في حكيها لذه وفي صمتها ملاذ💕

البارت 36

بسم الله الرحمن الرحيم
عزوف رفعت راسها وباست خدها وحضنتها بقوه وقالت بصوت باكي:وينك عني من زمان،كنت محتاجه هالحضن وهالكلام،اللله لايحرمني منك ابدا
امها رفعت راسها ومسحت دموعها:من اليوم مافي دموع،مايكفى اللي راح من اعمارنه بدموع وحسره،راح نعيش حياتنا ونستانس،تدرين انا عندي ورث من ابوي وماصرفته للحين،خواتي ضيعو فلوسهم وصارو يترجوني اصرفه،انا حلفت اذا رجعت بنستانس فيه،راح نسكن باحلا بيت ونسافر لكل مكان
عزوف قالت بضحكه تبي تغير الجو:وناسه عاد انا خاطري اصير مليونيره،واسحب على الدراسه،وراح اوري عريب ان مو بس الشهاده تجيب فلوس
امها:لاحبيبتي راح تنجحين وتدخلين جامعه وتدرسين وتاخذين الشهاده  انا واثقه بهالشي،ومتاكده انك بترفعين راسي بعد ماوطو الناس،انا افتخر فيك،افتخر ان عندي بنت شاطره وذكيه وجميله بعد

ساره وهند وصلو عند احد البيوت وطقو الباب وفتحت لهم  حرمه متواسطه بالعمر
ساره:ها حنان وش الشغله
حنان:انتي شغلي معك طويله خليني ابدي مع اختك اول
هند:اي عطيني
حنان:هندر راح يبدا دوامك يومياً من الساعه ١٢باليل للساعه ٨الصبح باحدا التجار المعروفين راح تكونين خدامه
هند توسعت عيونها:الله لايبارك فيك وانا على بالي الشغله حلوه،اخرتها خدامه
حنان:اشش بس احمدي ربك،اقلك تاجر يعني راح تاخذين باليوم اقل شي الف ريال
هند بدت تقتنع:خلاص متى اباشر
حنان:الحين بتباشرين.
ساره:وانا وش وظيفتي
حنان:عاد انتي ياساره مالقيت لك وظيفه،بس لقيت لك شي احسن من الوظيفه
ساره:ايش
حنان:عريس
ساره شهقت:ومن قال لك اني ابي اتزواج
حنان:حبيبتي حتى لو بغيتي تتزواجين محد بيقبل فيك،بيتكم صار منبوذ ولا احد راح يتزواج منكم
ساره:رغم اني مالي ذنب لكن بالطقاق ماتوقف الحياة
حنان:خليني اكمل يمكن يعجبك العرض،كلمتني وحده لها ١٢سنه متزواجه ولاجاها عيال،وقالت انها تبي تخطب لزوجها وحده تجيب لها ولد وبعدين تتطلق،وراح تعطيها فلوس كثرالتراب مع كل شهر حمل
هند:طيب وش يثبت لنا انها بتعطينا فلوس
حنان:حبيبتي كل الادله بتكون معكم اذا ماخذتم حقكم
ساره:خير سلامات عسى ماشر،،اتعب تسع شهور  اخرتها ولدي يروح لغيري
حنان:فكري فيها كل شهر بيجيك ٢٠الف،يعني بتسع شهور بتجمعين١٨٠الف ريال،هذا من غير بعد الولاده
همست لها:عاد بيني وبينك اذا فلستي هدديهم يايعطونك فلوس ولا افضحيهم وخذي ولدك،فكري شوي يابنت الحلال يبي لها شويه قوه وتحدي عشان تعيشين،،عاجبك وضعك كذا عايشه على مكافئتك،على الاقل الفلوس بتنسيك اذى الدنيا،بتستانسين.فيها،وبعدين ماراح تسوين شي بالحرام،عقد على سنه الله ورسوله
هندبخوف:ساره لحضه قبل تردين ادري  انه صعب لكن فكري بوضعنا بعدين،
ساره برجفه: هند تستهبلين، كيب اخبي حملي عن امي وخالاتي تره مو اغبياء
هند:صدقيني ماراح ينكشف هالشى،الا اذا حنان غدرت فيه
حنان:لا حبيبتي انا هذا شغلي اخذ المقسوم وامشي،مالي شغل باحد،وحتى لو انكشفتي عادي،زواج بشرع الله مو نكر
ساره:لا مستحيل،ماراح اضيع حياتي
هند:بتضيعين حياتك اذا ماوافقتي
ساره:صيري مكاني وانفعي نفسك
هند بصدمه:ها لا مستحيل،انا خوافه وابسرعه انكشف انتي قويه
حنان:معك يوم واحد اذا مارديتي بشوف غيرك،يالله هند بوصلك للبيت التاجر
هند:ساره تعالي معي
ساره:لا خير هم يبون وحده  انا شدخلني،روحي ولاتخافين انا برقع لك عند امي
راحت هند مع حنان وساره رجعت للبيت تفكر بالموضوع،خايفهه تسوي  شي تندم عليه،،وبنفس الوقت نفسها تسويه عشان تستفاد من الفلوس وتعيش حياتها مثل باقي الناس
دخلت للبيت وجلست على عتبات الباب الداخلي وسرحت ولمعت عيونها لما تذكرت وضعهم،عشرين سنه بهالبيت ولا احد يجيهم ولا احد يسال عليهم،حتى اخوهم مايعرف عنهم شي عمرها  ٢٥وهي ماتزواجت
من بين صديقاتها،عمدا رسبت بالجامعه مرتين عشان لاتتخرج وتنقطع عنها المكافئه اللي معيشتها،كل صديقاتها متزوجات الا هي،واذا سئلوها تقول انه الرفض مني،وتحاول تقنع نفسها انها فعلا ماتبي تتزواج،لكن بالحقيقه هيه تكذل على نفسها وعلى الناس،مافي بنت ماتبي تتزواج وتستقر بحياة كريمه وتجيب عيال يملون حياتها، افعال ام فارس حرمتهم من كل شي
قامت ودخلت غرفتها تحسب عزوف لازالت نايمه لكن عزوف كانت صايحه تنتظرها وقفت بسرعه لما
شافتها: وينك؟ و وين كنتي؟ ماتستحين على وجهك طالعه بنص الليل،وبعدين وين هند،تكلمي وينها؟؟
ساره بربكه:لقينا لنا شغله لكن للاسف ماتقبل الا هند
عزوف:شغله اخر الليل،شكل ام فارس مربيتكم على مزاجها ومشيتكم مشيها
ساره عصبت:احترمي نفسك يابنت العز اللي جايه من حياة سعيده،ولا تدرين وش عشنا انا واختي  ،ماتدري وش اللي جبرنا نطلع بهالوقت،عساك ماتجربين العازه
عززف اخذت نفس وقفت جنبها:اسفه ماكان قصدي بس خايفه عليكم
ساره:لاتخافين نعرف مصلحتنا عدل
عزوف: اوك بطلع انتظر هند
ساره دخلت سريرها وعزوف طلعت للحوش جلست تنتظر هند وهي خايفه عليها،رغم انها تضايقها بنظراتها وافعالها لكن قلب عزوف اكبر من انه يشيل على بنت مرت بظروف قاتله،اذن الفجر وطلعت ساره:دوامها بينتهي الساعه ٨
عزوف:وش دوامها
ساره؛خدامه
عزوف توسعت عيونها:معقوله لهدرجه!وخذامه ماتطلع الا اخر الليل
ساره: هم عائله كبيره وعندهم اكثر من خادمه وكل وحده لها وقتها
طلعت جوالها واتصلت رقم هند: هلا هند كيف الوضع
هند: اااه ياساره بموت بيتهم يجيب العافيه بصورلك كل شي
ساره:اوك انتبهي لنفسك،باي
قفلت وناظرت لعزوف:ارتحتي لحين
عزوف:بنتظرها بعد
ساره:على راحتك انا بروح انام،تصبحين على خير
مر الوقتوصارت الساعه ٨ولا في خبر من هند،عزوف قررت تطلع وتدور عليها
عزوف كانت بتدخل تلبس عبايتها الا انفتح الباب بقوه ودخل سلمان ماسك هند من عبايتها ومعصب:من وين جايه تكلمي
هند بصوت باكي:مالك شغل اتركني
سلمان:امك ماتدري طبعا،وانتي عزوف ليش واقفه هني،تنتظرينها،صح،متفقه معاها تحسبون ماوراكم رجال يضفوكم يالصايعات،ناقصكم كلام
هند غطت وجها وبكت وعزوف له بعيون نعسانه وقالت برود:ماكنت ادري عنها،لاتقول صايعات،وناقصكم كلام،،لاتحملنا ذنب امك،مو ذنبنا اذا انت متعقد من هالشي،،وتشوف الناس كلها مثل امك
سلمان ترك هند وقرب لعزوف وقال بنبره ارعبتها:لاتجيبين طاري امي على السانك،يكفي عليك انك سجنتيها،ويكفي عليك اللي بيصير لك من ورا سجنك لها
عزوف:بس انا ماضلمتها،هيه ارتكبت الذنب وانسجنت على اثره،ليش تنكرون الحقيقه تره الدنيا مو على كيفكم
سلمان مسك يدها ولواها وصرخت بالم لين صار ضهرها على صدره
وهمس بحده:اخر مره اخذرك،كان تبين سلامه العيش وحسن الرحيل لاتتكلمين على امي
عزوف خافت من كلامه  ،وكانه يوعدها بشي كبير،قالتبضعف:طيب اتركني خلاص ماراح اتكلم
سلمان التفت يدور هند مالقاها ترك عزوف وصرخت:عساك للكسر
سلمان:قولي للزفت الثانيه تره ماراح اعديها لها،اذا ماعلمتني وين كانت تتحمل اللي يجيها
عزوف:ونا وش دخلني فيك  انت وياها حريقه تحرقكم
ماعطته مجال يتكلم دخلت وتركته،سلمان طلع وهوه معصب من حركات هند وملزم يعرف وش وراها،قرر يراقبها بصمت