الإرث الملعون

الفصل الثامن عشر

روايه الإرث الملعون

الفصل الثامن عشر
.

★★★★★★★""★★★★★★★★★★★★★★★★★*★★

تجلس هاجر في غرفتها وحيده ، تتذكر والدها تاره ، وتدعوا له بالرحمه تاره أخرى ...
تتذكر جل ما مضى ، تنهدت بحزن ثم قررت الخروج من غرفتها تود أن تجلس مع والدتها ...
....ماما..انتي فين؟
ايات بصوت عالي:ايوه يا هاجر ياحبيبتي..تعالي انا فى المطبخ.
دلفت هاجر لوالدتها:بتعملي إيه ياماما ، دايما تاعبه نفسك كده.
آيات بحب:بعمل الاكله إللي إنتي بتحبيها يا روحي.
هاجر بفرح: واو مكرونه بالبشاميل...أنا بحبك اوووي يا احلي ماما.
آيات : طيب يلا يا بكاشه...روحي حضري السفره.
هاجر : حاضر يا حبيبتي.

انتهت سريعّا من إعداد كل ما يلزم لتناول الطعام ....
جلست هاجر وآيات يتناولوا الطعام ويتحدثون عن الذهاب الندوه، شردت هاجر قليلا في مالك وتمني نفسها ان تراه اليوم بعد الندوه وفاقت من شردوها على صوت والدتها.
آيات : إللي واخد عقلك بكلمك مش بتردي.
هاجر بإبتسامه : ولا حاجه ياماما سرحت شويه.
آيات: طيب يلا كلي علشان نجهز نفسنا علشان الندوه.
هاجر: حاضر ياماما.
قاطع حديثهم صوت طرقات الباب ... التفت كل منهما إلى الآخرة وكانهما بستفهما عن الذائر ، تنهدت آيات ثم تحدثت : روحي افتحي الأول..... شوفي مين.
ذهبت هاجر لترى الباب ، ولكن الصدمه التي رأيتها كانت هي الأكبر .
فتاه ترتدي ملابس قصيره، ظلت هاجر تنظر لها تتذكر أين رأتها وتذكرت انها أتت يوم وفاة والدها.
وعد وهي تمضغ اللبان: ازيك ياحبيبتي...... مش هتقوليلي اتفضلي ولا هتفضلي موقفاني على الباب كده.
هاجر باستغراب لطريقتها: لا ازاي اتفضلي طبعا.
آيات من الداخل: مين يا هاجر.
هاجر : دي وعد قريبه ناجي صاحب هشام يا ماما.
صدمت آيات من رأيتها بهذه الملابس ولكنها قامت للترحيب
بها.
آيات: ازيك يابنتي عامله ايه؟!
وعد بأستفزاز: الحمد لله ياحماتي.
هاجر باندهاش: حماتك؛
آيات بصدمه : إنتي عايزه إيه يابنتي وحماتك اي اللي بتقوليها دي؟!
وعد بغرور : اه صح ، نسبت اقول ليكم أن أنا وهشام اتجوزنا .
هاجر بصدمه : نعم ؟!!
انت ومين اتجوزتوا؟؟؟
هشام اخويا؟!
وعد بسخريه : اها انا مرات اخوكي، إنتي عندك اخ غيره.
آيات بزعيق: انتي اتجننتي يابت انتي........ مرات ابني ازاي، هشام ابني مش متجوز.
وعد بحده : مين دي إللي اتجننت يا روحي إنتي وهي، انا سكتالكم بس علشان انتوا أهل جوزي.
هاجر بنرفزه: قولي من الاخر إنتي عايزه ايه!؟ وجايه ليه هنا؟!
وعد باستفزاز: أنا اجي في أي وقت أنا عايزاه، هو فيه حد يستأذن يجي بيته ولا إيه؟!.
هاجر : بيتك منين، ده بيت الحج سليمان لا إنتي شكلك مجنونه أكيد مش طبيعيه.
وعد بضحكه عاليه : بيت مين ياحبيبتي ده بيتي أنا وكل حاجه هنا ملكي أنا.
وانا هنا ست البيت ده وانتوا ضيوف عندي، إتش حبيبي هيكتب البيت بإسمي.
آيات بحده : بت إنتي أنا ابني عمره ما يعمل كده انتي عايزه ايه من الاخر.
وعد بحده : يووووه هو انا هقعد اعيد كلامي كتير، هشام اتجوزني من كام يوم والفلوس إللي خدها منكم كانت مهري مكنش مديون لحد زي ما فهمكوا، وهيكتبلي البيت ده بإسمي.
آيات بحده : انتي كذابه أبني ميعملش كده من غير ما أعرف.
هاجر بنرفزه: متصدقهاش ياماما دي أكيد بترمي بلاها على هشام مستحيل يعمل كده مستحيل.
وعد بسخريه : ليه ياعينيا مستحيل ليه هو كان يطول إني اتجوزه وبعدين أنتوا أحرار تصدقوا او لا مش مهم، أنا جيت بس اقولكم إللي حصل علشان لما اجي أنا وهو نعيش معاكم مش تتفاجئوا، كلها كام يوم واجي هنا وساعتها هوريكم المجنونه دي هتعمل فيكم ايه.
هاجر بنرفزه : أمشي اطلعي بره انتي فعلا مجنونه وكمان مش متربيه ، البيت ده ميدخلهوش الأشكال إللي زيك.
وعد بضحكه عاليه : انا كده كده ماشيه ياعينيا بس طردك ليا ده هتدفعي تمنه غالي أووي وهنشوف بكره مين هيطرد مين من هنا .... صمت للحظات ثم تحدثت بسخريه : سلام ياحمااااااااتي.
ومن ثم غادرت المكان .
اغلقت هاجر الباب بنرفزه والتفت إلي والدتها : اكيد ياماما بتكدب علينا هشام مستحيل يعمل كده.
آيات بضيق: انا مش مصدقاها ولما يجي هشام أكيد هيقولنا أن كل الكلام ده محصلش.
هاجر : طيب يلا ياماما نجهز علشان نروح الندوه.
آيات : طيب ياحبيبتي هدخل اجهز اهو.
جلست هاجر شارده في كلام وعد وشئ بداخلها يؤكد لها أن كلام وعد حقيقه وأن هشام لم يتغير كما أظهر لهم وفعل كل ذلك من أجل الحصول على المال ثم تنهدت بقوه قائله: يااااااارب يطلع كل إللي بفكر فيه مش حقيقه ويطلع كذب ثم دلفت إلي غرفتها ترتدي ملابسها للذهاب مع والدتها إلي الندوه.