الحلقة 15 :::
#دار فريد ::
دخل ادهم للدار ، سلم على الفاميلية وطلع لبيتو حتى جات لعندو سهام ، دخلت وغلقت الباب وقعدت تخزر فيه وتتبسم ..
ادهم : باسم الله ، وشبيك ؟
سهام : ودوكا مزال ما تقولي
ادهم : يا ربي الصبر .. وش نقولك ؟
سهام : على لي داتلك عقلك ، وتخرجك فالقايلة وتخليك هكدا دايمن فرحان، من وجهك راك تبان ، راك طاير بالفرحة
ادهم : والله غير سيريو وش بيك ؟ ما كاين لا لي داتلي عقلي لا لي ردتهولي
سهام : على شكون راك تكذب ، نخزر فعينيك نفهمك ونعرف في وش راك تخمم
ادهم : ايه يا لالة قوليلي في وش راني نخمم ؟
سهام : راك تخمم فالطفلة هاذيا وتقول مش الوقت باش نحكي باسك ماكش متاكد من المشاعر ديالك ، مي نحب نقولك راني لهنا ادهم ، غير تحب تحكي وتديفولي رح نكون قدامك .. هكدا خويا ؟
تبسم ادهم من هدرتها ، طول عمرها تفهمو وواقفة معاه وتدعمو .. ناض لعندها باسها من خدها ودار ذراعو على كتافها وخرجها من البيت وخرج معاها وقعدو يمشو رايحين للكوزينة ..
ادهم : تحبي الصح .. ايه كلامك صحيح ، نتي اللولة لي رح نحكيلها كلش وعلابالي رح توقفي معايا
سهام : مزيا اعترفت
ادهم : والواحد يدير معاك الاسرار ؟!!
قعدو يضحكو وراحو عند صفية قعدو معاها يقصرو شوية .. حتى صونا التيليفون تاعو .. غير شاف شكون وجهو تقلب وتنهد ..
صفية : شكون وليدي ؟
ادهم : الهم
سهام : سي وحيد ؟
ادهم : يا ربي وصبرني عليه برك
ريبوندا عليه وهو قريب يفلت من الاعصاب تاعو مي كل مرة يتفكر هدرة وسيم ..
ادهم : انعم سي وحيد ؟
وحيد : اهلا ادهم ، وش راك
ادهم : معليش تبدا من اللخر
وحيد : اليوم تروح مع الجماعة ل#### اليوم على 10 تاع الليل تستلمو من عند جماعتنا لي لتم السلعة
ادهم : كيفاش هذا ، الخدمة تاع المرة لي فاتت ماخلصتنيش وتحب نروح لخدمة جديدة ؟
وحيد : ادهم ما تقلقنيش ، المرة لي فاتت لابوليس حكمو السلعة كامل وقريب حكموك ومزالك تريكلامي
ادهم : اصبر اصبر ، يعني مراحش تخلصني ؟ كنت تتقعد بيا سي وحيد ؟
وحيد : لالا رح نخلصك ، مي لازم تزيد تصبر باسك السلعة لي كان لازم نبيعها ونعطيك حقك راحت ، ومانقدرش نزيد نصبر كثر من هاك قبل ما نزيدو نستلمو ، عندي شهورا وانا حابس
أنت تقرأ
أخبرني الحقيقة (باللهجة الجزائرية)
Romanceفتاة من اغنى العايلات ، يتيمة الوالدين ، عاشت تحت سلطة وسيطرة جدتها ، تتعرف على شاب فقير وترجع تحبو .. وش راح يصرا وهل رح يقدرو يبنيو قصة حبهم ولا القدر يوقف فطريقهم ؟💥💥 اول كرونيك ننشرها ، باللهجة الجزائرية، من قلمي 💗💗 نتمنا تقراوها وتعطوني راي...
