الحلقة 9 :::
غدوة من ذاك ، الصباح ، غير ناضت كنزة لقات ميساج فتيليفونها من سيرين قاتلها بلي غير تنوضي حبطي لبيت لالة سعاد تحتاجك .. ناضت كنزة دوشت ولبست سروال قصير تحت الركبة سليم فالبيض ، ومعاه تريكو لاغج وواحد من كتافو طايحين كحل وفيه كتيبة بالبيض "smile" .. ودارت كوتشوفال وحبطت لبيت سعاد .. دقدقت ودخلت
كنزة : صباح الخير جدة
سعاد : صباح النور بنتي
كنزة : سحقيتيني ؟
سعاد : ايه ، اقعدي عندي هدرة معاك
قعدت كنزة فالكانابي
سعاد : كنزة بنتي ، علابالي قلبك حنين ، مي بالاكي تسيي تروحي لدار الناس لي جاو البارح ورح نوصي الحراس يقولولهم بلي ماكاشني اذا جاو
كنزة : وعلاش جدة ، وشبيهم هاذوك الناس ، والله غير يبانو بزاف ملاح
خزرت سعاد فكنزة وهي تحاول تتمالك روحها
سعاد : كنزة .. بنتي .. نحبك ترباي في وسط من المستوى ديالك ، راكي حفيدة سعاد #### ، سمعتك تقعد فالسما ، مانحبكش تخالطي ناس مش من المستوى ديالك .. تعرفيني نحبك ونحبلك صلاحك ، خوذيلي الراي وغير تكبري تفهمي
حبطت كنزة راسها ووقفت ..
كنزة : ما يكون لا خاطرك جدة .. كلامك فوق العين والراس
سعاد : هكدا نحبك بنتي
خرجت كنزة من بيت سعاد وراحت لبيتها مقهورة ، كلما تتعرف على ناس ترتاحلهم سعاد تمنعها تروح ليهم ولا تشوفهم ، عيات من التخمام هذا تاع عايلتها وما لقاتش حل غير انها تبع وتقول ماع
..........
أنت تقرأ
أخبرني الحقيقة (باللهجة الجزائرية)
Romanceفتاة من اغنى العايلات ، يتيمة الوالدين ، عاشت تحت سلطة وسيطرة جدتها ، تتعرف على شاب فقير وترجع تحبو .. وش راح يصرا وهل رح يقدرو يبنيو قصة حبهم ولا القدر يوقف فطريقهم ؟💥💥 اول كرونيك ننشرها ، باللهجة الجزائرية، من قلمي 💗💗 نتمنا تقراوها وتعطوني راي...
