في حكيها لذه وفي صمتها ملاذ💕

البارت 34

بسم الله الرحمن الرحيم

سلمان : عزوف اشتكت عليها
سلمان قال له السالفه كامل من يوم ماشافو ابو عزوف بالبر الى ان اخذو الشرطه
فارس حقد على الدنيا كله وتكلم بصرامه: والله لايندمون كلهم من اكبر راس لين عزوف
سلمان: اهجد باولد عزوف مالها دخل، المذنب اخذ جزاه، لمتى بتنكر ان امي غلطانه
فارس : امي تابت، ليش الفضايح على اخر عمرها، وبعدين انت مالك دخل تخطف عزوف،  طز بمشاعل ومشاعرها وعساها عمرها مالقت بنتها
سلمان : فارس  هد اعصابك، صار اللي الله كاتبه
فارس: لا صار اللي يبي فهد وفايز
سلمان : فهد الله برحمه، وفايز مصيره مثل مصير امي
فارس : لا فايز راح يطلع منها مثل ماتطلع الشعره من العجينه، مافي ولا دليل يثبت انه كان يتاجر بالبنات
سلمان : فارس هد اعصابك، وخلنا نفكر بهدوء، على الاقل احترم خالتي مشاعل وفرحتها
فارس : وامي،  ياسلمان امي تناظر الله وتناظرنا يا سلمان  لو الارض كلها توقف ضدها انا بوقف معها هذي امي، فايز ايخاف على عزوف، اذا هددنا فيها راح يسكت ولا يعطيهم الادله
سلمان : يعني شنسوي لعزوف
فارس  بنظره غريبه: انت وشطارتك، سو فيها مثل ماسوه فايز لامي، خله يدري انه الدنيا دواره
سلمان  سكت وكمل فارس  كلامه بحرقه: ياليت فهد عايش عشان احرق قلبه على بنته، لازم نبدا من الحين
سلمان : وش بتسوي
فارس : انسام لازم توافق لازم
سلمان : فارس  انت كنت تضر انسام بالكلام عشان ترفضك، ويوم صارت ترفضك صرت تبيها
فارس: تغيرت الموازين، مثل ماخليتها ترفض بخليها توافق
طلع من البيت كله وركب سيارته وراح لبيت جدته، اول مادخل البيت شاف. جدته عند غرفه انسام تطق الباب،: انسام افتحي، واللله لو معي كان عطيتك، هذا جزاي يعني
انتبهت لفارس وقالت بتعب: اتعبتني هالبنت
فارس،: ليش وش تبي
جدته: تبي فستان لحفله صديقتها، وانا مامعي فلوس وتحسبني ابخل عليها
فارس : خلاص انا اتفاهم معها
طق الباب وقال بهدوء : انسام افتحي وش حركات المبزه ذي، جدتي طول عمرها تعطبك ومعيشتك بنعيم
تنكربن فضلها عشان فستان
انسام  بصوت عالي : وش تبون مني، خلاص مابي فستان ولا ابي منكم شي.
فارس : طيب افتحي الباب
انسام مسحت دموعها ولبست حجابها وقامت فتحت الباب وقالت برلكه: خير
فارس : اوو الخشم احمر والعيون منفوخه، يخسي الفستان اللي يخليك تبكين
انسام : مابكيت عشانه
فارس،: وش يبكيك اجل
انسام :كذا تمرفترات على الانسان يحتاج  يبكي
فارس:اتفق معك،لكن الفستان السبب الرئيسي،يله بوديك على السوق نشترك الفستان لك
انسام بقهر:ماطلبت منك
فارس:ادري اعتبري هديه مني
انسام:بس الفستان اللي ابي غالي
فارس:مايغلى عليك شي،ياللله انتظرك بالسياره
طلع وانسام ابتسمت بخبث،:اوريك، والله لاخليك تبطلع تتصنع الطيبه يالكذاب
طلعت له وركبت معا ماتنكر خوفها منه لكن تدري وش يبي وناويه تعطيه على جوه....
فارس:يزعلك فستان وانا موجود،افا بس
انسام:شسوي جدتي وماعندها فلوس، وانا ضروري احضر الحفله
فارس:ماعندك فساتين
انسام:الا عندي،بس وش تبي الناس تقول عني مكرره لبسها مرتين
فارس ضحك:ااااه يالبنات،تفكير غبي
انسام :خف علينا يابو تفكير واعي ومثقف،وبعدين تره مابي اكلف عليك اعتبره دين وبرده لك
فارس:فداك المال وصاحب المال بس لايضل بالك بشئ.
انسام:كفو ولد عمي حزامي وقت الصعائب،ومسندي لاكسرتني الدنيا و..
قاطعها فارس:خلاص خلاص،كلام الرجال خليه للرجال
انسام؛ايي ابي راسك يشوش ابيك تقول انا عز وظهر لبنات عمي
.كلامها ماكانت تقصد فيه شي، لكن فارس حس انه رساله له عشان تنبها وترده عن اللي بيسوي
انسام  شافته اتضايق قالت عشان تلطف الجو،: بشغل اغنيه على مانوصل
اخذتها الوصله وحطتها بالجوال وشغلت اغنيه"تعال يابن الحلال تعال اشبعك حب اشبعك دلال.... "
فارس قصر الصوت وغمز لها، : عذا انا جيب عطيني حب،وشبعيني دلال
انسام تغيرت ملامحها من الصدمه ولاحراج سرحت فيه شوي تعلثمت وماتدري وش تقول صرخت بوجهه:عمى،قليل الادب
غيرت لاغنيه وخلت انشوده"فرشي لاتراب"عناد فيه
فارس بضيق:غيريها لاتنكدين. علينا
انسام:وليش انكد عليك ابيك تاخذ العضه ولعبره وراك قبر واحساب
فارس سحب جوالها.ورجع الاغنيه اللي قبلها ورجعلها.   جوالها
انسام  دخلت انسناب وصور فارس وكتبت عليه"خروفي"ونشرتها
ومن سوء حظها وفاء  اول من شاهدت وخافت انسام وبقلبها تقول هذي فاضيه ومقابله جوالها اربعه وعشرين ساعه بتفضحني الحين
جت بتحذف الفيديو لكن الصدمه انه وفاء  حفضت الفيديو  عندها
ولمع جوال فارس برساله من وفاء  وراسلت وفاء  بسرعه: سوي استرجاع بسرعه
وفاء،: اذا انتي مو قد الحركه  ليش تسوينها:مايرضيني اشوفك تستغلين اخوي واسكت
انسام حست بيوقف قلبها من الخوف لما فارس اخذ جواله وفتحه ودخل على. الواتساب وووو....
انسام شافت اصبعه يتجه على الواتساب وصرخت: فارس انتبه
فارس طاح جواله وسحب بريك قوي وقال بخوف: شفيك
انسام: ها لاكنت بتنصدم، حرك بسرعه لانصدم صدق
مشى فارس وهوه معصب: اذا ارتفع صوتك مره ثاني ياويلك
انسام  : يعني عادي نموت
فارس:ماكان شيقدامي،ولا كلمه خلاص
انسام:اشوف طلع الوجه الحقيقي
فارس انتبه لنفسه وابتسم:شسوي لك تخلين الواحد غصب يعصب عليك
انسام سكتتت وهيه تحمد ربها انه نسى الجوال،ساق لين وصل للمول وزل هوه وياها كان يمشي مستعجل وانسام تمشي بهدوء فكان كل شوي يقوف ينتظرها توصله
اخر شي عصب وقال بحده:استعجلي
انسام استعجلت ودخلو اول محل فساتين قدامهم  انسام دارت بنظرها ولا عجبها شي.وطلعت دخلو محل ثاني ونفس الشئ والثالث والرابع والخامس لين ختمو المول ولا عجبها شي

فارس تعب وعصب لكن ماوضح لها:كل هالفساتين ولا واحد  ملا عينك
انسام:انا مايملى عيني اي شي
فارس:وش الحل الحين
انسا:اول محل دخلنا عجبني فستان لكن قلت مابي استعجل
فارس:لو ماهو بطريقنا ماخليك ترجعين
انسام مشت وراه وتدعي انه الفستان مانشرى للحين لانه ماعجبها الاهو ومستحيل فارس يوديها محل ثاني
رجعو للمحل وانسام اخذت الفستان اللي تبي وحاسب  لها وطلعو ومرو محل اكسسوارات وناظرت له بتوسل وفهم عليه:لاتكثرين تره مامعي فلوس
انسام:،وش ضابط وجيبك مليان ماتخيلت بخيل على بنت عمك اليتيمه
فارس:محد باخل عليك يابنت الحلال بس استعجلي
دخلت ودخل وراها وقف ينتظرها عشر دقايق وقفت عند المحاسب وحاسبت وطلع احسابها ٤٣٠ريال وخافت
فارس سمع المبلغ وتوسعت عيونه:وش ماخذه انتي
انسام:خير كلها اغراض ناقصتني بس اذاماتبي تدفع ترهعادي بس انت قلت الفلوس تفداك
فارس دور ببوكه مالقه واطر يعطيهامن صرافته:خلا ص لاتبكين  خوذي صرافتي
عطاها الرمز ودفعت الحساب وطلعو وهيه مستانسه لانها خسرته رجعو للبيت وزلت انسام بسرعه،فارس اتصل جواله وقعد يدوره بجيبه مالقا تذكر انه طاح منه،نزل يده ودورا لين لقاها ورفع يده وخذهدخل على الاشعارات  فتح رساله وفاء وشاف الفيديو وكانت كاتبه من اسناب انسام،حس ضغطه وصل مليوم من الغضب فوق ماهو متجمل فيها تقول عنه كذا
نزل بسرعه وهوه ناوي موتها دخل مستعجل لغرفته وفتح الباب بقوه وشهقت وناظر فيها فارس ناظر فيها  من فوق لين تحت كانت مثل الحوريه بفستانها الاحمر الجديد  سرح فيها لاشعوريا ويده سكرت الباب وارتخت اعصابه ودخل اصابعه بين ازرار ثوبه ومسح على صدره وهمس:اووه واللله تستاهلين اللي يصير لك خروف

ولهنا وينتهي البارت انشالله عجبكم واسفه على التاخير
احاول انزللكم باجر
بيباي 😘🌹