في حكيها لذه وفي صمتها ملاذ💕

البارت 32

بسم الله الرحمن الرحيم

سلمان استغل الهدوء وقرب لفايز ومسك ياقه ثوبه وقال بقوه: ورب البيت لو كذبت مايحصل لك خير
فايز : ريف كم كان عمرها يوم انخطفت
سلمان: سنتين
توسعت عيون سلمان بصدمه"انا شلون ماجا عن بالي اسال عزوف عن عمرها "
ابعدهم الضابط عن بعض، عزوف زادت رجفتها لما شافت مشاعل كانت تضحك ومجرد ماشافتها طاحت من طولها وبكت عن عمرها كله وصرخت بحرقه: ريف بنتي، ريف
سلمان وقف جنب عزوف وقال بهدوء : روحي لها، طالبك تروحين لها وتهدينها، تراها منتضره هالحضه من زمان
عزوف همست بين دموعها: عجزت استوعب
سلمان : احضنها هالحضه بس، وبعدين كيفك
عزوف ناظرت فيه بربكه، ورجعت تناظر على مشاعل بحزن، مشاعل كانت تبكي بشكل يرثة له،
تقدمت لها وطاحت على ركبها قدام امها، مشاعل لاشعوريا سحبت وضمتها بكل مشاعل الامومه والحزن والفرح وحرمان السنين....
صوت بكاها ارتفاع ووصل لابعد حد، كل اللي موجودين اتاثرو حتى اللي مايعرفونهم، مشاعل تخدرت وحست ظغطها ارتفع وارتخت يدينها وطاحت وعزوف حست عليها ومسكتها بسرعه
وطبطبت على خدها وقالت بخوف: مشاعل، ردي شفيك مشاعل تكفين ردي
سلمان جلس قدامها وحط بيده مويا ومسح على وجها وهمس لعزوغ: قوليلها يمه
عزوف عجزت ترمش وكل مافيها يرجف وقالت بحده، : مااقدر
سلمان : بس هالحضه
عزوف مسكت يدها وقالت بغصه: يمه قومي، لاتخوفيني عليكي
مشاعل فتحت عيونها وشدت على يد عزوف
عزوف: قومي معي تعالي
قومتها بحذر ودخلتها البيت، الشرطه اخذو سلمان وفايز وام فارس كانت تصيح لكن سحبوها غصب، وانفتح ملف قضيه جديد وتحقق مع الكل وانكشفت اسرار قديمه حاولو بكل جهدهم يخفونها لكن ماقدرو

الساعه ١١الصبح
انسام صرخت بحماس لان تذكرت انه اليوم السبت والزياره مفتوحه للمساجين لكن ماتدري متى تبدي ساعه الزياره، دخلت كروب البنات وارسلت: بنات متى تبدأ الزياره بالسجن
وفاء : بدت الحين، جدتي بتروح له
انسام : لا انا
اتصلت على السواق ولبست عبايتها وطلعت له واخذها للمطعم واخذت وجبه لرائد وراحت للسجن وطلبته
دقيقتين ودخل عليها رائد ماكان متوقها انسام
ابتسم: ليتني دايم مسجون اذا الزيارت حلوه كذا
انسام : اتواقعت اني بجي
رائد : ماتوقعتك تدخلين هالاماكن لحالك
انسام : طيب الحين اجلس وقلي ليش انسجنت، ثور انت ماتعرف تحكم اعصابك.
رائد : غصبن على والله، سرق فلوسي وهرب، جيته بالحسن وقتله عطيني فلوسي، قال مالك شي عندي، وانجنيت وطعنته
انسام : افف، طيب انسه، تدري وش جبت لك
رائد ناظر وراها وشاف وجبه من مطعمه المفضل : فديت اللي يعرفون وش احب
انسام : انا اعرف كلشي اتحبه، المهم اتخيل وش صار فارس رجع خطبني
رائد ناظر لها بصدمه: وافقتي
انسام : لا طبعا، مجنونه ماعندي عقل.
رائد :ليش خطبك، مو كان مايبيك، وش صار
انسام : مدري بس فجأة تغير رايه وصار يبيني، تشك ان فيهم شي
رائد بتواتر:ديري بالك توافقين
انسام:مايهمني،واكيد ماراح اوافق

بيت ابو فارس
وفاء كانت جالسه على جوالها،وراها فارس منسدح على الكنبه وجنبه علبه السكاير وحاط ايدينه على عيونه وتفكيره مع امل..
بالجهه الثانيه راكان كان ياكل حب ويتابع مسرحيه ويضحك بصوت عالي متعمد عشان يغيض فارس ويخليه يعصب لانه مايحب لاصوات العاليه
وفاء:راكان تدري متى تبدي الزياره
راكان مانتبه لها وكمل يضحك
وفاء:فارس
فارس:شتبين
وفاء:متى تبدي الزياره
فارس:تبدي الحبن،ليش
وفاء:انسام تبي تروح
فارس بداخله"الحيوانه تبي تزوره
قام وسحب شماغه وطلع بسرعه ونادته وفاء:جواللك مفتاحك،دخانك،بوكاك
رجع بسرعه اخذ اغراضه وطلع ركب سيارته وطار للمركز

انسام:بالعافيه
رائد:الله يعافيك،احلى شي كليته بحياتي
انسام اخذت شنطتها وقامت :يالله بطلع بكرامتي قبل لايطردوني
رائد:كل ماجيتي جيبي لي شي احبه
انسام:اوك،يالله اشوفك على خير
طلعت بسرعه وخوفتها السياره اللي وقفت قدامها
نزل وقال بهدوء:،اركبي ياقليله الادب
انسام ماحبت تعانده وركبت وقالت بهدوء:وليش انشالله عشاني وجبت ولد عمي
فارس:قلتيها،ولد عمك،مهو اخوك ولا عمك
انسام:وانت وش دخاك
فارس وقف عند اشاره والتفت عليها وقال:تهمني سمعه بنت عمي
انسام:وانا ماسويت شي غلط
فارس:هذا اكبر غلط رائد مايحل لك
انسام:لا عاد الا هالشي مالك حق،مالك دخل فيني
فارس:ليش تحبينه
انسام:احبه ولا ماحبه مو من حقك تحرمني من شي
فارس:الا من حقي امنع زوجتي المستقبليه من اشياة تاثر عليها
انسام:هه نشوف اذا قدرت
فارس :وليش ماقدر،وش اللي يمنعني عن شي احبه
انسام رجفت من كلمته لكن قالت بحده:اشوف حرموك من امل مامنعتهم
فارس وجعه قلبه وقال بهمس يخفي عصبيته:وقفت بينا الظروف، انسام انا مقدر مشاعرك ، وادري اني غلطت بحقك كثير، لكن عطيني فرصه اصلح اغلاطي، اما امل فهي راحت بطريقها اللله يستر عليها
انسام عجبها كلامه واعتذاره الغير مباشر لكن قالت ببرود: انت عصبي وتخوفني انا عشت طول عمري بخوف ابي شخص حنون يعوض الحرمان
فارس : لو تدرين بالحنان اللي مخبيه وره العصبيه راح تقولين تكفى فارس تزوجني
انسام : الله لايحدني عليك، وخلاص عاد مو غصب
فارس ضحك وسكت ماتواقع انه راسها اليابس كذا: نرجع ونقول انا وراك وراك والزمن طويل
انسام : وش طويلوانت ماباقي بعمرك شي
فارس : طول الاعمار وقصرها رب العباد ادرى بها
انسام:الله حلو هالشعر وين سامعته
فارس:وين سمعتي يالكذابه انا كاتبه
انسام:معقوله تعرف تكتب شعر
فارس:ايي وكتبت فيك شعر،اسمعك
انسام،:سمعني

"اثاريني بحسنه طحت وانا اقول الهوى توه
فكيف انا الهوى توى وانا غرقان"