في حكيها لذه وفي صمتها ملاذ💕

البارت52

بسن الله الرحمن الرحيم

قام فارس وهوه يعرج بسبب الالم: وفاء الحقيني
وفاء خافت من نبرته، حاسه نهايتها الحين على يده
وفاء دخلت وراه، غرفته، جلس بتعب وسند ظهره
فارس: منهو نشر  خبر  الطلاق 
وفاء: ب، بس ارسلت لبنات عمي
فارس: وبنات عمك ارسلو لبنات خالهم، وبنات خالهم ارسلو لصديقاتهم، وصديقاتهم ارسلو للجيران، وانتي السبب
وفاء: والله ماكنت اقصد
فارس: احمدي ربك مافيني اضرب، وين انسام
وفاء: مادري
فارس بحده: وينها
وفاء بخوف: والله مادري
فارس: كيل عرفت اني بالمستشفى
وفاء مادر
تذكرت شي وقالت بسرعه: شافت سناباتي وانا مصورتك
فارس نفسه يمسكها ويحوسها: جوالها بالبيت ماخذته
وفاء: يمديها تدبر جوال، بعدين فارس لو سمحت لاتحملني الغلط، النت البادي انت الطلقتها،، والخبر الشين ينتشر بسرعه
فارس: عطيني جوالك
وفاء من دون تردد عطته جوالها  وطلعت،، فارس ارسل لانسام وجلس ينتظرها تفتحها

انسام: بروح لها
دلال: انسام لاتسوين شي يخرب كل شي، امل مالها ذنب
انسام: لها ذنب لو ماحبها مانهدمت حياتي
دلال: بعد مالها ذنب هيه انخدعت مثله
انسام: وانا وش ذنبي يادلال، انتي ماتزواجتي انسان تحبينه وتطلقتي بليله زواجك عشان كذا مو حاسه فيني، لاتلوميني على اللي بسويه
دلال: طيب بروح معك
انسام: يالله
دلال طلبت سواق ودقايق وكان عندهم، ركبومعا وانسام وصفت له العنون، "بيت خالات فارس"، لانها ماتدل بيت امل، وصلهم وحاسبو ونزلو، انسام طقت الباب وثواني وانفتح لها، ودخلت وكشفت عن وجها،، شافت هند وقعدو ثواني يتذكرون وين شايفين  ، تذكر الزواج
هند: انسام
انسام: وين ام امل
هند: وش تبين منها
انسام:؛وانتي شو دخلك، انقلعي ناديها
هند: لاتغلطين وانتي بيتنا
انسام: وين عزوف ليش مافتحتلي الباب بدالك بالغبيه
هند: تره اعرف ارد واغلط عليك لكن الحشيمه لفارس
انسام: تراب عليك وعلى فارس الكلب مهك...
دفتها ودخلت تنادي باعلى صوت: ام امل
انفتحت ابواب الغرف وانفجعو من الصراخ،عزوف طلعت لها مصدومه:انسام شفيك
انسام:ابي ام امل وينها
مريم:انا امها وش تبين
انسام:عطيني عنوان بنتك
مريم:ليش
انسام:بروح اهدم حياتها مثل ماهدمت حياتي
مريم بخوف:استحي على حالك حتى الكفار مايصير بينهم هالكلام،ليش وش ضرتك فيه بنتي
انسام:اقولك بنتك هدمت حياتي،هربت حياتي،صار حالي من حالكم،،طلقني فارس بليله زواجي انقام من ابوه لانه حرمه امل
مريم:وبنتي وش دخلها بفارس وابوه
دلال':لحظه انسام،لحظه خاله تره الصراخ مايجيب فايده
مريم قالت بحده عشان ماتبكي:ام فارس اللي دمرت حياة الكل،واولهم فارس اللي طاش بالحياة وصار بين امه وابوه،واخرتها انتي،امل مالها.ذنب ياانسام
انسام جلست  ومسكتها دلال، قالت بتعب وصوت مبحوح: الله يحرق قلبه مثل ماحرق قلبي
عزوف جلست جنبها وقالت بهدوء: انسام حبيبتي حنا مقدرين موقفك، وندري اللي صارلك اصعب من انه نواسيك او نهون عليك،، لكن لاتضعفين خليك قويه وخذي حقك منه
، ماراح نوقف معه لانه ولد خالتنا لانه غلطان وبيستاهل اللي بيجيه
انسام: وكيف اخذ حقي منه، مايضره شي
عزوف ناظرت بخالاتها وبادلوها النظرات وقالت بقهر: تقدرين لاتبكين، امسحي دموعك لاتنزل عشان رجال
انسام قامت ومسحت دموعا وطلعت بسرعه ولحقتها دلال
عزوف تهندت وهند قالت بحده؛ حلو ذي، جايه تغلط علينا وانتي تواسينها
عزوف: اتلومينها، انجرحت جرح عمرها ماتنساه، انهانت كرامتها  واتنلام تسوي اي شي عشان تنفس عن غضبها
مشاعل: الله يكون بعونها

راىد كان نايم وصحى على صوت جواله،فز بسرعه وهوه يدعي انها ابشاره خير عن انسام
رائد شاف رقم راكان ورد.بضيق:هلا
راكان:وينك
رائد':بالبيت صاير شي
راكان:فارس عرف انك انت الي متسبب بطعنه،لاتقابله ابد،وتره هوه اللي طلبني اطنش موضوعك ماشتكي عليك
رائد:رغم مو انا اللي طعنته،لكن النيه موجوده لين يموت،على بالك بخاف يعني
راكان:كلامك بوصله له عسان يحذر ويسجنك ياقليل النخوه، وش خليت للغريب دام هذي نوايالك لولد عمك
رائد: وفارس وين نخوته يوم تلطق زوجته وطردها الفجر، ياخي انتم الكلام معكم ضايع، سلام
قفل بوجهه ورجع ينام وهوه معصب عليهم، غصب بيطلعونه هوه الغلطان رغم انه الغلط منهم وفيهم
راكان كان حاط جواله سبيكر وفارس سمع كل شي
_
عند ساره صحت وهيه ترجف من البرد، قامت وحست بثقل بجسمها وانعدمت الرويه قدامها وطاحت وكحت بقوه وقالت بصوت مبحوح: هند ساعديني
هند فزت وراحت لها خايفه: اسم الله عليك شفيك
ساره:احس بغثيان.
هند مسكت خدها وشهقت:وحرارتك مرتفعه،قومي انسدحي
ساره قامت بسرعه وطلعت لدوره المياة واستفرغت"اكرمكم الله"
هند ظلت بمكانها مصدومه وراتسمت شبه ابتسامه على شفايفها"اكيد حامل"
دخلت ساره وطاحت بسريرها وجها اصفر وحالتها حاله،،غطتها هند وجابت لها خافض حراره وسوتلها كمادات
ساره بصوت مبحوح:اه راسي
هند:خليني اوديك الطبيب عشان نطمن،،واعتقد انك حامل
ساره ناظرت فيها مفزوعه والكلمه تتردد براسها حست بثقلها وصعبتها ودمعت عيونها
هند:شفيك
ساره،بندم:يارب تستر علي وتفرجها يارب
هند:انتبهي لنفسك انا بدا دوامي
ساره:لاتتاخرين،عزوف حالفه ماتساعدني
هند:ليش
ساره:من اخر موقف صار بينها وبين سلمان،ضمته عشان تغطى عني
هند رجفت يدها:ضمته
ساره بملل:اي اي ضمته عشان تغطي علي،بطلي اوهام
هند لبست عبايتها وطلعت بسرعه وهيه تحر وتبرد من القهر،كل ماتحاول تحب عزوف تكرها اكثر من الغيره،،هي متاكده انها مستحيل تتزواج سلمان لكن متفائله،التفائل مو حرام على بني ادم،ومن ابسط حقوقه يتخيل،،ومن كثر ماتتخيل صارت تحبه من كل قلبها وتغار

فارس:
رغم التعب والقهر اللي فيه طلع يدور على انسام،،يبي يطمن عليها حتى اذا تشوفه عدوها حتى لو تبي تقتله،مد يده بيفتح الباب وانفتح،ودخل سلمان وناظره بتعجب: وش تبي انت جرحك للحين مالتم
فارس بهم:ابي ادور انسام
سلمان:تطمن هيه بخير
فارس عقد حواجبه:وش دراك
سلمان بوهقه:سلا
مشى من جنبه وفارس مسك ياقه ثوبه وقال بحده:تعرف مكانها يالخسيس وماتقلي
سلمان:واذ قتلك وش بتستفيد خلها ترتاح بعيد عننا
فارس:ماراح اخذها بس بشوفها
سلمان:اسف ماراح اقولك
فارس بحده:سلمان اتكلم لاتهبل فيني
سلمان:لاتحاول ابوي وهوه ابوي ماعلمته بماكانها،ابي البنت ترتاح وتبعد عن كلام الناس
فارس:لكن انا ابي ارجعها لذمتي،واسكت الناس
سلمان':ماهي بضاعه يافارس تشتريها وتبيعها بمزاجك،،لاتتامل انها توافق وترجع لك،انسى هالشي
فارس:ماهو فارس اللي ينقاله هالكلام،ومثل ماجبت انسام مره بشيبها مره ثانيه

توقعاتكم للبارت الجاي
هل رائد هو اللي طعن فارس
هل ساره جد حامل وماهي رده فعل تركي
هل سلمان بيقول وين مكان انسام
هل انسام ترجع لفارس او لا