في حكيها لذه وفي صمتها ملاذ💕

البارت25

بسم الله الرحمن الرحيم

لاتنسون التصويت+التعليق+المتابعه

دخلت جدته خايفه: شفيه فارس طمنوني
انسام بصوت مهزوز: شفيه دكتور لاتقول ماتت
الدكتور بستغراب: مافي شي بس كان يتالم وضربناه ابره مهدئ
انسام براحه : الحمدلله
طلع الدكتور وجلست الجده وهيه متضايقه: لا حول ولاقوة الابالله  ، وش هاليوم
انسام:من جد يكسرون الخاطر
الجده:وانتي ليش خايفه موكنتي تبين الموت لفارس
انسام:لا كنت استهبل بس عشان ارفع ضغطك،صح اكرهه بس مابي ايموت حرام
الجده:الله يقومه بالسلامه
انسام:امين

§®
عزوف كانت نايمه علئ الارض نومه تهلك كلها كوابيس والجوع مقطعها،الفطور من الصبح قدامها ولا اكلت شي،انفتح الباب وفزت مثل المجنونه  دخل سلمان بهيبته المعروفه  ورجف قلبها كانها اول مره تشوفه
رجع خطوتين وضمت بطانيتها بقوه.
سلمان جلس قدامها وقال بنبره هاديه:عزوف هدي هدي نفسك ماراح اسويلك شي،ليش مافطرتي
عزوف حدت علئ اسنانها وقالت بحقد:ليش تتصنع الطيبه وانت العن من الشيطان الرجيم
سلمان كان يناظر بعيونها وعجز يصد قال بهمس:انا قصدي من خطفك شريف،انتي ماسالتي نفسك ليش ابوك للحين مابلغ عن غيابك لانه هوه الغلطان،لكن والله عزوف الحق معي ومع خالتي
عزوف اتاكدت من صدق سلمان وكذب ابوها،،حست قلبها انكسر،الصدمه باقرب الناس تذبح..
عزوف سرحت شوي معقوله انه ابوهم كاذب عليهم  كل هالسنين  ولا حسيهم انه غلطان
سلمان انكسر خاطره عليها للمره المليون لكن قوه قلبه،مد لها الجوال وقال بهدوء:كلمي امك طمنيها عليك
عزوف خانته دمعتها ومسحتها بسرعه:لوكنت هامتها كان بغلت عني،مافي ام تسكتت عن خطف بنتها.
كملت عزوف ببحه:اصلان هيه ماعمرها خافت علي
سلمان:يمكن لانها تشوفك قويه وماتخاف عليك،لكن متاكد الحين انها خايفه عليك
عزوف اخذت الجوال،ودقت رقم امها ثواني ورادت:الو
عزوف :يمه
امها بضيق: وين مكانك، نجيك بدون مانبلغ  الشرطه
عزوف:وش دراني وين مكاني،اثبتو لي انكم مجردين من الانسانيه،الي يخطف بنته ويحرمها من امها 20سنه هذا مايخاف الله ،واكبر دليل سكوتكم الحين،قولي لابوي ماراح ارجع لين ترجع ريف لامها
قفلت الجوال ورمته علئ سلمان بقوه جت الضربه بصدره وهمس:بشويش ياحلوه
عزوف رفعت حواجبها :اخبر مقصدك شريف ياوقح.
سلمان:يعني عشان قلت ياحلوه صرت وقح،ها ياحلو
عزوف عطته نظره حاده،ضحك سلمان وقام يبي يطلع الامشاعل تدخل ومعها عشاء حطتها قبال عزوف:عاد الحين لازم تاكلين لازم لازم
سلمان:اذا ماكلت ناديني عشان اغير مقصدي من الخطف
طلع وعزوف مقهوره،وهداها شكل مشاعل الهادي
مشاعل:طبخت لك هالمقلوبه باديني،راح تاكلين اصابعك وراها
عزوف :شكره،بس ممكن اسال سؤال،ابوي ليش خطف بنتك
مشاعل طاحت الملعقه من يدها وسرحت بعزوف شوي وقالت بالم:سالفه طويله،بس بختصرها لك،اختي خانت زواجها وتعرفين بمجتمعنا الشر يعم،وتطلقنا كلنا،وابوك كان يبي ياخد ريف وانا رفضت
انخطفت ريف وماخليت مكان بالدنيا مادورتها فيه، وبعد سبع سنين توافت جارتنا العجوز وقالت قبل لاتموت انها شافت ابوكي فايز يخطف ريف، وهدداها اذا علمت احد بيخطف ولدها الوحيد مثل ماخطف بنته
وسكتت المسكينه لين جاها الموت واعترفت، وانفتحت سالفه الخطف من جديد،، ويوم رحنا لابوك انكر انه خطفها، وقال انه العجوز تتبلا عليه، وهددنا اذا اشتكينا هوه بيشتكي علئ اختي ام فارس، لانه كان عنده دليل انها زانيه، وانا الي تحملت غلطتها وانحرمت من بنتي
عزوف بغصه:ليش ليش ماخليتيه يبلغ عليها
مشاعل: لانه حلف مايدري وين بنتي، لو اشتكي عليه مابستفيد شي، مجرد ان اختي راح  تدخل السجن وبيحكمونها اعدام،وبتموت
عزوف:خليها تموت،هذا ذنبها،اساسا الشرهه علئ زوجها اللي ماذبحها  ولا اشتكئ عليها
مشاعل اتنهدت:الله كاتب لنه كذا،صرنا منبوذين بكل مكان،وكلام الناس دمرنا تدمير
عزوف انكسر قلبها ،ام فارس ضلمت كل الي حولها ودمرتهم  بفعلتها،واولهم ريف الي اللله يعلم شنو حالها
بدون امها
مشاعل:حبيبتي تعالي معاي اعرفك علئ بنات خواتي
عززف بربكه:او،اوكي
قامت معها وطلعت من الملحق ودخلت البيت وكانت الصاله فيها هند وساره وخالتهم مريم سرحانه
مشاعل:اعرفكم يابنات هذي عزوف اخت ريف بنتي
وقفو كلهم وصافحتها ساره:هلا،اسمي ساره
عزوف:اهلين،احس اني شفتك من قبل
ساره:يرحم والديك وين شايفتني الزواجات والافراح محذوفه من قاموس حياتي،يمكن شايفتني بالجامعه
عزوف:بس انا بالثانويه
ساره:معقوله،ماعطيك انك بالثانويه،احس عمرك٢٢ او٢٣
عزوف:صح عمري22بس انا راسبه ثلاث سنوات ومحفره بالثانويه،بيني وبين وزاره التعليم علاقه وطيده
حفظو اسمي كاكثر بنت ترسب علئ وجه التاريخ،اي واسطه من هنا من هنا ابشرو
سارع ضحكت:يرحم والديك اي واسطه الي بياخذها من وحده راسبه،تواسطي لنفسك بالاول
عزوف:مدري ليه حبيتك وحبيت صراحتك،احسك تشبهيني
ساره:وانتي فاضيه مخطوفه وداخله تستهبلين
عزوف:شسوي بعد مطره اتعايش مع الوض عشان لاحد يتضرر
ساره تنهدت:تضررنه وخلصنا،عينك على خالتي مريم ٢٠سنه مخبيه بنتها عن زوجها عشان ماياخذها،واخرتها عرف واخذها
عزوف:اذا كان ابوها طيب،وماراح يحرمها منك لاتتضايقين عشرين سنه وهيه مقابله وجهك مامليتي منها
مريم ابتسمت:طيب سلمي اول
عزوف ضحكت وسلمت عليها :كله من ساره ام السان
🌟🌟🌟🌟🌟🌟🌟🌟🌟

لهنا راح اختم البارت انتظروني بارت جديد

اي شخص عنده قصه حقيقيه وحاب يكتبها كروايه يكدر يراسلني علئ الخاص