في حكيها لذه وفي صمتها ملاذ💕

البارت 15

لاتنسون التصويت

امه: لاتتاخر مع السلامه
قفل وقام بدل ملابسه وطلع من الغرفه، وشاف ابوه بالصاله وجنبه ام راكان ووفاء يتقهون
ام راكان : سلمان اخيرا شفناك تعال اتقهوى
سلمان،: بالعافيه معزوم انا
ابوه: وين
سلمان مايبي يقول عند امه،لأنه بيعصب من مجرد طارها:عند الشباب
وفاء:على طريقك ابيك توديني لبيت عمي صالح
سلمان طلع ينتظرها،ام راكان تنهدت:يااخي هالوالد غريب،ماهو زي فارس،على انه فارس عصبي ويرفع الظغط بس ارتاح له،سلمان اخاف منه
ابو فارس:اهم شي اخلاقهم

§®
بسياره سلمان
وفاء:وينك من يومين ماشفناك
سلمان:كنا كاشتين
وفاء:الله خاطري اطلع كشته بهالاجؤاء
سلمان:ليش ماتروحين عند انسام
وفاء:هي ماتبينه،تخيل اتصل عليهه تقول الو وتقفل بوجهي،غبيه هالبنت دائما تحس انه مانبيهه
سلمان:هذا فارس الله يهدي،خلاها تكره كل شي
وفاء:تصدق ابوي وافق انه فارس يتزواج امل
سلمان بصدمه:وافق
وفاء:ايي،ليش مستغرب
سلمان:لان ابوي يكره طاري امي واهلها،مستحيل يوافق،اكيد يبي يسكت فارس بس
وفاء:كل شي جايز
وصلها لبيت عمه وراح لبيت امه،كل مايجيه يضيق خاطره،طق الباب وفتحت له بنت خالته،مايدري اي وحده منهم
قالت بفرح وحب:هلا سلمان،حياك تفظل مابغينه نشوفك
سلمان:هلابك،وين امي
طلعت امه وبدون شعور راحت له وظمته بقوه،ومجرد ماشمت ريحته نزلت دموعها،حرمت نفسهه من اعيالها وحرمت عيالها منها
كل مااتذكرت شكل سلمان وهوه مريض وهيه تقفل عليه الباب بكل برود وتطلع من البيت يوجعها قلبها
وتكره نفسها  فوق الاف مره
رفعت راسها له ومسكت اكتافه،كانت تعابير وجهه بارده ولاهو فرحان بحضنها،
سلمان:ليه تناظري كذا
امه بدموع:انا امك لي قاسي علي
سلمان :يوم كنت صغير ماحظنتيني،جايه الحين تحظنيني يوم صرت رجال كبير
ام فارس زادت ادموعها:لاتقول كذا،انا روحي وعمري لك ولفارس،يكفى تعبت من الهم وجور الدنيا،
وندمانه قد ايام عمري
سلمان :لا والله،صدق بالله ندمتي،متى ندمتي،وكيف ندمتي،والساعه كم ندمتي
امه صدت عنه ومسحت دموعها:ماعليه ياوليدي تتطنز،مسموح
سلمان:وين قهوتك،بسرعه مستعجل
امه:يعني جاي عشان القهوه،ماتبي تسمع سوالفي
سلمان:يمه ماهو وقت درامه ودموع،عطيني القهوه خليني امشي
امه:الله يسامحك ياسلمان،تفضل
سلمان طلع وطلع لغرفتهه،فتح الباب وناظر فيهه،كانت جالسه على سريرها ودموعها ماليه خدها،وماسكه بيدها صوره،حرك السبحه عشان تنتبه،وفعلا ناظرت بفزع ومسحت دموعها :هلا بسلمان
سلمان عمر وحياته مانكسر خاطره على احد بكد خالته مشاعل،صحيح كل خالاته مالهم ذنب،لكن هيه غير
جلس قدامها:افا تصيحين تحسبيني ماشفتك،انا كم مره قتلك مابيكي تبكين
خالته مشاعل:مو بيدي ياسلمان
سلمان:من مته،من امس،من شهر،من سنه،مرت عشرين سنه ياخاله،انسي خلاص وعيش حياتك
مشاعل بحرقه:كله من امك،حرمتني من زوج وبنتي وحياتي وراحتي
سلمان :اذكري االله،والله حالتك ماهي ماهي عاجبتني،ليت بيدي شي واسويه
مشاعل:ماني مثل امك ليش الشر يعم،امك الي غلطت ونحرمتو منها كم سنه ورجعتولها، بنتي انخطفت مني ياسلمان ومرت عشرين سنه ومارجعت لي
سلمان:توكلي علىالله،اذا الله كتب لها ترجع بترجع
مسحت دموعها :يارب
سلمان:منين لكم فلوس تغيرون الاثاث مال البيت
مشاعل ضحكت:هههه هذا فارس العاشق عرف انه امل نفسها تعزوم صديقاتها لكن متفشله من البيت
قام وغير الاثاث عشانها
سلمان سواف معاها شوي وطلع،واتجه للبر،وتحديدا لمخيم ابو عزوف،مثل ماعرفه وعرف بنته يمكن يعرف شي اكبر.
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
حبايب انتضرو باجر بارت،اتمنه عجبكم البارت،لاتقصرون بالتعليقات والتصويت
انشالله فهمتو قصه مشاعل