في حكيها لذه وفي صمتها ملاذ💕

البارت 28

بسم آلَلَهّ الرحمن الرحيم
لاتنسون التصويت
🌟🌟🌟🌟🌟🌟🌟🌟🌟🌟🌟
فارس دخل غرفته ونزل شماغه وطاح علئ السرير بتعب،والصدمه مسيطره على كل احاسيسه والاول مره يحس انه محتاج يبكي،ماكان متواقع امل تتزواج ابد،كان يقنع نغسه انها له،ومايتخيل حياته الا معاها
مرر اصابعه بشعره وقال يهدي نفسه:يمكن خيره،يمكن لو تزواجتها بتخوني مثل ماامي خانت ابوي
،اعوذ بالله وش قاعد اقول،البنت باعتني برخص،انتظرتني كل هالسنين عجزت تنتظر شهر
يمكن كذبه انا لازم اتاكد،اذا فعلا اتزواجت والله لاتزواج انا بعد،والله لاحرقها مثل ماحرقتني مو بنت الي تضيق صدرك عشانها يافرس،حتئ لو قلبك يحبها....

ابو عزوف كرر اتصاله بالرقم الي اتصلت منه عزوف للمره الالف
كان فاقد الامل انه يرد لكن انصدم لما جاء صوته الحاد :نعم
ابو عزوف من انت وين بنتي
سكت شوي وقال بهدوء:معك سلمان
ابو عزوف:انخاك ترجع لي بنتي ياسلمان،انخاك
سلمان:والله لو ترقى للسماء ماترجع،،الابرجعه ريف،سلم واستلم
ابو عزوف بربكه:،انا ماعرف شي عن ريف
سلمان:المشكله انك تكذب،وتدري احنا نعرف انك تكذب بس انت مستمر بالكذب
ابو عزوف: اسمع لايكثر الكلام،دامك لويت ذراعي بعزوف فانا بلوي ذراعك بامك،تره عندي صور لها،لو اعطيها للشرطه بتهمه الزنه بيقيمون عليها الحد (اعدام) والصور من عمك فهد ،واسل امك عن فهد وعلاقتها بفضيحتها و....
تذكر شي وكمل بهدوء:خلنا ساكتين يارجل لااقول شي يخرب حياتكم كلها
سلمان دارت فيه الدنيا وقال بعصبيه:اقسم بالله لو تبلغ عن امي لاحرمك من بنتك طول عمرك،، وصلك العلم
قفل منه وضل يفكر بداخله معقوله فهد "ابو انسام"له يد بفضيحه امي،عشان كذا فارس حقد عليه،في شي انا انا ماعرفه،ولازم اعرفه،لازم،،عكس الطريق ورجع لبيت امه

§®♕®®♕♕
امل كانت قالبه الغرفه فوق تحت وتدور بكل مكان،وقفت وزفرت بتعب ودخل ابوها واستغرب:علامك قالبه الغرفه كذا
امل:جوالي مالقيته،الحين بتزعل امي ماكلمتهه اليوم
ابو امل بربكه :اي اشوفها دازه هالرساله
امل بستغراب:امي ترسل لك
ابو امل:ايي ليش
امل:ايي اتذكر انها خذت رقمك لكن ماتواقعت انها بتراسلك،،وش تقول
ابو امل:،اتقول بلغ امل اتصلت ورقمها مغلق ياليت تجينا اليوم محتفلين بملكه فارس على بنت عمه ونبيها تستانس مع البنات
امل ماستوعبت:ياعمري تبيني استان....
تجمدت ملامحها وترددت براسها"ملكه فارس"عقدت حواجبها:فارس
ابو امل:ايي،يالله كانك بتروحين لهم تجهزي اوديك
امل بغصه،: بنام
ابو امل : لا بابا  روحي واستانسي
امل : تعبانه بنام 
ابوها فهم وطلع،قفلت الباب وانهارت،غرقت عيونها وهزت راسها منكره اللي سمعته وهمست:مستحيل فارس مايسويها،معقوله فارس الي تخيلت حياتي معا ،حست قلبها بيطلع من مكانه من كثر ماوجعها
قامت بتعب ودفنت نفسها بسريرها وبكت،اتمنت الموت من بشاعه شعورها،من يصدق فارس الي وقف بوجهه الظروف عشان برمشه عين يتركها

§®♕®:-)
عزوف من يومين حاشره نفيها بالملحق ومافتحت الا لساره اذا جابت لها عشاها، صارت تخاف من سلمان بعد كلامه، طق الباب بقوه وقفت وقالت بخوف: مين
ام فارس بصوت : ام فارس
عزوف فتحت وقالت برود: نعم، ومفتخره بعد تقولين ام فارس، تره عيالك متفشلين منك  ومايقولون عند الناس انك امهم
ام فارس بقهر: ساره نامت وجبت لك سم هاري بدالها،، ومالك شغل بعيالي، انتي كلك رهنيه عشان ترجع بنت مشاعل ومردك للشايب ابوك
عزوف: الشايب هذا يسواك ويسوه هلك كلهم، انتي ماتستحين حرمتي ام من بنتها، وحرمتي زوجه من زوجها واب من بنته، وحرمتي عيالك من السعاده والراحه وحرمتي نفسك من حياة كريمه...
دخل سلمان مستعجل وانصدم من اصواتهم، ام فارس صارت ترجف من القهر والحرقه وصرخت:،من انتي اصلان عشان تتكلمي بهالموضوع، والله ماكون ام فارس اذا مشيتها لك
هجمت علئ عزوف ومسكها سلمان وقال بحده  :يمه
ام فارس:وش تبي انت
سلمان:اهدي،انا برد عليها
عزوف رجف قلبها ودمعت عيونها لاشعوريا كل اللي تفكر فيه كيف بتنقذ نفسهل
ام فارس:انتي ولدي ومارحمتني من كلامك،وقفت على هذي خلها تتكلم مثلها مثلك مثل باقي الناس
سلمان:ماعليه يمه بيجيها جزاها،لكن الحين ابيكي بموضوع مهم
عزوف دخلت بسرعه وقفلت باب الملحق وتدعين ان الله يعميهم عنها

ام فارس خافت من سلمان ونظراته لها،سلمان كان سرحان بسالفه عمه"كان ملاحظ فارسمن زمان،المكان الي ينذكر فيه فهد يقوم ولاحتى يترحم عليه،كل اللي يعرفه سلمان انه في ناس بلغت فهد انه امه تخون ابوه،،،لكن وش اللي مادري عنه
التفت لامه وقال بهدوء:وش علاقتك بعمي فهد
صار وجعا الوان وقالت بربكه:موضوع صاله اكثر من عشرين سنه،،مدري متى تنسون وترحموني حرام عليكم حرام
سلمان:كل شي فهمت الا هالسالفه
امه بثقه:فهد عمك ضلمني عشان كذا الله اخذ امانته وعطاة بنت عشان تذوق الي انا ذقته
سلمان:الموت حق والبنت مالها ذنب،،ابي اعرف سالفه فهد
ام فارس:بس لاتقول لابوك لان الرجال مات والله يرحمه،عمك كان....
سكتت  وكملت باحراج:كان حاقد علئ ابوك بسبب الورث،فكان هوه السبب الرئيسي بالسالفه،واكتشفت بعدين انه هوه مصورني،وعطى الصور لزوج مشاعل عشان يهددني ونسكت عن خطفه لبنته ريف
سلمان فتح ازرا ثوبه واتنفس بعمق،بهالحضه حس شاب راسه،عمه مشارك مع امه بخيانه ابوه
عجز يصدق انه عمه يخون ابوه بهالطريقه البشعه عشان الفلوس،المشكله انه ابوه لين اليوم حزين على
موته ويشوف انسام على انها بنت اغلى اخ
ام فارس:حبيبي سلمان موضوع راح وانتهى لاتقلب المواجع من جديد
سلمان:وش قصدك انه ظلمك
ام فارس:ك كان هوه الي يسحبني هالامور،ويستغل غياب ابوك لين وقعني بالحرام،وكل مالي اتوب يهددني بالصور
سلمان:وش علاقت ابو عزوف بفضحك
ام فارس:بعد ماتطلقت واتطلقو كل خواتي،،ابو عزوف طلب ياخذ ريف بالطيب  ورفضت مشاعل،وانخطفت ريف،وبعد سبع سنين عرفنا انه الي خطفها هوه ابوها،وقناله عطينا البنت وله بنشتكي عليك
قال البنت مو عند واذا بتشتكون علي انه بشتكي على اختكم بتهمه الزنه
سلمان للمره المليون يحترق قلبه على  خالته مشاعل،الي ضحت بنتها وبلعت الشوك والمر وسكتت عشان اختها ماتموت،رغم انها تستاهل،الحين ماستفاد شي من خطف عزوف،لان الدليل مع ابو عزوف
والمشكله انها امه جنته وناره مايقدر يشاركها بموتها
سلمان ناظر بامه بنظرات جفا وهمس بضيق:آه..يايمه..اااااه
طلع بسرعه وانتبهانه صوت باب الملحق ينفتح  ،طلعت عزوف ولاانتبهت له،كانت مستعجله واضح تبي تهرب
مشى لها بهدوء وقف قدامها ووووو.....

يتبع