أخبرني الحقيقة (باللهجة الجزائرية)

27

فوت وبارطاجيييو بلييز 😘

حبيت نزيد بارت شوية قصير باش ما تعمرو الفيد لي رانا فيه هاذ اليامات 😁 مي ادعموني باش ما يروحش تعبي في باطل 😘

الحلقة 27 :::

العشية .. رجع ادهم لدار باباه .. دخل سلم عليهم وماهدرش مع كنزة كي شغل غير موجودة ..

صفية : اقعدو تتعشاو معانا وليدي ..

ادهم : معليش يما نهار وحدوخر ..

صفية : اقعدو .. والله تقعدو ..

ادهم تنهد ورجع قعد بالسيف.. كانو كامل فالصالون.. فريد ناض لبيتو وصفية وسهام ناضو يديرو العشا ..

كنزة (ناضت) : نجي نعاونكم ..

سهام : والله والو ، اقعدي والله ما تجي ، خااه راكي عروسة جديدة ..

رجعت كنزة قعدت وما خزرتش كامل فادهم ..
وجد العشا ، تعشاو وهوما ساكتين .. ومن بعد رجعو للدار ..
راحت كنزة لبيتها ديراكت وقبل ما تغلق الباب سمعت تيليفون تاع ادهم يصوني وهو ريبوندا ..

ادهم (متبسم) : الوو ، وش رااكي ؟

كنزة غير سمعاتو يهدر بصفة المؤنث طلعلها الزبل للراس (حاشكم) وسورتو كي شافتو متبسم ..

ادهم : اااه مام انا توحشتك بزااف ..

كنزة كانت رح تموت وهي تسمع فيه يهدر هكاك ، حبت تعرف شكون البقرة لي راهو يهدر معاها ..

ادهم : صح .. (طرطق بالضحك) والله غير وحدك نتي ..

كنزة بدات تضرب بصباعتيها على الباب من التقلاق وكيما دارت باش ما تخزرش فيه مي ماقدرتش ، خزرت فيه كان ميت بالفرحة وهو يهدر معاها ، ما بقاش بزاف وتروحلو وتخرج للطفلة هاذيك من التيليفون تشنشفها ..

ادهم : لالا ، نتي مكاش لي تديلك بلاصتك .. بلاصتك فالقلب شبيك ..

ااااه لالا ، ما تزيدش تصبر كثر من هكدا ، كيفاش هذا يقولها بلي مكاش لي يديلها بلاصتها بلا حشمة ، شكونها الحيوانة هاذيا لي متحشمش !! تهدر مع راجل مزوج ..
راحت ليه كي المهبولة خطفتلو التيليفون من يدو وبدات هي تهدر وهو مشوكي منها ..

كنزة (تعيط) : واااش لالة ، وش راكي حاسبة روحك تهدري معاه هكدا ، منيتك ختي ؟؟ السيد مزوج ونتي تطلقي في حلاوتك عليه ، والله ما يخزر فيك كاااامل ..

....: اااه شكون نتي ووش بيك ؟

كنزة (ضحكت كي المهبولة) : هاهاهاهااااااي ، تحبي نشقالك لحتى وين راكي يا لي ما تسوايش ، والله غير نديفورميلك خليقتك ، تشوفك يماك ما تعقلكش .. هكدا !!

ادهم تقلق وناض دالها التيليفون وخزر فيها قريب يعطيها بكف ..

كنزة : ايييه كمل اهدر مع ست الحسن ، اهدر معاها وتمعشق معاها ، هاايااا.. وانا كي البهلولة .. مدامك عندك شكون خليني نخرج من الدار ونلبس كيما نحب ، فهمت ؟؟