في حكيها لذه وفي صمتها ملاذ💕

البارت 24

بسم آلَلَهّ الرحمن الرحيم
لاتنسون التصويت

عزوف تمنت لو بيدها سكين وتزرعها بصدره،انفتح الباب عزوف ناظرت وشافت وحده رغم ملامحها جميله وبريئه الا انه الحزن معطيها شكل اكبر من عمرها الاهالات الي تحت عيونها ودموعها الساكنه بعيونها وجهه الشاحب كانت دليل كافي ان هذي خالته الي فقدت بنتها من عشرين سنه،وفقدت راحتها وسعدتها معها
كانت مشاعل تناظر فيها بعيون دامعه وشبه ابتسامه.حزينه
وقفت قدامها وهمست بغصه:جبت لك فطور ياماما لازم تاكلين
صوتها ونظراتها هدت عزوف وحن قلبها حولت نظراتها لسلمان بوحشيه،وهوه فهم عليه وطلع وصوت الضمير يصرخ بداخله،،يدري ومتاكد وعلي ثقه تامه انو هوه  غلطان لما خطفها لكن مافي طريقه ثانيه

كان بيطلع من الببت ووقفه صوت امه:سلمان
ناظر فيها وانصدم انها كانت تبكي ولابسه عبايتهه :ليش ماعلمتني عن فارس ليش
سلمان:شفيه فارس
امه:صار عليه حادث
سلمان طلع بسرعه وهيه معا وتبكي من قلب

بالمستشفى
انسام كانت جالسه جنب وفاء ومعصبه  جدتها غصب الاتجيبها،خايفه تكون جدتها مثل عمها وتبيها تتزواج فارس غصب.
ابو فارس ناظر لانسام بنظرات غريبه:انيام قهويني وقهوي فارس
انسام وفارس لاشعوريا ناظرو بعضهم،فارس زادت انفاسه من القهر لما عرف تفكير ابوه
وانسام نفس الشى عصبت لانها واضحه وضوح الشمس قالت بقهر:وفاء قومي قهوي ابوك واخوك
تغيرت ملامح ابو فارس  وفارس استانس علئ ردها لكن ماوضح لهم،وفاء قامت وصبت لهم ورجعت مكانها
الجده:انسام علامك تعاندين عمك طلبك ماطلب وفاء.
انسام:تعبانه ماقدر اقوم وتعرفين انا اكره المستشفيات ومع ذالك جبتيني له
ابو فارس:شدعوه ماتبين تسلمين علئ ابن عمك
انيام:اكيد بسلم عليه وبتحمد له بالسلامه فارس اخوي الي ماجابته امي
فارس ابتسم علئ ملامح ابوه وجدته لكن اتلاشت ابتسامته علئ دخلت سلمان وامه وقف ابو فارس بدون شعور عرفها من عيونها،وقفوا كلهم مرعبوبين من شكل ابو فارس الي تغير ١٨٠ درجه بهالحضه
ابو فارس تجمعت حوله شياطين الانس والجن،اختفئ من باله كل شي وتذكر الليله السوده،الي انطعن فيها
جرح الخيانه وكانه حصل امس،مو قبل عشرين سنه،تغيرت ملامحه واحتدت ووصل الدم لراسه
حس انه انكتم من افكاره السوده الي تجمعت براسه،فتح ازرار ثوبه ونزل شماغه،حركه ارعبت الكل
ام فارس تمنت انها ماتت ولا شافته،تمنت تختفي ولا تشوف نظره الاحتقار من الكل قدام عيالها
ابو فارس قال بدون وعي:لك عين تجين توقفين قدامي،مره ثانيه،الحين اتاكدت انه الله كاتب موتك علئ يدي
عشان كذا جيتي
قالت بصوت مهزور:ليتك قتلتني ولا عشت مذلوله،والله العظيم ادري اني حقيره واستاهل كل شي تقول وتفعله،بس جيت اتطمن علئ ولدي،انا ام
ابو فارس مسك المغذي وضربه ع الارض بقوه وانكسره وصرخ باعلئ صوت :وليش ماقلتي
انا ام يوم رحتي ت... قال شتيمه قويه احرجت الكل
فارس ايديه تنزف لانه ابو سحب المغذي قال بتعب:يبه اذكر الله وادحر الشيطان حنه بالمستشفى
سلمان مسك ايد امه وقال بقوه:خلاص يمه تطمنتي عليه يالله امشي
ابو فارس حس بهبوط بالضغط وتشوش كل شي قدامه  وفقد توازنه ومع ذالك كمل بقهر :طلعوها قبل لا اوصخ ايديني بدمها الفاسد
طاح من طوله  وصرخت ام راكان وفاء وانسام بكو بصوت عالي، سلمان طلع بسرعه وناده الدكتور، فارس وقفو هوه واصل حده من التعب نزل ناحيه ابوه ورفع راسه وانصدم من شكله،علئ دخله الممرضات
والدكتور اسعفو بسرعه واخذو لغرفه ثانيه،،وراحو معا ام راكان وجدته وفاء،وسلمان اخذ امه وطلع
فارس كان في جرح بطنه وحس انه انفتح لانه نزل بسرعه من السرير،داخ من كثر الدم الي نزفه
انسام طلعت تناظر لعمها لين دخلو للغرفه مسحت دموعها ولفت بتاخذ جنطتها وتطلع شهقت لما شافت المنظر  فارس علئ الارض وينزف بدون شعور راحت له وجلست جنبه
ورفعت راسه وقالت برجفه:فارس قوم فارس
ناظر فيها وذابت عيونه وغاب عن الوعي وبكت انسام بصوت عالى،شكله ارعبها وكانها اخر نظره له....
انسام ضغطت جرس الانذار وثواني الادكاتره عندها وانصدمو من منظر فارس شالو بسرعه ونظفو جرحه ووقفو النزيف....وانسام تبكي من قلبها بسبب الرعب الي عاشته اليوم،تنتظر اهله يرجعون لكن مشو ولاكانه مريض...
جلست وسندت ظهرها وتنهدت بتعب،عمرها ماتوقعت انه هذي رده فعل عمها اذا شاف طليقته،كسر خاطرها حيل رغم انها كانت كارهته لانه غصب بينها وبين فارس،لكن عذرته بعد هالموقف  ،واضح انه مجروح كبر الدنيا واكثر من كل شي فيها...

كح فارس وقال بصوت رايح من التعب:ي،يمه
انسام قامت وقفت عنده فارس عقد حواجبه واستوعب وقال بهدوء :ابوي شخباره
انسام:تمام،حاس بشي اناديلك الدكتور
فارس بالم :لا
انسام:ماصدقك واضح انك تعبان و..
ماكملت كلامها لانه جهاز النبضات دق بسرعه،ودمعن عيونها انسام:ليه يدق كذا ليه،فارس تسمعني
فارس كان واعي لكن الالم مسيطره عليه سيطره تامه دخل الدكتور بسرعه وضربه ابره
دخلت جته:وش فيه فارس طمنوني
انسام بخوف:شفيه دكتور لاتقول مات
.... يتبع