في حكيها لذه وفي صمتها ملاذ💕

البارت40

بسم الله الرحمن الرحيم

بعد اسبوعين
هند وساره ماشافو حنان بعد هذاك اليوم، لان سلمان صار يراقبهم، وماترك مراقبتهم الا قبل كم يوم،
ساره اسبوعين وهيه تصلي وتستخار وتفكر، حاسه براحه واحلامها صارت كلها حلو، رغم شعورها بالذنب انها بتخبي عن امها لكن مو بكيفها، هم يبونه بالسر...
اتصل جوالها رقم حنان،، فتحت الخط وسكتت
حنان؛ ماصدق انك وافقتي،، اكديلي الرساله تكفين
ساره: موافقه ياحنان، بس خلي يحولي المهر كاش،، وعندي شرط اني ماجي الا باليلل لان مقدر اطلع وامي  صاحيه
حنان؛ كل شي جاهز، مع انك اتاخرتي بس حظك محالفك، انا بدق عليك واعطيك خبر عشان الملكه، وتره الملكه راح تكون بيتي، وقولي لهند تره انا فهمت زوجه التاجر انه عندكم ظروف، وقالت اذا بترجع ماعندي مشكله
ساره: تمام، يالله باي
قفلت منها وسرحت شوي وهمست:يارب يكون الجاي خير لي
ناظرت جنبها وشافت عزوف تناظر فيها،
ساره صرخت برعب:بسم آلَلَه ّالرحمن الرحيم،خبله انتي،من متى تناظريني
عزوف ببرود:من اول ماكلمتك هالزفته،كنت متاكده انه وراكم بلا انتي وهند
عزوف كملت بصراخ:ياهوو.انتي مستوعبه اللي بتسوبنه
ساره بخوف؛اقصري حسك،اي مستوعبه
عزوف:ليش يبي يتزواجك بالسر
ساره:يبي ولد،ومن اجيب له بيطلقني ويغرقني فلوس
عزوف:يارب لمتا ترسل لي اشخاص اغبيا بحياتي،فى وحده عندها عقل تحمل وتتعب عشان الفلوس،طيب وولدك؟بالطقاق،لهدرجه الرحمه انعدمت
ساره بضيق:عزوف انتي مو فاهمه ظروفي لاتتدخلين،انا اعرف مصلحه نفسي
عزوف قامت:بعلم امك هيه بعد تدري بمصلحتك
ساره فزت وقفت بطريقها وقالت برعب:عزوف بلا نذاله،قسن بالله لو مو مظطره ماكان وافقت
عزوف:ساره لاتتهوري،توك صغيره لاتضيعيت نفسك،الجاي اجل ليش متشائمه
ساره  بعيون دامعه: مو سهل الام تبيع ولدها، قلبي يحترق وانا للان ماسويت شي، لكن ابي اضمن حياتي
عزوف: شوفي ساره انا معصبه عليك ومايرضيني هالشي، لكن انتي فاهمه وعندك عقل اتمنى تفكري اكثر واكثر....

طلعت من الغرفه وهيه معصبه وسرحانه بلارض، دخل سلمان وناظر فيها  كانت زاهيتها البجامه السودا، حرك الاكياس اللي بيده عشان تنتبه  ورفعت راسها
رجعت خطوتين وهمست: بسم آلَلَهّ
دخلت اول غرفه قريبه لها وزادت عصبيتها وصرخت: تره زودتها انه، في شي اسمه استئذان
سلمان: البسي حجابك وتعالي اخذي الاغراض بلا كثره كلام، لاقص السانك الطويل هذا
دخل للمطبخ ووصله صوتها: ماشتغل عندك انا
سلمان: تره الموضوع مايستاهل كل هالصراخ، روحي جيبي الاغراض
عزوف: الا يستاهل الصراخ، اجل كل شوي طالع داخل علينا، وش تبي
سلمان  طلع من المطبخ واتجه للغرفه اللي هيه فيها وكملت عزوف: حتى امك مو موجوده، يعني حفاظ على ماي وجهك لاتجي كثير، لانك سكنتنا مره ومرتين وعديناها قلنا رجال متجدل فينا وجامع بنت بامها لكن خلاص الله يجزيك خي...
فتح عليها الباب بقوه وقال بالهجه امر'؛ انقلعي جيبي الاغراض، "وبصراخ" ياللله
عزوف خافت وطلعت بسرعه للحوش وشالت الاغراض،وقف يناظر لها ولبس نظاراته الشمسيه
عزوف بتعب:كل هذا اشيله انا
سلمان:حلو الاسود عليك
عزوف طاحت الاكياس من يدها وتحولت ملامجها للغضب:محد بيقفم عند حدك غيري
مرت من جنبه ومسك يدها ورجعها قدامه وقال بنبره امر:شيلي الاغراض
عزوف:والله ماشيلهم،ورني وشبتسوي
سلمان قفل باب المدخل:اجل اجلسي بالبرد،تجمدي وموتي
عزوف بقهر:افتح الباب
سلمان اشر على الغراض:دخليهم وادخل معهم
عزوف استسلمت وشالت الاغراض،فتح لها الباب ودخل وسمعت صوت ضحكته الشامته،طنشته رغم انها واصله حدها من القهر

اليوم الثاني الساعه ٩بالليل
هند وساره كانو عند حنان،ساره فيها البكيه وهند مستانسه،وحنان كانت ترقص مع صدياتها
وزوجه الرجال اللي بيتزواج ساره،كانت جالسه بعيده عنهم وتخز ساره بنظرات قويه

هند بهمس:تشوفين نظراتها
ساره:لاتلومينها
هند؛بس هذا طلبها
ساره:طنشيها
شوي وطلعت البنت وودخلت ومعها دفتر رمته على ساره
وقالت بحده:وقعي....ياعروس
ساره سحبت الدفتر ووقعت بسرعه تحس بشعور غريب
وهند ضحكت:خلاص ياتبنه اتزواجتي
ساره:وانتي ليه مستانسه كانه زواج العمر،كله شهر شهرين وخلاص
هند:ماتدري يمكن يكون زواج العمر
البنت طلعت الدفتر ورجعت وقفت قدامه وفتحت بوكها ورمت على كل وحده من الموجودين ٥٠٠ريال،
الا ساره عطتها ظرف مليان فلوس وقالت بحتقار:تفضلى...بعد يومين تجبن هنا عشان تروحين معا،
لاتخلين عندك امل انك ممكن تكونين شي مهم بحياتنا،انتي مجرد وسيله للانجاب
ساره ببرود:ضفي وجهك لاقوم ادفنك،هنا واخرب كل شي
البنت اتفشلت وطلعت بسرعه،على طلعتها دخلت عزوف معصبه
حنان بصدمه:ساره كل هالخوف واخرتها يطلع منك هالرد
ساره:اخاف من الشي اللي سويته مو من احد،مانخلق اللي يخوفني،،يالله هند
قطع عليهم صوت عزوف المعصب:ارتحتي الحين،سويتي لبالك
ساره وقفت وقالت بحده:عزوف يكفي،صار الي صار وانتهينا
اخذت شنطتها وطلعت وهند طلعت وراها،عزوف قربت للبنات وقالت بحده:مسوين نفكم صديقات وانتم عدوات،مين حنان فيكم
حنان؛انا
عزوف؛والخيبه والله،ليش ماتزوحتي انتي،ليش ساره بالتحديد
حنان:واناي شدخلك،تبين تاخذي بدال ساره تره مافاتك شي هذاك هوه جالس يمدي يطلق ههههههه
عزوف رفعت رجلها ورفستها طيرتها وقالت بسخريه:ههه تضحكين ماشالله
قربت لها وحده من البنات وقالت بصراخ':هيه شفيك انتي مجنونه
عزوف:لا كلي عقل،انتم المجنونات،واضحه خطتكم واهدافكم
لكن هذا وجهي اذا عديتها لكم

طلعت بسرعه وكانت هند وساره واقفين ينتظروها،تعدتهم ولاناظرت فيهم حتى
هند بقهر:عزوف تره مالك شهر معنا لاتسوي دور اللي تحبنا وانتي مقهورا
عزوف التفتت لهم وقالت بصدمه:انا مقهورا،لاتكفين وش ينقهرمنه اقصى شايب يدور ضنا
قربت لساره وقالت بهدو:في فرق بين اللي تبي مصلحتك وهيه لها شهر معك
حولت نظراتها لهند وكملت:وبين اللي عايشه طول عمرها عايشه معك ولاعرفت مصلحتك
هند بقهر ؛احترمي نفسك، ولاتتدخلين بين الاخوات
قبل لاتكمل قاطعتها ساره بصدمه:بنات
ناظرو مكان ماتناظر وشافوا شخص واحد واقف ومعا الشيخ ويسولف وشكلهم مندمجين
عزوف:هذا عريس الغفله
ساره:شكله هوه لان اسمه تركي،وهذا نادا تركي
هند:يارب هوه،هذا مو شايب
صافح الشيخ ومشى يبي يركب السياره لكن استوقفه صوت عزوف الحاد:تركي!
ساره وهند شهقو بخوف:ياحيوانه
ناظر فيها بستغراب وقربت له وقالت بهدوء:معليش بس حبيت اتاكد اذا انت العريس ولا لا
تركي:تاكدتي خلاص
نزلت زوجته من السياره معصبه تحسبها ساره ووقفت جنب تركي وصرخت:انتي شتبين،ماتستحين على وجهم توك متملكه وجايه عنده
عزوف:انا مو ساره،انا بنت خالتها اعرف تفكيركم،فكرتو انه ساره بلا اب واخوان،قلت اخذها والعب فيها على راحتي ومحد بيوقف وراها،لكن لاتستانس كثير تره ابوها عايش،وعندها اخو مثل الجبل،اذا اذيتها بيشرب من دمك
تعداها ومشي لين وصل لساره وهند:مين فيكم ساره
ساره بربكه:انا
تركي:عطيني رقمك عشان نتفاهم