الإرث الملعون

الفصل الثاني

روايــــة ( الإرث الملعون)

📖 الفصل الثاني 📖

آيات : السلام عليكم .. أزيك يا استاذ حاتم.

حاتم : وعليكم السلام ازي حضرتك يا أم هشام؟!

آيات : بخير الحمد لله ...بقولك لحضرتك يا استاذ حاتم الحاج عاوزك تجيله النهاردة في البيت ، عاوزك في أمر مهم.

حاتم : خير في حاجة ولا ايه ؟!

آيات : الموضوع مش هينفع يتحكى في التليفون

حاتم باستغراب: حاضر .. تحت أمركم يا حجه ، نص ساعة بالكتير وأكون عندكم .

آيات : ربنا يخليك يا استاذ حاتم ...يلا مع السلامة .

حاتم : مع السلامة

أنهت آيات المحادثه مع المحامي ومن ثم اتجهت لتعد الفطور ، فور الانتهاء حملته واتجهت بصحبه هاجر إلى غرفه سليمان ، أستند سليمان على هاجر حتى اعتدل في موضعه .

تناول الجميع فطورهم ، هاجر ، آيات ، سليمان ، دون ذاك الغارق في ثباته ...

هي عادته نوم طوال اليوم ، سهر الليل حتى بزوغ الفجر ...

بعد أن أنهو فطورهم توجهت هاجر للمطبخ لتنظيف بقايا الطعام ...

* بعد مرور أكثر من ثلاث ساعات وصل حاتم إلى منزل سليمان ....ألقى التحية على آيات وهاجر، ومن ثم طلبت منه آيات التوجه معها إلى غرفة سليمان .

حاتم بإبتسامة: السلام عليكم...أخبار حضرتك أي دلوقتي يا حج؟؟

سليمان بإبتسامة خفيفة: الحمد لله بخير .. اتفضل أقعد استريح...

حاتم بتساؤل: خير يا حج ؟؟
الحجة قالتلي أن أنت عايزني في أمر مهم.

سلمان بحزن:عايز أكتب وصيتي يا أستاذ حاتم ، حاسس أن ربنا هيسترد أمانته قريب ، فقولت اكتب وصيتي ..

حاتم بدهشة: وصية حضرتك...ليه بس؟ حضرتك زي الفل وإن شاء الله تقوملنا بالسلامة..

سلمان بحزن: محدش ضامن عمره يا إبني... زي ما قولتلك
إني حاسس بـ الموت بيقرب ... أكتب إللي أنا هقولك عليه ، بس دا هيفضل سر بيني وبينك محدش هيعرف بيه إلا بعد وفاتي.

حاتم بحزن: حاضر يا حج إللي أنت شايفه أنا تحت أمرك يا حج سليمان .

سليمان : بعد أذنك يا أم هشام ممكن تحضري لينا غدا عشان حاتم هيتغدى معانا النهاردة .

حاتم :ملهوش لزوم والله يا حج .

سليمان : لا ازاي بس ملهوش لزوم؟
يلا يا حجه ، اعملي لينا غدا بإيدك الحلوين دول ...

آيات : حاضر يا حج ، أنت تؤمر ...بعد اذنكم .

بعد أن تأكد سليمان من خروج آيات ، أتجه بنظره إلى حاتم قائلا بحزن : مكنتش عاوزها هي كمان تعرف إيه إللي هينكتب في الوصية .