في حكيها لذه وفي صمتها ملاذ💕

البارت58

بسم الله الرحمن الرحيم

انسام: يعني حامل
فارس ارتسمت شبه ابتسامه على وجها ومد يده بصعوبه يبي يلمسه
لكن انسام رجعت خطوتين وصرخت: والللله العظيم ماتلمسه ولاتشوفه، طول مانت عايش،، وحتى اسمك بحرمه منه، راح اتزواج واسجل ولدي بكنيه ولدي،، وهذي اخر مره تشوفني
فارس حس ضاقت فيه الارض وحس حراره جسمه تفور حد على اسنانه
وهمس بقهر: ورب البيت لو تنفذين كلامك لاتنحرقين وانتي حيه، وتنحرمين من ولدك صدق
انسام'؛ ليييه تحسب حياتي بتوقف عليك، تحسبني ماعرف اتصرف لان ماوراي اهل،، انا عن رجاجيييل باشنابهم، واعرف ادبر نفسي، ومثل ماحرقتني بحرقك، ومثل العذاب الللي مريت فيه بتمر فيه انت،، وهذا وعد مو مجرد كلام
فارس غمض عيونه واخذ نفس عشان يهدي نفسه، وقال بهدوء: يمين الله  وعز الله وجلاله اعرف اني غلطان،، وادري انه غلطي ماينغفر، لاتحديني على اقصاي وانتظريني لين اطلع، وبيصير االي تبينه لكن لاتحرميني من ولدي تكفين ياانسام تكفين
انسام: انت ليش ماتفهم انا ابيك تموت بنارك، ابيك تموت ابيك تنتهي من وجه الدنيا، لو القتل حلال كان قتلتك بدون انتقام
فارس  وصل ضغطه مليون وحس صداع يشق راسه نصفين وقال بقوه:، روحي عيشي حياتك وتزواجي، وسوي اللي تبن تسويه باقي لي سبع اشهر واطلع،، ونذر على شاربي اجيبك لو ترحين لاخر الدنيا واخذ الولد منك، وكل اللي تبين تسوينه بقلبه عليك
انسام رغم خوفها قالت بتحدي: انا سامحه لك اذا اذا اذا حصل ولقيتني سو اللي تسويه،، اتمنا لك اقامه سعيده وصبر على السبع اشهور اللي بقت
فارس شد يده على القبضان وقال بقوه:، بصبر، واللي ابي بوصله،، ومثل ماطلتك مره بطولك مره ثانيه وثالثه
انسام: انا مو انسام القديمه عشان اسمحلك تطولني مره ثانيه، انا انسام اللي بتموتك على يدها بحول اللله
فارس بتعب؛ لك حق تزعلين، لكن مالك حق تحرمينني من ولدي، والايام بينا

عزوف؛
رجعت من المدرسه تعبانه، جلست بالصاله وقالت. بصوت عالي: لو ادري انه ثالث ثانويه كذا ظليت مغره بالثاني، مهي فارقه معي، يممممه تكفين تكفين الغداء بسرعه بنام

مشاعل: اتركي الكسل عنك وقومي تروشي اول عشان تصحصحين، وتذاكري لاختبار بكرا، مافي نوم
عزوف بصدمه: وش دراك ان بكرا عندي اختبار
مشاعل:عندي ارقام كل صديقاتك،واتواصل معهم اول باول،لا من ناحيه الانجازات،ولاختبارات،والواجبات،،يعلموني بادق التفاصيل عشان ماسمح لك تهملين شي
وقفت عزوف بتدخل غرفتها وطق باب البيت،تاففت بتعب واخذت حجابها وطلعت  وقفت عند الباب:مين
تنحنح:سلمان
عزوف عدلت وقفتها وحجابها وقالت بربكه:بيتكم احترق بعد
سلمان:لاوالله قلبي اللي احترق من الشوق
عزوف استحت رغم انها تعرف انه يمزح،':وش تبي
سلمان:جاي اسلم على خلاتي صله الرحم واجبه على كل مسلم بالغ عاقل،والقطيعه محرمه من كبائر الذنوب
عزوف:اصبر بناديلك خلاتك
سلمان:ياويلك من الله،استكثرتي على شوفتك
عزوف طنشته وقالت لامها وجت فتحت الباب  وسلم عليها وكان جايب لها هديه بسيطه كاعتذار انه مازارها شهور طويله وهو مفهمها الاسباب
مشاعل: اللله يوفقك ياسلمان ويسعدك مثل ماتسعدني دايم
سلمان: موقدك ياخاله تستهلين اكثر
مشاعل: حياك على الغداء
دخلت قبله تجهز الغداء، وجلس سلمان بالصاله وكانت شنطه عزوف جنبه سحبها وفتحها وماكان فيها الا كتاب واحد': وش هالاهمال ماتوب ذي"
فتح الكتاب وكان مرتب ومحدد بشكل مرتب وفي استيكر مكتوب عليه "ذاكري من هالصفحه لين الصفحه 50~
مسك قلم وكتب بخط جميل"اللله يوفقك باختبارك ويفتح على ذهنك ويرزقك بافضل الدرجات،يامهمله مع انه وجهك مو وجهه نجاح لكن نقول يارب،،حبيبك سلمان'"
ضحك بخبث ورجع الكتاب لشنطتها وقام بيوديها لها،،يتحجج بالشنطه عشان يشوفها،عزوف جالسه بغرفته وتناظر لساره  بتعجب وصرخت:هيييه قومي كم صالك نايمه
ساره:لاتصحوني،تكفون لاتصحوني،عزوف بطني كبر حتى الملابس الوسيعه ماصارت تخفيه
عزوف:بس لاتشككين احد فيك،يارب وش هالمصيبه اللي طحنا فيها،متى بتولدين
ساره:باقي لي شهر ونص
عزوف:تستاهلين خلي الفلوس تنفعك الحين
ساره تحاول تقنع نفسها انها هانت وبتترتاح: بتنفعني الفلوس بتنفعني
انفتح الباب بقوه وشهقت  وساره وخبت بطنها بالبطانبه على بالها انها امها اول خالتها، لكن الفاجعه كان سلمان،، بملامح تشتعل من الصدمه  وعيونه تلمع بشر،عزوف تجمدت مكانها،وساره تشهدت على روحها
سلمان سكر الباب بكل مايملكمن قوه وقال بهدوء خارجي:فهممميني السالفه ياملعونات،يالواطيات ياعديمات التربيه والاخلاق
عزوف رغم خوفها الاانها عصبت من كلامه:هيييه اقصر صوتك اول،،ثاني شي لاتشتمنا عيب عليك،ولاتفهم الموضوع غلط دامك عرفت بحملها ماراح نخبي عليك ،ساره متزواجه وحامل بالحلال، لكن زوجها عنده هدف من زواجه منها
ساره همست برعب: ع، عزوف
عزوف بعصبيه: انطمي انتي خليني اقول كل شي ماتشوفينه داخل بشره،، وبعدين ماهو غبي عشان نكذب عليه
سلمان رفع عصاه بوجها وقاا بحده: واللله لو تكذبين بكلمه لاعلق راسك على باب البيت
عزوف بقهر:زوجها ماعنده عيال فتزواجها عشان تجيب له ولد وثم يطلقها ويعطيها مقابل.
سلمان خزر ساره باحتقار':تبيعين ولدك وتعبك عشان وصخ دنيا،،يعني تصرف ماله اي مببرر،انتي معاك شهاده جامعه،يعني يمديك تشتغلين،وتصرفين على نفسك يالوح،،مافي اي كلمه توصف مدى احتقاري لك
عزوف:وريه عقد الزواج لايسوينه مشكله هالمجنون
دخلت مشاعل خايفه من صراخهم وانصدمت لما شافت سلمان بينهم وملامحهم ترعب وقالت بقوه:وش فيكم وش صار.
ساره باندفاع:ماصار شي
سلمان؛موضوع بسيط وبنحله بينا
مشاعل:تره انا مو مريم ولا امينه تكذبون على واصدق،،تكلمو وش صار
عزوف:ساره متزواجه بالسر وحامل
مشاعل حست بهبوط من الصدمه،: ماصدق ساره ماتسوي كذا
سلمان قرب لساره وقال بقوه: وين العقد بسرعه
ساره فتحت الدولاب اللي جنبها وطلعت العقد له وقراه حرف حرف،شاب شعر راسه من الصدمه:تركي العبدلله،صديقي
شال اعمامته بقوه وفتح ازرار ثوبه وضرب العقد بوجهها وقال بحده:ليه ماطق الباب وخطبك خطبه رجال،ولااحد منا بيرفض ويمنع زواجك منه،،امك اكثر وحده كانت بتفرح فيك
مشاعل:ياويل قلبي على بنتي،وش سويتي ياسار وش سويتي
ساره قامت ونزلت لمستواها وقالت بصوت باكي:تكفين ياخاله ساعديني،مابيها تنصدم فيني،ساعديني لين اولد بس وبعدها بيحلها ربي
وقفت قدام سلمان وقالت بانكسار:سلمان انخاك اوقف معي،انا عشت طول عمري ساتره نفسي،ماسويت شي غلط،غير اني اخترت اعيش حياتي واستمتع،،انا فات من عمري خمسه وعشرين سنه ماتهنيت فيهم 
سلمان اخذ نفس وقال بصوت مرعب:ومن قالك اني بوقف ضدك،بس اذا ماعلنتو زواجكم بيكون لي تصرف ثاني معكم