أخبرني الحقيقة (باللهجة الجزائرية)

37

تلبية لرغبات قارئاتي العزيزات والمخلصات قررت نزيدلكم بارت لليوم ، زعما خطاب 😂😂
ان شاء الله يعجبكم 😍 رايكم يهمني

الحلقة 37 :::

#فالسبيطار ..
فتحت كنزة عينيها بالعقل ، ودورت وجهها على اليمين شافت ليليا وسمير وماهر يهدرو ..

كنزة (بالعقل) : و..وين را..راني ؟

دارو خزرو فيها كامل وراحو يجريو ليها وسوطاو عليها وعنقوها قريب خنقوها .. وليليا بدات تبكي ..

كنزة : راا..راح تخنقوني

بعدو عليها وخزرو فيها ..

ماهر : راكي مليحة كنزة ؟

سمير : كنزة راكي لاباس ؟ كاش حاجة توجع فيك ؟

ليليا : كنزة حبيبتي حياتي روحي ، قوليلي كيفاش راكي تحسي روحك ؟

ماهر : تحبي نجيبلك حاجة ؟

سمير : تحبي كاس ماء ؟

ليليا : تحبي تقعدي شوية ؟

خزرت فيهم كنزة مخلوعة ، طاحو عليها بالاسئلة ضربة وحدة ..

كنزة : وش راني ندير لهنا ؟

ليليا : ماكيش شافية ؟

سكتت كنزة تخمم ، حتى شفات على وش صرالها وتفكرت المنظر تاع ادهم طايح ..

كنزة (خايفة) : وينو ادهم ؟

تبسمو كامل ، كانت ردة الفعل تاعها كيما ادهم

كنزة : وش بيكم تتبسمو ؟ وينو ؟؟

ليليا : راهو لاباس عليه وفطن قبلك ..

كنزة تنهدت ، حست بالراحة

ماهر : ونتي راكي مليحة ؟ كاش حاجة راها توجعك ؟؟

كنزة : كرشي شوية ، مي مشي بزاف

سمير : كي تحتاجي اي حاجة قوليلنا

كنزة (تبسمت) : ايه

كنزة فرحت كي شافتهم يهدرو معاها وخايفين عليها ، عندها مدة طويييلة ما حكاتش معاهم .. توحشتهم وتوحشت هبالهم ..

سمير : كنزة علابالك بلي ادهم....

ليليا (قاطعاتو) : ااادهم رح يجي يشوفك

خزرت فيه تاع بلع ، باسك عرفت بلي رح يقولها على حكاية ادهم ..

ليليا : هايا نعيطولو

خرجو بين ثلاثة ..

سمير : وش بيك نتي ؟

ليليا : اذا معلابالهاش خلي هو يحكليها خير

سمير : ايه صح

دخلت ليليا عند ادهم ، كان متكي قدام سهام بعدما كملو الماكلة ..

ليليا (تبسمت) : ادهم .. كنزة فطنت

ناض ادهم من بلاصتو يجري ..