في حكيها لذه وفي صمتها ملاذ💕

البارت 27

بسم آلَلَهّ  الرحمن الرحيم
لاتنسون التصوين وتعليق

سلمان دخل شاف ساره وعزوف جالسات بالحديقه اول ماشافو تحجبو زين وعزوف عطته نظره ماينساها طول عمره وهوه بادلها بابتسامه باهته: عسئ ماشر مو قلنا زانت الامور
عزوف: زانت،لكن ماانسى الطريقه الي خطفتني فيها ولا راح اسامحك بعمري
سلمان :يمكن تنسيك الايام
عزوف رفعت جاجبها بقهر وسكتت
طلعت هند مستعجله وكاشخه وريحه عطرها سابقتها ونظراتها الشريره تبدلت الى حب :سلمان متئ جيت مانتبهت
عزوف توسعت عيونها من الي تشوفه وسلمان قال بدون نفس:جيت اتطمن علئ عزوف و...
هند بنبره قهر وغيره واضحه:وليه تتطمن عليها؟
عزوف قامت وهيه معصبه:وانا قدامك ماحترمتيني يا هند،وانت ليش تتطمن علي وشدخلك فيني
سارة؛عزوف خلاص هدي
سلمان:ساره معليه خذي هند وادخلو داخل
ساره سحبت هند ودخلت وهيه معصبه عليها
سلمان وقف قدام عزوف عزوف ارتبكت بس ماوضحت قال سلمان بهدوء:تره الي غبي بالدرسه مو غبي بامور الحياة
عزوف انقهرت وكانت بترد بس سبقتها دخلت ام فارس عليهم
ام فارس:وانا ليش ماتتطمن علي
سلمان: يمه البنت انا خاطفها وبرقبتي لازم اتطمن عليها
ام فارس: طيب ابي فلوس بجهز لعرس بنت صديقتي
سلمان:بحول لك اليوم
عزوف مشت بشموخ وقفت قدام ام فارس وقالت بحده: انا لو مكانك مااحضر زواجات
ام فارس تغيرت ملامحها وناظرت لسلمان بربكه،سلمان كان يناظر لعزوف بنظرات مالها معنا قرب لها وبرمشه عين مسكها من ذراعها ولفها بقوه وقال بهمس:بعديها لك هالمره لكن ان طال السانك مره ثانيه قصيته.
ام فارسمن قوه الصدمه دخلت بدون اي كلمه وعزوف قالت بالم :انت ولدها وذليتها بنظراتك،وقفت على
سلمان،: انا لو اذلها الليل والنهار كيفي، امي وامون عليها، بس لو احد يذلها اندمه، انتبهي
عزوف: خطف وخطفتني، وش بتسوي بعد
سلمان ناظر فيها من فوق لتحت وقال بنبره خبث: بساطه اخليكي تجربين الي جربته امي، بس الفرق امي متعمده وانتي مظلومه.
عزوف رجفت من الخوف والصدمه وقالت بحقد: كنت عارفه انك حقير وماعندك نخوه، والله كنت عارفه
دخلت بسرعه والخوف مسيطر عليها، الي دخل لبيتهم وخطفها مو صعب يسوي شي اكبر...

♕§®♕♕♕
بعد شهر 
في بيت خالد ابو امل، كان موجود فارس وابوه، وفارس متواتر، عايش سنين طويله منتظر هاللحضه
ابو امل:حياك الله ياابو فارس
ابو فارس:الله يحيك،جاينك نخطب امل لفارس
ابو امل:والله يابو فارس نسبكم ماينرد،وفارس ماني لاقي احسن منه،بس البنت اتملكت علئ ابن عمها معوض خير
فارس بدون استوعاب :صادق
ابو امل:حنا عندنا عاده البنت ماتطلع عن العايله،
فارس  بحده،:اكيد انت تستهبل امل تحبني
ابو امل بحده :لاتعلي صوتك بوجهي،تبيك او ماتبيك هذا نصيبها وجاها
ابو فارس قال بصرامه:فارس مشينا البنت لو تبيك كان انتظرتك بس السالفه واضحه البنت ماتبيك
طلع ابو فارس وفارس ناظر ابو امل بنظرات غريبه،رفع اصبعه كتهديد بس ضاع الكلام واتباخر،طلع بدون ولا كلمه للحين مو مستوعب انهاخلاص راحت منه،تملكت علئ غيره فتح ازرار ثوبه وركبمع ابوه الي متضايق على حاله،حتئ وجها صار باهت من صدمته
ابوفارس،:فارس ماتخيلتك كذا،تضايقك بنت طنشها،ولك على اخطب لك وحده بنت شيوخ،معروفين عمامها وخوالها انت بس عطيني الاشاره
فارس بضيق: اقفل علئ الموضوع
ابو ماحب يضغط عليه وسكت، اما فارس ٣٠ عايش مامر عليه بحياته مثل هاليوم ومثل هاللحضه،حته صدمته بخيانه امه علئ انها تذبح الا انها اهوان بمراحل عند صدمته بالبنت الي عشقها من طفولته،اه معقوله ياامل بالسهوله نسيتيني

§♕®§
انسام كانت نايمه واتصل جوالها واخذته وردت عليه بانزعاج :الو
وجدان:الو انسام قولي لجدتي رائد انسجن
انسام فزت بخوف:ليش
وجدان:تهاوش مع واحد وطعنه لكن الحمدلله مامات
انسام:اي اتذكرت لما جابنه من المستشفى،كان معصب ويتواعد، يالله بتجهز واجيكم
وجدان:ومري وفاء جيبيها معك ماعندها احد
انسام قفلت منها وقامت اتجهزت وطلعت بدون لاتقول لجدتها،اتصلت علئ السواق وجاها ووداها لبيت عمها
ابو فارس،نزلت ودخلت لغرفه وفاء وطقت الباب عليها
وفاء:بلبس
انسام:من متى قتلك انا انتظرك
طلعت انسام بتترجع للسياره تنتظر وفاء الا دخل فارس بنظرات متشتته،وكانه شايل الدنيا علئ اكتافه  خافت من نظراته ومرت بتطلع واستوقفها :لحضه
انسام بلعت ريقها وقالت بقلبه"يمه وش يبي هالمجنون مو ناقصه انا"
فارس وقف قدامها وقال بهدوء :من الي واقف برا
انسام:سواق
فارس:وانا كم مره اقول لاتركبين معه لحالك
انسام:مو لحالي انا مريت وفاء عشان نروح لبيت عمي،لان رائد انسجن
فارس:وانتي وش دخلك برائد
انسام:البنات يبغونا لانهم متضايقين محتاجينا
فارس:ماعندك بيت تقرين فيه
انسام:هذا وانت مكرهني بعيشتي،اجل لو تحبني  وش تسوي
فارس تحولت نظراته لهاديه لنظرات احتقار،دخل وتركها،وفاء طلعت وراحت مع انسام ابو فارس مانزل من سيارته وكان بيكلم ابو امل: مثل ماتفقنا
ابو امل:اعتقد،يوم يومين وبملك لها انشاالله
ابو فارس:وانته تروح لامها،عشان لايعرف فارس ان هذي خطه
ابو امل:ماعليك ماراح تروح،لكن انت لازم تزوج فارس عشان حتى امل ايطيب خاطرها منه
ابو فارس:انت ابعد بنتك وماعليك بفارس،انا اتولإه
قفل منه وابو امل دخل لغرفه امل ولقها جالسه وسرحانه جلس قدامها :شعندها بنتي سرحانه
امل بضيق:اشتقت لامي،لازم اروح لها
ابو امل بربكه:اصبري كم يوم وبسافر وبخليك عندها،فكرتي بالي قتلك عليه
امل عقدت حواجبها:ايش
ابوها:مشاري ولد عمك
امل بضيق:لايبه ولاجاء علئ بالي أصلان،مو موافقه  قلتلك من البدايه
ابو امل:بس يابنتي امشاري مايتعوض،اخلاص وادب ودكتور
امل دمعت عيونها:خلاص قلت مابيه
ابو امل:ماابي اجبرك لكن مشاري مافي منه فكري وردي لي،ومتاكد انك  بتجيني وتقولين موافقه
🌟🌟🌟🌟🌟🌟🌟🌟🌟🌟
لاتنسون التصوين +تعليق +متابعه