في حكيها لذه وفي صمتها ملاذ💕

البارت 51

بسم الله الرحمن الرحيم

سلمان بهمس: خليك بحظني، عطيني اللي ماعطتني اياة امي
عزوف: بس انا مو امك، حرام كذ
سلمان: الله غفور
ماعطاها مجال تتكلم وسند راسها على صدره ومسح على شعرها، عزوف اخذت نفس تهدي رجفه قلبها، مو مصدقه انها استغلته باضعف حالاته عشان تنقذ ساره...
طبع بوسه على كتفها وابعد بهدوء: اعتذر ولا تعتذرين
عزوف:انا غلطت لكن انت اتماديت
سلمان:،اعتبرى معروف مو غلطه عشان اتمادى،بس تبن الصدق
قرب لها وغمز بخبث:نحضوظ اللي ينام ويصحى بهالحظن
عزوف:عيب اني امد ايدي عليك لكن اوعدك اني اوقفك عند حدك بطريقه ماترضيك
دخلت بسرعه وكل مافيها يرجف اجتها ساره وقالت بخوف:وش صا..
عزوف بعصبيه:ولا كلمه،ولا كلمه ياقليه الادب،اخر مره اغطي عليك،بحريقه انتي وتركي
دخلت بسريرها وتغطت كلها وغمضت عيونها ماتبي تفكر باللي صار
سلمان ركب سيارته وسند ظهره وغمض عيونه،وش سويتي فيني ياعزوف،هيضتي قلبي
رفع راسه وتعوذ من ااشيطان،وشغل السياره ومشى وهوه ناوي مايرجع لهم مره ثانيه،خايف يضايقها اكثر،والناس بتلاحظ كثر جياته.وبتسولف غلط،وصل للمستشفى ونزل وصعد لغرفه فارس،وانصدم لما شاف المنرضه طالعه بملابس مليانه دم،،دارت فيه الارض،من الخوف ودخل بسرعه،وحس احد ايط ثلج على قلبه لما شاف فارس بخير والدكتور يساعده عشان يلبس ملابسه وقال براحه:وش صار
الدكتور:هذي وحده مجنونه دخلت وو
فارس بتعب:لاتهتم،انفتح الجرح وخاطو من جديد
سلمان:اعرفك اذا تكذب،عطني الصدق
فارس':انسام ظربت الجرح وانفتح
سلمان:لاحول،صح انه هيه قويه حركه، لكن ماتنلا
فارس':امي شخبارها
سلمان:مازرتها
فارس غمض عيونه وتنهد:اه يايمه،الله يسامحك
سلمان طلع مستعجل ونزل للبوابه الرئيسيه ومثل ماتواقع شاف انسام بين يدين حرس الامن بيطلعونها وكانت بتصيح،اسرع وقف قدامها وسحبها بقوه منهم،انسام استوعبت وسحبت
يدها وصرخت:اتركني
سلمان:انسام عيب اللي تسوينه،فارس بيرجعك وكرامتك محفوظه،لاتعاندين بحركاتك وتجيبين الكلام لنفسك
انسام:كل تبن انت وفارس،وكرامتي محفوظه غصبن عنكم،ومو فارس اللي يهزني،بلغ هالكلام له،واللله العظيم ماكون انسام اذا ماعذبته
سلمان بعصبيه:احترمي نفسك ولاتجبريني على الردى،تره اذا عصبت بصير العن من فارس،ياللله امشي
مسك يدها ومشاها ناحيه سيارته وهيه تحاول تفلت يدها منه لين فتح الباب استجمعت قوتها وسحبت نفسها وصرخت:مابيكم مابيكم الله ياخذني اذا فكرت ارجع لكم
هربت باسرع ماعندها،سلمان ماحب يجبرها وبنفس الوقت خايف تختفي مثل المره اللي فاتت،ركب سيارته ومشى بهدوء على الاقل يعرف مكانها

الساعه ١٢بالليل
طلعت ساره وهيه تدعي انه امها ماتصحى،مافي احد يغطي عليها لاعزوف ولا هند،هند نامت من اول مارجعت من بيت ابو سعود،وعزوف صاحيه لكن حالفه ماتغطي عليها
وصل تركي وقف لها بمكان بعيد،ومشت كم خطوه لين وصلت له،،ركبت وهيه ترجف،هاجمتها ريحه عطره الهاديه،اللي ارخت اعصابها وتنهدت بخمول:حرام عليك،قلتلك مره بالاسبوع،مابي اخلي امي تشك مجرد شك فيني
تركي:عبالك معجبني حالك كذا،لكن مابليد حيله
ساره:لا بيدك تخطبني من امي،ماراح ترفض ابد،لكن انت تبيه بالسر،وش بتفرق يعني،ماحد بيعرف غير امي وخالاتي
تركي:لكن لو عرفو امك وخالاتك ماراح يرضون تساومين ولدك حتى لو بملاين
ساره اوجعها قلبها من موضوع ولدها اللي ماجاء،حاسه بالذنب قبل لاتسويه وقالت بغصه:يعني تدري هالشى غلط،،وحرام تحرم ام من ضناها
ترمي:انتي وافقتي مااجبرناك،تبين نتطلق ونكنسل كل شي تره ماعندي مانع،في الف وحده
ساره بعصبيه:كذب مافي الا انا،والدليل انك جلست اسبوعين تنتظر ردي
تركي ضحك ضحكه لها دلالات كثيره نرفزت ساره
تركي:انا مالي نيه اطلقك واخذ ولدك،اذا قالها الله ببقى معك واعلن زواجنا
ساره ناظرت فيه بصدمه وجمود وهمست:و،وزوجتك
تركي:مابيها،هيه بنت عمي واكبر مني ب٧سنوات،جبروني عليها كوني ولد عمها الوحيد وسترها وغطاها،صار لي اربع سنين متزواجها،ومابي اعيال منها وهيه مصره عشان تسكت الناس اللي تتكلم عليها،واقنعتني اتزواج عشان الولد،،لكن انا اتزواجت عشان محتاج وحده تفهمني،مثل تفكيري وقريبه لعمري
ساره بصدمه:اربع سنين لكن حنان قالت ١٤وانت متزواج
تركي:هذي كذبه عشان تحسبيني شايب وماتستانسين فيني،...،لكن تكفين ياساره انا محتاجك،مليت من حياة النكد اللي عايشها
ساره صدت عنه وهيه تفرك يدينها بتوتر تحاول تستوعب اللي قاله
تركي:متاكد انه مافي ام تبيع ولدها عشان فلوس،ادري انك وافقتي على هالشى من وراه قلبك،،وعاذرك عليه
ساره بضيق':بس حرام تقول عنها كذا تبقى بنت عمك وزوجتك
تركي:ومو حرام اللي سوته فيني،تبلتني عشان اخذها وضيعت شبابي،وحرمتني من ابسط حقوقي ،وهيه حياة كريمه مع زوجه احبها وتحبني ونفهم بعض

ساره بمعنى الكلمه عاشت صراع نفسي بهالحظه،خطوه راح تغير حياتها جذريا،،لو وافقت واعلن زواجها تركي راح ينصدم بموضوع امها وخالاتها ويعرف سبب عدم زواجها، وبتخسر كل شي
تركي:ساره مابي اجبرك على شي
ساره مسحت دموعها وقال بهدوء':خلينا كذا لين ربي يفرجها
تركي:انا ادري انه بقلبك كلام كثير،لكن مثل ماقتلك انا بفهمك وبوقف معك،متى ماحبيتي تسولفين انا موجود لك...

بعد اسبوع
طلع فارس من المستشفى،ولا احد فرح بطلعته،كانت اجوائهم مثل اجواء العزا،انسام مايدرون وينها لكن سلمان طمنهم انها بخير وانها عند خالتها،وهوه اصلان مايدري وش تصير لها دلال لكن اتاكد انه البيت فيه حرمه وللدها،وانسام ساكنه معهم

كان جالس بالصاله ودخلت جدته ولا قالت ولاكلمه ولاةحتى الحمدلله على سلامتك،دخل ابو فارس وجلس تعبانه لانه وفه بنذره واطعم ميه مسكين..
فارس:شخبارك ياجده
جدته بانفعال:لاتكلمني ليون الدين،الله لايسامحك على اللي سويته باليتيمه
فارس:مانكر اني غلطان،انا غلطان مليون بالميه لاكن انتي لساس الغلط،اجبرتي اليتيمه على شي ماتبيه
جدته:كنت متاكده انها بترضى وبتحبك مع الوقت،وهذا اللي صار،البنت عشقتك لدرجه انه كلمن دخل عليها لقاها تناظر الصورتك،،بس انت كسرت قلبها،حسبي الله ونعم الوكيل
فارس:لحد يتدخل باللي بيني وبين انسام،انا بحل كل شي
جدته:وش تحل بهالسهوله ماشالله،تحسب اللي انكسر بيتصلح،واذا صلحته وش يجبر قلب انسام،وش يسكت الناس عن الكلام بشرفها
فارس قام وهوه معصب ودمه يفور:خلاص يامسلمه لاخليني اقلل احترامي معك،تره مو ناقصني،يكفي النيران اللي بداخلي
مشى عنهم وهوه يعرج بسبب الالم:وفاء الحقيني
وفاء دخلت وره،جلس بتعب وسند ظهره
فارس:منهو نشر خبر الطلاق....