في حكيها لذه وفي صمتها ملاذ💕

البارت42

بسم الله الرحمن الرحيم

عند انسام  كانت جالسه وتختار ملابس دخلت جدتها
جدتها: انتي للحين صاحيه
انسام  بدون  نفسه: وش تشوفين
جدتها: استحي على وجهك  وتكلمي عدل
انسام: اللي  سويتي مو قليل
جدتها: بس بذمتك ماندمتي على رفضك
انسام: الاندمت بس الحركه اللي سويتيها كانت بايخه
جدتها: لمصلحتك. المهم عمك كلمني يقول تجهزوا الزواج الخميس الجاي
انسام  طاح جوالها من يدها وتوسعت عيونها بصدمه: من قال
جدتها: فارس مستعجل
انسام؛ مايمديني اسوي شي
جدتها: وش مايمديك، اغراضك بيومين تخلصينها
انسام:لاباقي اشياء كييره،تصرفي جده على الاقل بعد اسبوعين
جدتها؛عاد هوه يسمع كلامك قوليله ياجله
انسام اتصلت على فارس وهيه معصبه وخايفه،فتح الخط وسكت
انسام:الو فارس
فارس:مافي تاجيل،سلام
قفل بوجها وقفل الجوال كله وراح بسابع نومه
انسام طقت من القهر وراحت للموقع وكنسلت كل الطلبات ورمت جوالها وستسلمت لدموعها'"غبي اللله ياخذك،متخلف مريض،كل ماقول تعدل ينهبل،حقير....

عند ساره:
كانت جالسه وترجف بشكل ملحوظ،دخلت حنان تضحك:يالله ياعروس قومي العريس وصل،ليله سعيده حبي
ساره مسكت منديل بتمسح روجها الاحمر ومسكت يدها حنان:لالا ياغبيه، انتي عروس، لاتمسحينه
ساره رفعت يدها بتشيل العدسات ونفسالشى منعتها حنان وقالت بقوه: روحي له بسرعه
ساره  كشرت ولبست نقابها وطلعت بخطوات حذره وخطوات راجفه، تركي كان واقف عند باب الشارع ينتظرها، سمع خطوات كعبها وعدل شماغه، طلعت ساره مرتبكه، بس لماشافت رزته تعثرت رجلها وكانت بتطيح لكن مسكها باللحضه الاخيره وهمس': بسم الله  عليك انتبهي
وقفها وهيه جتها البكيه من الاحراج ولاحظ تركي لمعه عيونها وتنحنح: تفضلي
مشى قبلها وفتح لها باب السياره وركبت وهيه تحس انه الدنيا كلها تعاتبها
ركب جنبها بهدوء، شغل السياره ومشى لبيته، كان فيه شقه صغيره بنفس بيته مخلها لساره
نزل ونزلت ساره حاسه بدوخه فتح الباب ودخلت ودخل وراها
وقفت ماتدري شتسوي، تركي حس برجفتها وقال بهدوء: انا طالع شوي وارجع، خذي راحتك
طلع وقف عند سيارته،، ماعنده شي بس عشان تاخذ راحتها وترتاح
ساره نزلت عبايتها وعدلت شعرها، وجلست تنتظره، وتدعي انه يكون طيب معاها
بعد نص ساعه دخل تركي وابتسم وهوه يشوفها، شكلها مره صغيره مو باين انه عمرها٢٥،ملامحها جميله وبريئه رغم حده عيونها،،
ساره ناظرت فيه ونزلت عيونها بسرعه، مو مثل ماتوقعته ابد، عمره واضح انه بالثلاثينات، وشكله هادي ومريح
جلس جنبها وقال بهدوء: بصراحه جميله وانيقه ماتستاهلين  واحد مثلي ياخذك عشان مصلحه، لكن انشاالله طول مانتي معي ماراح اقصر معك
ساره: بس ممكن اطلب منك طلب انا ماقدراتاخر على الساعه ٤الفجر، اخاف امي تعرف و...
تركي: ماراح تعرف، واذا عرفت ماراح تسوي شي، زواج بشرع الله
ساره: بس زاجي من وراها، ماراح ترضى بهالشى
تركي: يعني شلون ماقدر اخذك الا بالليل
ساره: ايوه
تركي: اجل قولي لها انك لقيتي وظيفه ودوامها مختلف،، عاد حسب مزاجي اختار لك الاوقات
ساره  عصبت: ماراح تمشيني بمزاجك، اجيك مره وحده بالسبوع، واحمد ربك
تركي: هدي لي نفسك شوي، ولاتعاندين كلامي ياساره،، خلينا احباب وماله داعي نزعل من بعض، سوي اللي ابي وبساوي اللي تبيه
ساره: طيب
تركي  مسح على شعرها وقال بهمس: اي كذا اسمعي الكلام، ساره  ابعدتيت نفسها عنه وقرب لها وقرب لها وقال: ليش كذا جايتني عشان تقربين ولاتبعدين
ساره خزرته وماعطاها مجال تتكلم باسها وحضنها وماقدرت تعارض ولا تقاوم، كل اللي هامها انه هالليله تعدي على خير

عند عزوف؛
كانت واقفه بالحوش وتنشر الغسيل وحاطه سماعات وحاطه اغنيه وتغني معاها، سمعت اصوات قويه جايه من الشارع طاح منها جوالها من الخوف، دخلت بسرعه واخذت عبايتها وتحجبت وطلعت،، شافت سلمان سادح واحد بالارض وضربه بكل قوته ومعا واحد ثاني منسدح وشكله مظروب، سلمان دفه وهوه يلهث،  ودف عن خويه والشاب قام وقوم  خويه وهجمو ثنينهم على سلمان وطيحو وجلسو يضربونه، عزوف شافت عصى سلمان طايحه واسرعت واخذتها وظربت واحد منهم على ظهره وابعد بسرعه من قوه الالم  ، وظربت راس الثاني وطاح يتالم سارعده خويه وقومه وهربو بسرعه

عزوف مدت يدها لسلمان وساعدته يوقف كان في جرح بخده قالت بخوف: فيك شي صار لك شي
سلمان: لا
عزوف: وش السالفه ليش تضاربتو
سلمان: كلمني واحد قال انهم يسولفون عن امي  ويوم شفتهم فقدت اعصابي
عزوف؛ طيب تعال خليني اوقف النزيف وانظف الجرح
دخلت واتجهت للمطبخ وسلمان جلس ينتظرها وحاس بالم خفيف، طلعت ومعاها قطن وشويه قهوه مطحونه وحطته على جرحه عشان يوقف النزيف، ظلت ثواني ماسكته وسلمان يناظر وراها
وبرمشه عين ناظر فيها، رجفت يدها وارتخى القطن وعدلته وصدت عنه
سلمان  بهمس: حته العبايه تليق عليك،، ممكن توريني لبسك عشان اقول يليق عليك بعد
عزوف طاح منها القطن وناظرت فييه ببرود وقال بابتسامه: ياوويل، كلش فيك ايلوق، مصيبه شكد جميله وذوق
عزوف: مو كانك توك متكفخ لين عضيت الارض، بس الشرهه مو عليك، الشرهه علي ساعدتك
سلمان  ضحك من قلبه على كلامها:: انا اكفخ ماتكفخ
عزوف صدت وجها بقوه ومسحت جرحه بقطنه فيها مويا لين نظف ونشفته بقطنه ناشفه
سلمان: حتى دور  الممرضه لايق عليك
عزوف: وانت بعد دور البارد العصبي الثقيل الهيبه لايق عليك،ماتواقعت حقيقتك كذا تافهه
سلمان':شوي شوي على جرحي يابنت
عزوف ضغطت وسلمان تالم ومسك يدها بقوه،ولواها لها وتالمت:سلمان بلا سخافه وربي توجع اترك،اتررررررراك
سلمان تركها وقال بحده:اوجعني الجرح بس بشفع لك على هذا التمريض الغبي
عزوف بثقه:امي قالت اني بصير شي كبير بالمجتمع،بس ماححدت ايش،وانا قررت اصير ممرضه
سلمان؛اي خير انشالله
عزوف بثقه اكبر':بتشوف،راح تنجلد بعدين وتجيني تبيني اساعدك،ساعتها بذلك ذل
سلمان':انجحي اول واعتقي الثانويه لوجه الله
دخلت ساره ومن حسن حظها انه الباب مفتوح،وسلمان ملقى على ظهره ولا شافها،طلعت بسرعه وهيه ترجف خوف عزوف شافتها وقالت بربكه:يالله عاد مع السلامه
سلمان:توصين شي حظره اللمرضه
عزوف بربكه:سلامتك
سلمان تذكر شي  وتغيرت ملامحه:نسيتيني اللي جاي عشانه،وطلع كارت من جيه وكمل امسكي عطي امك
عزوف:ايش هذا
سلمان:هيه بتقولك
عزوف:طيب اطلع
سلمان:يالله سلام
طلع وساره كانت متخبيه بمكان بعيد شوي عن البيت،راقبته لين راح وطلعت بسرعه،دخلت البيت وعزوف كانت تنتظرها
دخلتها وسكرت الباب وجلست ساره بتعب
عزوف بخوف انحنت لها:شفيك يابنت
ساره كانت ترجف وعيونها مدمعه وفيها رعب......