في حكيها لذه وفي صمتها ملاذ💕

البارت47

بسم الله الرحمن الرحيم

انسام: انا مافي فقير، انا عروس، امء كان الزواج مال انا، وسوي طلاق وبعدين انا  هربت
العامل دمعت عيونه: لاحول ولاقوة الابالله، هذا حيوان مافي رجال، انتي لازم ياكل وبعدين يروح عندبيت ماما
انسام: ماما وبابا موت، انا وحيده
دخل الولد وقال بخوف: امي تقول تعالي عندنا
انسام  خافت  وطمنتها  ابتسامه  العامل: مافي خوف، انا يعرف اهم الولد هذا، كويسه
قامت مع الولد ومشت وراه لين دخلت بيتهم وكانت باستقبالهم حرمه واضحه  انها  بدايه الثلاثينيات وكانت ملامحها حزينه لكن مبتسمه: حياك تفضلي، قال لي ولدي انك جالسه بالبقاله وتبكين قلت جلستك عندي اهون من جلستك عند العامل، حياك دخلت انسام للغرفه وقربت لها المدفئ وحطت عليها بطانيه،انسام جاها النوم لما حست بالدفى وارتخت ايدينها
جلست قدامها الحرمه:اعتبريني امك،اسمي دلال، وهذا ولدي ناصر وش اسمك انتي
انسام ببحه:انسام
دلال:بجيب لك فطور
طلعت للمطبخ وانسام ماقدرت تقام ونامت بدون شعور،دقايق ورجعت دلال ومعها الفطور ولما شافتها ماحبت تزعجها،طلعت وتركت انسام ترتاح

رائد صح من قوه نور الشمس على عيونه،ناظر وراه وفز برعب لما ماشافها،نزل بسرعه وناداها باعلى صوته،ولالها اثر،ركب سيارته ومشى يدورها،خايف وماترك مكان قريب الا ودورها،اخذ جواله وانصدم بكميه الرسائل والمكالمات واتصل على ابوه:هايبه بشر انسام عندكم
ابوه:انت اللي بشر،انسام وينها
رائد بخوف:ماهي معي
ابوه:تستهبل مو انت ركضت مثل المجنون يوم دريت انها تطلقت
رائد:اي لقيتها مغمي عليه واخذتها ونومتها بالسياره،وغفيت شوي ويوم صحيت مالقيتها
ابوه بعصبيه:لاترجع الا وهيه معك

عند عزوف كانت تراسل عريب  وتضحك من قلبها على سوالفها مع البيت والشغل اللي صار كله عليها
عريب:لاتضحكين ياحيوانه تره الموضوع حزين
عزوف:حوبتي،كنت ماسكه اصعب الشغل،الحين دورك
عريب:وصايره اغار عليك من بنات خالاتك واحسدهم، صدق انه خبله ماستشعرت نعمتك الا يوم فقدتك
عزوف:فديتني محد يقدر يعيش بدوني
ساره؛انتي ماغير ماسكه الجوال
عزوف:وش اسوي يعني،انتي نايمه واختك شايفه نفسها
ساره:طيب طلبتك حلا قومي جهزي لي قهوى راسي مصدع
عزوف:سلامتك،الله يسامح تركي وش سويت بانتنا
ساره باحراج:انطمي لاحد يسنعك
طلعت ساره ودخلت هند  وكانت مرتبكه،وعزوف ماعطتها وجه
هند:عزوف ممكن اخذ رايك بشي
عزوف:اخبرك ماتحبيني
هند:عاد حبيتك وش اسوي،انتي غصب تنحبين
عزوف تربعت وقالت بهدوء:طيب قولي اسمعك
هند:صاحبه البيت اللي اشتغل عندها طلبت اني اغير دوامي،يعني من الظهر لليل
عزوف:طيب
هند:بس امي اذا درت بتزعل وانا نفسي اقنعها،،شرايك اقول اني صرت مواظفه في بنك
عزوف:اذا قلت لك مايصير تكذبين على امك بتسمعين كلامي
هند:لا
عزوف:يعني راي مايهمك،ليش تطلبينه
هند:عزوف انتي مو فاهممتنا انتي ماعشتي اللي عشنا
عزوف: سوي اللي تبينه
هند طلعت وهيه محتاره،عزوف شافت جوال ساره يلمع برساله ومن اللقافه قامت وشافت تركي كاتب"الحلا تبينه اوريو،ولا نوتيلا
عزوف سحبت الجوال وردت:اويو حبيبي،النوتيلا ثقيل
تركي رد:حبيبي،اخير صرتي جريئه وتركتي الخجل اللي ماله داعي
عزوف ضحكت لما دخلت ساره وتواسعت عيونها لما شافت جوالها بيد عزوف  وسحبته بقوه وصرخت لما شافت رسايلها':ياحيوانه
عزوف هربت وهيه تضحك على ساره،وساره جلست تدور ترقيعه ماحست الا جوالها يدق باسم تركي
رجف قلبها وهمست بقهر:حسبي الله عليك ياعزوف الله يحطك باردى من هالموقف
ردت بربكه:هلا
تركي؛اطلعي خوذي الحلا
ساره:اوك
قامت ولبست عبايتها وطلعت الا نزل سلمان من سيارته بنفس الوقت اللي وصل فيه تركي سلمان ناظر فيه بصدمه:تركي
تركي نزل:ياهلا سلمان حياك الله
سلمو على بعضهم بلهفه،لكن سلمان مستغرب:وش جايبك هنا
ساره حست قلبها ذايب من الخوف،ودخلت بسرعه
تركي:انا مندوب وجاني طلب من هالبيت
طلع الحلامن سيارته وكمل:وانت وش جابك هنا
سلمان:هذا بيت خالتي
تركي انصدم ماتواقع ولو قليل ان سلمان ولدخالتها
ساره بخوف:هذا سلمان بوجهه الدفع كل ماصار شي يجي،كانه يدري
عزوف طلعت وهيه تضحك من قلبها وساره انقهرت:اوريك والله العظيم لاخليك تندمين على هالحركه وتذكري كلامي

سلمان مستغرب تركي عنده خير ويشتغل مندوب،سولفو شوي وراح تركي،.خل سلمان شايل الحلا وشاف ساره وعزوف بالحوش  وواضح انه وراهم شي...
ساره بربكه:تاخر المندوب صح
سلمان: توه جاء، طلع صديقي ورفض ياخذ فلوس
ساره بصدمه: صديقك
عزوف: عسى ماشر خاطرك شين
سلمان تنهد: بقوللكم بس لايطلع الكلام، فارس طلق حرمته
عزوف بصدمه: لالا انسام
سلمان: وين تعرفينها
عزوف: كان معاي بالمدرسه، ولله انا قايله الله يعينها على النفسيه اخوك، بس ماتواقعت انه بيطلقها بليلتها حرام،حتى لو فيها عيب تبقى بنت ععمه وسترها وغطاها،،ياويله من الله
سلمان:ترهفارس طلق انسام ماطلقك انتي،اهدي شوي
عزوف انتبهت وقالت باحراج:شسوي والله انكسر قلبي عليها،
ساره:مسكينه،ليش طلقها
سلمان:ماندري للحين،ننتظره يقوم بالسلامه ونعرف
عزوف':ليش شفيه
سلمان: انطعن بعد ماطلقها، وللحين ماعرفنا اللي طعنا
ساره: عزوف كانها بتمطر دخلي الملابس
عزوف: مع اني مو شايفه غيم كثير لكن بدخلهم
ساره دخلت بسرعه وقفلت الباب عنهم واخذت قدر فيه مويا وصعدت على السطح، حطت كرسي صغير وصعدت عليه وشافت عزوف تجمع الملابس وسلمان سرحان بالارض،، رفعت القدر باتجاه عزوف وكبته عليها وماسمعت الا صرخه عزوف
سلمان ضحك على شكلها وصراخها ورجفتها
وقف قدامها وكان كاتم ضحكته:: هذا المطر صار كله عليك
كانت حاضنه نفسها وترجف، وشعرها لازق بوجها وبرقبتها وقالت بحقد: كله من ساره الحقير
سلمان: ليه كل هالانتقام وش مسويه لها
عزوف: انت فاضي تحقق، افتح لي الباب
سلمان: لا مو فاضي، لو فاضي كان دققت بالجسم اللي انرسم، سبحان من سواه
عزوف رجف كل مافيها وجها صار ينطي الوان وحقدت على ساره وصرخت: حقير وحقارتك مو مستغربتها
مشت بسرعه وطقت الباب وصرخت: ياحقيره افتحي بلا حركات دنيئه يادنيئه، اخلصي
ماحست الا وهوه واقف جنبها ويطق الباب: ساره ليش الدنئ هذا
عزوف بقهر: انت ادنى منها
سلمان نزل جاكيته وحطه على كتفها وشد عليها، عزوف سحبته ورمته على الارض ووطت عليه
سلمان: ودي اضمك بدال الجاكيت بس اخاف تتوطين باطني، تسوينها انتي
عزوف نقطه وتموت،برد،وقهر،وقالت بحده:ساره،المندوب باقي عند الباب،اطلعي له يمكن يبي شي
سلمان عقدحواجبه مستغرب.ساره فتحت الباب بقوه وناظر لها بخوف،عزوف عطتها  نظره استحقار ودخلت
سلمان:وش هالحركات،بغت تموت من اليرد،وبعدين وش سالفه المندوب
ساره بربكه:  يمكن قصدها على الفلوس، المهم طمنا على فارس تصبح على خير