الإرث الملعون

الفصل الثامن

روايه الإرث المـلـعـون

★★★ الفصل الثامن ★★★

بعد أن أنتهى هشام من حديثه مع والدته وأخته عن الميراث .....وياااالسعادته فهو أخيراً أقنعهم بعمل الوصايا له ليدير كل شئ وبهذا أصبح يمتلك گل شيئ..
يتحدث لنفسه : ياااا اخيراً الفلوس قربت تكون لياا لوحدي ، هو انت فاكر لما تكتب كل حاجه لـ هاجر أنا مش هاخد حاجه؟؟
أنت بتحلم.
أنا لحد دلوقتي مش عارف أنت عقلك كان فين...مش بتكتبلى أنا حاجه ؟
ده أنا ابنك الكبير...هو أصلا كل حاجه هتبقى ليا قريب أهو ماااااشي يا ... يا حج قال .

أخرج هشام هاتفه سريعاً ليخبر ناجى عن نجاح خطتهم ..
ناجى بنعاس:الو.... أيوه يا إتش..
هشام : أنت نايم ؟؟ قوم شوف صاحبك عمل أي.
ناجى:اي ؟؟
اوعي يكون إللي فى بالي ؟؟ طب قولي ها طمني ؟؟
هشام : كل حاجه مشيت ميه فل وعشرة ، يسلم عقلك يا صاحبي.
ناجى:يعني الخطه نجحت ،ونقول مبروك؟!
هشام :مش بس نجحت ، دي نجحت ونجحت ونجحت ، بكره الصبح هييجوا يعملوا ليا التوكيل ....يعني تقدر تقول إن صاحبك بقى مليونير كبير .
ناجي:أي دا؟؟ توكيل بالسرعة دي؟! عملتها إزاي دي أبن اللعيبه.

هشام:دول طلعوا هبل جداً...بمجرد ما قولتلهم إني عليا شيكات وأن هاجر لسه قاصر ولازم حد وصي عليها...وطبعا ماما مبتعرفش تعمل حاجة...فهما بنفسهم إللي أقترحو عليا إني أكون الوصي عليها ، وهتعملي توكيل خلاص ..
ناجى: أيوه كدا...ده خبر زى ده عايز سهره لحد الصبح ..
هشام:ده احنا هنهيص ؛بس أنت قوم كده، وبليل عدي عليا نروح نسهر سوا ...
ناجى:يا باشا.. إحنا تحت أمر المليونير ..
هشام:وعايز أخلص موضوع وعد ده..ومش عارف أبوها الرخم ده هيوافق ولا لاء!!
ناجى بخبث:لا يا باشا، أعتبر أن الموضوع خلص؛واكيد هيوافق يعني...
هشام:طيب ..بس لما نروح تاخد سمير الغتت دا وتقنعه بأي شكل وسيبلي وعد....ويلا بقاا ااقفل....سلام .

أغلق هشام الهاتف ، كل منهم في أحلامه ، كل منهم يحلم بطمعه وجشعه ، هشام يري اقتراب حصوله على ذاك الإرث الـمــلـعــون ، ومن بعدها سيحقق كل ما يبغاه ، أما عن ناجي وشلته فيروا أن في حصول هشام على إرثه ، انتصار لهم ... هما قادرين على سلب ذاك الإرث الملعون منه دون أن يشعر .... هي احلام لكل منهم ، لا ليست احلام ... بل هي أطماع لكل منهم ، كل واحد منهم يفكر كيف سيحصل على الجزء الأكبر من التورته ، من ذاك الذي سيغنم وسيفوز بالجزء الاعظم من ذاك الإرث .... هي أيام تمر وخطط توضع لسلب تلك المسكينه وأمها من كل شئ يمتلكانه....

★★★★★★★★★★★★★★★★★★★★★★★★★★★★

بعد أن غادر هشام تاركًا خلفه أخته وأمه يفكران فيما حدث وما سيحدث ، تحدثت هاجر بتنهيده حزينه ...

هاجر : أنا مش مطمنه لكلام هشام خالص يا أمي والله ، ولا حتى لموضوع القمار والدين دا .... حاسه إن فيه حاجه مش تمام....
رده فعله اول ما سمع الوصيه. ... والهدوء والتقوى إللي جم ليه مره واحده .... حاجه مش طبيعيه ...