانت ماسكه  عبرتها من القهر ماتبي تبكي،دخلت وهيه مستعجله واسرعت بخطواتها وماحسات الا وهيه صاعقه بالارض.من قوه الطيحه،لاشعوريا بكت من الالم وعجزت ترفع راسها،حست رجلها ملتويه بحبل وهوه اللي طيحها،حاولت تقوم لكن عاجزه
سمعت صوت غريب حولها وسكتت مرعوبه لما تنحنح:معليش اسف كنت اشتغل بالحبل،اذا تحسين بالم خليني اخذك الطبيب
هند:استجمعت قوتها وقامت وهيه تعرج،ولاشافته ولاتدريمن هوه صاحب الصوت

واجتها ام اسعود وهيه مستغربه من شكلها:عسى ماشر
هند:مافيني شي بس طحت وتالمت
ام اسعود:سلامتك،نظفي المطبخ وبعدين صعدي نظفي غرف البنات وغرفه سعود،وانزلي رتبي باقي الغرف وتره مافي احد بالبيت
هند صدع راسهامن كثره الطلبات: ان شاء للله
ام اسعود'؛واذا جوعانه تره باقي من عشانا البارح،تعشي ووبعدين اشتغلي
هند بقهر تخفيه:شعبانه الحمدلله

دخلت بسرعه المطبخ وشالت نقابها، واخذت نفس تهدي نفس،، رفعت رجلها وشافتها منتفخه ولونها ازرق،،اهملتها وراحت تشتغل

انسام وقفت قبال بيت عمها بحذر وهيه ماسكه علبه البانزين،والكبريت بيدها الثانيه
دلال كانت خايفه:انسام تعوذي من الشيطان راح يكشفونك
انسام:عادي اذا خايفه ارجعي ماقتلك تعاي معي
دلال:مايطاوعني قلبي اخليك،والله غلط اللي تسوينه
انسام بهمس:الحين شلون احرق وناصر يشوف،خوذي وارجعي
دلال:صادقه،لكن ماقدر اتركه ولا اتركك
انسام:ناصر اهم،خوذيه وابعدو بسرعه،لاتحاولين تقنعيني،انا اللي براسي بسوي يعني بسويه
دلال اخذت ولدها ناصر ومشت فيه لابعد مكان وكان نعسان وتعبان لان الوقت متاخر،شالته ونومته على كتفها وقفت تترقب الحدث

انسام قربت للبيت وهيه ترجف،لكن كل ماتتذكر كذب فارس وطلاقه لها تحقد اكثر،وقفت قدام سياره فارس وناظرت يمين وشمال تتاكد ان مافي احد يشوفها،فتحت البازين ورشته على السياره كلها،وابعدت شوي وشالت القفاز الاسود الللي لابسته لان فيه بانزين،وفتحت الكبريته  وشغلت عود ورمته على السياره،ورغم صغر عود الكبريت الا  ان النار وصلت للسماء،انسام من الخرعه طاحت وضاعتا انفاسها،عجزت تتحرك وهيه تشوف سياره فارس تذوب قدامها،والدخان ملى الحاره ملى،دلال شهقت لما شافت انسام جالسه واضح انها مصدومه واستوعبت اللي سوته،نزلت ولدها وهربت لانسام بسرعه وقومتها وهربو متجاهلين الاصوات اللي ارتفعت،دلال اخذت ولدها وانسام ناظرت للسياره واتواسعت عيونها بصدمه لما شافت النار اكلت شجر بيت عمها ودخلت له،وصارت الحريقه بيتهم
دلال:خلينا نهرب بسرعه قبل لايحسون علينا
انسام:ل،لحضه بتطمن عليهم
دلال:انتي مجنونه مو هذا اللي بغيتيه
انسام:كنت ابي احرق سيارته بس
دلال:وش استفدتي الحين بيموتون كلهم
انسام ناظرت فيها ودمعت عيونها لفكره انهم يموتون بسببها،صح انهم يستاهلون لكن حرام يموتون
دلال شافتها مصدومه ومو قادره تتحرك سحبتها بسرعه وراحو بطريقهم

ام راكان وعت على ازعاج فضيع بشارعهم،قعدت ثواني تستوعب لين داهمتها ريحه قويه وفزت مثل المجنونه لما شافت غرفتها تعج بالدخان وصرخت بهلع':ابو فارس،ابو فارس
ناظر فيها مستغرب لكن ماشافها من كثر الدخان حاجب الرويه وقام مفزوع: يادافع البلا وش صار
ام راكان تكح:اس،اسمع الازعاج برا
قام بسرعه وفتح الشباك وحس بدوخه من المنظر اللي شافه،الناس ماليه الشارع ملى من قوه الدخان،والنار ماكله الحديقه اكل وسياره فارس وبقى شوي وتدخل البيت وتحرقهم
قال بقوه:قومي بسرعه
اخذ اشماغه وتلثم فيه وطلع باقصى سرعته وفتح باب غرفه وفاه وشغل النور ونفس الشى كانت غرفتها تعج بالدخان قرب لها كان وجها ازرق ومختنقه ومو حاسه بشى،دب الرعب بقلبه ومسك كوب الماء وصب بيده وغسل وجها وقال بخوف:وفاء وفاء قومي
وفاء ناظرت فيه بعيون حمره وكحت بقوه  سحبها قبل لاتستوعب اخذها وعطاها امها وقال بقوه:اطلعو من الباب الثاني،بسررررعه

دخل غرفه سلمان وبما انهاكانت اخر غرفه فالدخان مابعد وصلها،فتح ودخل وكان سلمان توه طالع من الحمام "اعزكم اللله"وقاعد يلبس التشيرت حقه وشعره مبلول،وطايح على جبينه وعيونه،وابتسلم لما شاف ابوه:ياصباح الحب
ابوه عصب:امش امش لابارك اللله فيك ولابدمك البارد،البيت يحترق وانت مروق،اخلص
سلمان كمل لبس بسرعه وطلع وراة وانصدم بالعجه السوده اللي هجمت عليه  وخنقته ورفع التشيرت لخشمه عشان مايختنق،،ابوه خلاص نقطه ويموت من كثر ماختنق،نزل بسرعه يدور الباب  ويدعي الله يسلمهم،سلمان زل وراة وعلى اخر درجه اتذكر فارس،رغم انه انفاسه ضاقت واذا،رجع ممكن يموت،لكنه صعد بسرعه
ابوه شافه يصعد وصرخ عليه:ياولد ارجع
سلمان بحده:فارس نسيتوه وهو تعبان مايقدر ينزل بحاله
ابوه:سلمان بتموت يا.....
كح وسلمان قال بقوه:اموت مع فارس ولا اعيش بدونه
دخلو الشباب من الشباك وسحبو ابو فارس لان النار بدت تاكل الابواب والصاله وبدت تصعد لباقي البيت
ابو فارس وام راكان وفاء وصلو بره بامان،وام راكان تحمد ربها انه راكان سافر ولاهو موجود بالبيت
ابو فارس نزلت دمعه خوف على عياله وقال بتواسل:طلعوهم تكفون

فارس صح وهوه مستغرب من قوه الطق ويشم ريحه فريبه،ولان غرفته ظلام مانتبه للدخان،،فتح الباب بتعب وانصدم لما شاف سلمان رافع تيشيرته  ومغطي نص وجهه ومو باين الاعيونه الحمر، طفى الكهرب وصار الجو ظلام ونور لهم  ضوءالنار
فارس بقوه: شصاير
سلمان:البيت احترق،امش بسرعه
زنلو بسرعه لين وصلو لنص الدرج وهنا كانت المصيبه،اتهجمتهم النار حسو شعر جسمهم احترق من الحراره
سلمان:شلون الحين
فارس ناظر تحته منج جهه اليمين وشاف ان النار مابعد وصلت للجزء الخلفي من الدور الارضي وقال بسرعه:انقز
سلمان ماتاردد وركب من فوق الدرح ونقز على الارض ووقف بسرعه:ياللله فارس
فارس رغن الالم اللي بطنه الا انه اتحامل على نفسه وركب ورما نفسه على سلمان ومسكه بقوه وقفه،ودخل سلمان للمطبخ،واخذ قدر وملاء ماي وطلع للصاله يحاول يخمد النار قبل لاتوصلهم لكن النار كانت اقوى،فارس خلاص من قوه الالم جلس على باب المطبخ وسند ظهره:حوبتها،واللله حوبتها،انطعنت ومامتتت،والحين راح احترق واموت
سلمان مافقت الامل ورجع يعبي مويا ويكب رغم ان النار قريبه منهم لحد كبير
سلمان طاحت ايدينه وانكتم،شد شعره وهوه يتامل النار بعيون تلمعة،معقوله هذي اخر لحظاتنا...
فارس:سلمان تشهد،،لااله الا الله......

توقعاتكم للبارت الجاي