أخبرني الحقيقة (باللهجة الجزائرية)

17

الحلقة 17 :::
ما تنساوش تتفاعلو وتجمجمو الحلقات 😘
......

العشية مع 6 ، كانت كنزة قاعدة فالكرسي وراقدة باسك خلاص طفات وماقدرتش ، ووسيم راح يجيب القهوة ليه وليها ، رجع لقاها راقدة ، حط الكاس تاعها قدامها وهو قعد يشرب تاعو .. شوية هكدا جات سهام معاها ساشي فيه الماكلة باسك عرفت بلي كنزة ماكلاتش من البارح ..

سهام : اه وسيم راك لهنا

تبسم معاها ووقف ..

وسيم : وش راكي اختي ؟

سهام : كيفاش تحبني نكون .. ايييه ادهم ، قلبي قطعهولي

وسيم : ربي يشافيه ان شاء الله

سهام : امين يا ربي

خزرت فكنزة شافتها راقدة هكاك ، راحت عندها وقعدت تمسحلها على شعرها ..

سهام : مسكينة .. عندها شحال من ساعة قاعدة لهنا

وسيم : ايه رحت نجيب القهوة لقيتها رقدت

لتم صونا تيليفون ديالها ، رفداتو وعاودت خزرت فوسيم ..

سهام : جداتها !! وش رح ندير دوكا ؟

وسيم : على حساب ما فهمت ، جداتها ماعلابالهاش بلي كنزة راهي لهنا

سهام : ايه .. مي مانيش حابة نوضها

كنزة نوضها صوت التيليفون ، ناضت تحك عينيها لي كانو يحرقو فيها ، وخزرت فيهم ..

كنزة : اه سهام ، رجعتي

سهام : ايه ، لالة سعاد تعيطلك

كنزة توترت وريبوندات عليها ..

كنزة : وي جدة ؟

سعاد : وش بيه صوتك ؟

كنزة : اه لالا والو ..

سعاد : مزال ما ترجعي ؟

كنزة : احم .. نقدر نزيد نقعد ؟ صحبتي مزالها مريضة !

سعاد : ايه مي ماتقعديش بزاف خارج الدار

كنزة : ايه جدة ، مانبطاش ونرجع

سعاد : خلاص الطونوبيل جبتهالك

كنزة : ايه يعطيك الصحة

سعاد : صحا بنتي اتهلاي ف روحك وربي يشافيها الطفلة هادي

كنزة : امين جدة

كوبات عليها وحطت راسها على الحيط ..

سهام : كنزة تعيشي ارجعي للدار ، رح يصراولك مشاكل مع جداتك ، انا راني لهنا ونعيطلك كل دقيقة ونقولك وش صرا ..

كنزة : رح نزيد شوية

سهام : ايه كيما تحبي .. راني جبتلك شوية ماكلة

وسيم : وانا جبتلك القهوة ، هايليك

كنزة : يعطيكم الصحة ..

رفدت القهوة وشربتها وبدات تاكل وش جابت سهام ..