أخبرني الحقيقة (باللهجة الجزائرية)

32

سمحولي بطيت باش حطيت البارت اليوم ، راني بزاف مشغولة بالسيف باش كتبتلكم هذا .. وسمحولي اذا قصير تان 💕💕 ما تنساوش الفوت وتبارطاجيو 😘

الحلقة 32 ::

غدوة من ذاك ..
ناضت كنزة ، وغير فتحت عينيها لقات ادهم راقد قدامها ، عمبالها راها تنوم ، غير مدت يدها ومست وجهو عرفت بلي صح راهو قدامها .. بدا قلبها يخبط قريب يخرج من بلاصتو ، ما قدرت لا طبعو ، لا تنوضو .. قعدت هكاك تخزر فيه بلاما تتحرك ..
حتى شافتو بدا ينوض ..

كنزة : تقدر تفهمني وش راك دير لهنا ؟

ادهم : الحمى هاذيك دارتلي السخانة حبيت نرقد فالارض

كنزة : اممم .. يعني قوجة شمبرة ما لقيتش كامل وين ترقد غير قدامي

ناض ادهم وجا خارج من البيت ..

ادهم (تبسم) : مرتي ونرقد قدامها (وغمزلها)

خرج ادهم وكنزة غلقت عينيها وشدت فقلبها باسك ما بقالوش ويحبس ..

شوية هكدا زادت كنزة ناضت ، وراحت توجد القهوة وشربو كيف كيف ..

كنزة : اليوم تان مارحش تخدم ؟

ادهم : ايه

كنزة : مممم ..

ادهم : تحبي نروحو لكاش بلاصة ؟

كنزة : لالا صحا ..

ادهم : مالا مور الغذا نشوفو فيلم كيف كيف باسك فالليل رح تروحي لعند الجارة

كنزة (ببرود) : كيما تحب

كملو القهوة وناضت كنزة خملت الكوزينة وسيقت الدار وغسلت الحوايج وراحت طيبت الغذا ..
غير وجد ، كلاو وخملو الكوزينة مع بعضهم..
وراحو للصالون وين كان ادهم ديجا موجد الفيلم وخرج تان جاب بوب كورن وشيبس

كنزة : وش رح نشوفو ؟

ادهم : فيلم

كنزة : قول والله ، عمبالي رح نشوفو الحمص

ادهم : وش راكي تخلطي ؟ زعما كوميدية !

كنزة : تهدر بزاف علابالك ! قولي وشمن فيلم

ادهم : فيلم وخلاص ..

بداو يتفرجو وياكلو وكان فيلم science fiction معاه شوية رومانتيك 😁
جات كنزة رح ترفد حبة بوب كورن ، غير لحقت يدها للbol مست يد ادهم لي مد يدو هو تان باش ياكل باسك كانت الظلمة ، نحات كنزة يدها ديراكت وماخزرتش فيه كامل وهو يضحك عليها من تحت للتحت ..
زادو تفرجو وادهم حب يهبلها شوية ..

ادهم : اعطيني حبة شيبس

كنزة : راهو قدامك

ادهم : راهو بعيد على يدي ، ما نلحقش لتم

كنزة : قوجة راجل وما تحلقوش

ادهم : ايا كنزة حبة برك

كنزة : اوووف ادهم (عطاتلو) خليني نشوف دوك وباركا ما تهبل فيا