بسم الله الرحمن الرحيم
سلمان:من قال لك اني ماخفت ازي ماخفت عليك يوم خطفتك،خفت عليك من ابوك،خفت عليك من نفسي لكن كنت مضطر اساعد امك،واتوقع انك عذرتيني بعد ما شفتي حالتها
عزوف:لاطبعا ماعذرتك،ولاراح سامحك،لان كان قدامك الف طريقه غير الخطف،تدري انك زرعت بقلبي خوف من كل شي،،حتى بالليل صرت ماانام،اخاف اول مااغفى يدخل على احد ويخطفني ويهددني بالسلاح
ناظر لها ببرود:اتفق معك،غلطت بخطفك،لكن لوما خطفتك،مارجعتي لامك الحين،المفرض تشكريني وتركزين على الايجابيات
عزوف ببحه:اشكرك لانك جمعتني بامي،لكن ماسامحك على خطفك
وقف قدامها واناظرها بنظرات غريبه:سامحيني
عزوف خافت من نظراته وصدت بسرعه ،، وسلمان قرب اكثر وهمس:كنت اول مره ازعلك فيها ولك على وعد انها اخر مره
رجف قلبها من كلماته، سلمان لاحظ رجفتها، وسكر الباب عليها وشغل السياره ومشى
عزوف قالت بهدوء: طبعا واكيد انها اخر مره، ليش عندك نيه تخطف مره ثانيه وثالثه
سلمان : يمكن، الدنيا وحالها
عزوف: جرب وشوف وش بيصير
سلمان: انشاالله
عزوف توسعت عيونها بخوف"شكله صادق هذا، لكن هالمره ياانا يانت ونشوف من يزعل الثاني
انسام كانت جالسه بغرفتها وحاضنه نفسها، وتحاول ماتبكي وهيه تسمع اصوات عمامها وفارس وجدتها، ، تدري انها بتكون اسواء ساعه له
دخلت جدتها مستعجله وقالت بحده:الحين بيدخل عمك ويسالك،وان رفضتي والله ياانسام لتندمين وهذا انا حذرتك
طلعت وانسام بكت بصوت عالي من القهر،ودخل عمها وجلس قدامها:عسى ماشرليش تبكين
انسام:اي كنت تعبانه
عمها:سلامتك،تعرفين ليش جايك اليوم
انسام:لا ليش
عمها:ابي اخذ رايك الاخير،عطيتك مهله شهر للتفكير،موافقه على فارس لو لا
انسام صدت عنه ودمعت عيونها من جديد ولاحظ عمها:انسام ياحبيبتي اذاماتبينه مو مجبوره
انسام بضعف:عمي انا ابي بس هوه مايبيني
عمها:من قالك لك انه مايبيك،،فارس رحال كبير ومحد يقدر يجبره،وهوه من نفسه قال ابي انسام
انسام:لا هوه يحب بنت خالته
عمها ضحك:وين بنت خالته تزواجت من زمان،ونساها،انتي بنت فهد بنت الغالي لو فارس فيه ذره عيب ماعطيتك ياا،انا متاكد انهه بيحرص عليك،مثل ماانا حارص عليك
انسام غمضت عيونها لطاري ابوها "ليتك حي ماكان هذا وضعي'
عمها:حبيبتي عطيني كلمه وحده،كانك موافقه خير وبركه،وكانك رافضه مايتغر مكانك وتبقين الغاليه بنت الغالي
انسام قالت بنبره مستسلمه:موافقه
عمها استانس:الله يبشرك بالخير
طلع بسرعه يبشر فارس،،انسام قامت وقفلت الباب،وانهار بالبكي،
ابو فارس طلع لهم وقال بصوت فرحان:مبروك يافارس وافقت انسام
فارس ببرود:الله يبارك فيك،بروح اجيب الشيخ عشان نملك
جدته:بهالسرعه
فارس:خير البر عاجل،ليش شهر انتظرها
طلع يبيب الشيخوانسام عرفت وقلبها يرقع خوف،ربع ساعة ورجع فارس ومعا الشيخ،انسام سمعت اصوت كثيره عرفت انه الخبر انتشر وتجمعو عيال عمامها واصدقائ فارس،وصلتها رساله من رقم غريب':دقايق وبصيري زوجتي وام عيالي
خافت ورجفتةيدها وردت عليه بسرعه:تهبي ولاتستانس تره مابيك مجبورا
فارس:دقايق واخليك تحبيني وتحمدين ربك انك انجبرتي
طاع من الواتساب وانسام استبشرت خير من كلامه،شوي وطق الباب ،ودخل عمها شايل العقد عشان تواقع،،انسام قوت نفسها قدر المستطاع،مسكت القلم بيد راجفه خطت توقيع وطاح منها القلم،وحست بوسه على راسها وصوت عمها الفرحان:الف مبروك،يالله تعالي معي ياحبيبتي فارس يبي يشوفك
انسام:مابي اشوفه
عمها؛مايصير لازم تشوفون بعض
انسام:شايفته وشايفني مليون مره ماله داعي
عمها:صادقا.اجل بقوله يقلب وجهه
انسام:اي احسن
طلع عمها ووصل الكلام لفارس وضحك':مو مشكله
قام وهوه يرد على التبركات واعتذر منهم وطلع سيده لغرفه انسام بدون خجل من جدته وزوجه ابوه وزوجه عمه،دخل عليها وشهقت ووقفت بسرعه،فارس قفل الباب وقرب لها كانت تبكي ودموعها على خدها
ابتسم وقال بنبره عذبه:ليش الدموع؟خايفه من مصيرك معي؟،ليه ماتصدقين اني فعلا ابيك واخذتك بارادتي وبكامل قواي العقليه،بدون تدخل او اجبار من اي احد
انسام مسحت دموعها وقالت ببراء:بس مابيك وادري انك دخلت غرفتي متعمد عشان تشوفني جدتي وتهددني
فارس:ايي صح متعمد عشان اخذك ،لاني احب
تشتت تركيزها وناظرت بعيونه براها واخذت خصله من شعرها تلعب فيها تضيع تواترها
فارس سحب الخصله من يدها وحطها على شفايفه وهمس؛ناظري هنا
لاشعوريا ناظرت فيه وهيه ترجف وهمس فارس: احبك ياللي جننتيني وحرمتي عيوني النوم
برمشه عيون حاوط خصرها بيده وسحبها له لين لصقت فيه وكمل بهمس:محظوظ فيك،من قدي انا،انسام بنت فهد صارت من نصيبي
انسام من كثرمادق قلبها حسته بيوقف
فارس:خلاص حبيبتي ماصار شي يستادعي كل هالحزن،انا اخذت اجمل بنت بالدنيا،وانتي اخذتي اكثر واحد يحبك
انسام:مستحيل اصدقك لاتتعب نفسك
فارس:طيب حطي عينك بعيني اذا تكلمتي
انسام ناظرت فيه وكانت ملامحه حاده وتخوف لكن ابتسم فجاة وبانت غمازته وصارت ملامحه تجنن ومريحه انسام غصبن عنها ابتسمت واحمر وجها
حنى راسه وباس رقبتها،،هنا انسام داخت من الخوف ولاحراج دفته عنها وجلست على السرير وقالت بحده:سكر الباب وراك
فارس:طرده محترمه اشكرك عليها،الايام جايه وماراح تطريديني مره ثانيه
مشى خطواتين وناظرت فيه ولما التفت صدت بسرعه وابتسم بخبث،جلس جنبها وهمس باذنها:تبين شي
انسام:لا
فارس رجع شعرها وره اذنها وهمس:ماتبيني
انسام؛لا
فارس انتبه على نفسه وطلع بسرعه وقابلو الحريم بالزغاريد والتبركات ابتسم مجامله وكان بيطلع الا دخلت بوجهه وفاء ومعاها بنات ماعرفهم شايلين ورد وهدايه لانسام
وفاء:الف مبروك يافارس
وجدان بادب:مبروك يافارس الله يتممها على خير
فارس:الله يبارك فيكم،بالاذن
مشى والبنات مستغربين من اسلوبه،دخلو عند انسام فتحو عليها باب الغرفه وكانت رافعه قميصها وتستنشقه ولما شافتهم فزت وتركته
وفاء:بسم الله عليك شفيك تشمي ثيابك
انسام وقفت وابتسمت وراحت سلمت عليهم:مافيني شي،بس فارس ضمني وبقت ريحته وستنشقتها
وفاء حنت راسها وشمت رحيه قميصها وابتسمت؛ايي والله ريحته،ياعمري يافارس طلع رمانسي من اول ليله
الجازي:متاكده ظمك لانه طلع معصب ومنفس
انسام؛حبيبتي فارس قاسي على الكل لكن عندي غير،شفتي الثقل والهيبه،واذا شافني تتلاشا ويصير مثل الطفل
وفاء:هيه تره ماصالك عشر دقاير متملكه لاتعيشين الدور
انسام استحت لانها تمادت وهيه قصدها تغيض الجازي اللي تحب تجرحها
وجدان حبت تغير الجو:خلينا نطلع
انسام:لادخيلك زعلانه من جدتي ومابي اشوفها
جابت لهم القهوا واخذتهم السوالف ووفاء ارسلت لفارس:ماتواقعتك عنك رمانسيه
فارس:؟
وفاء:جابت راسك انساموو هههه،فضحتك عند البنات
فارس:وش تقول
وفاء:تقول مسوي نفسه هيبه عندكم،وهوه اذا شافني يصير طفل
فارس:يصير خير
توقعاتكم للبارت الجاي
هل فارس من جد يحب انسام ونسا الانتقام.
