أخبرني الحقيقة (باللهجة الجزائرية)

31

هااااي البنااات .. ما تنساوش الفوت وتبارطاجيو بلييييز 😘

الحلقة 31 :::

غدوة من ذاك ..
ناضت كنزة، صلات صلاتها ، وراحت للكوزينة باش توجد القهوة لقات ادهم ديجا لتم يوجد فيها ، تخلعت ..

كنزة : وش بيك ؟

ادهم (تبسم) : صباح الخير ..

كنزة : وش راك دير ؟

ادهم : راني نوجد القهوة باسك يدك محروقة

كنزة : يدي عندها قريب سمانة محروقة ، وديجا نقدر نوجدها وحدي

ادهم : لالا اليوم انا نطيبها لمرتي ..

عينيها وساعو ، وش بيه هذا ؟

كنزة : واش واقيل امنت .. مانيش مرتك يااو

ادهم : هذاك النهار قلتي لذيك الطفلة هذا راجلي ، ولا نسيتي ؟ (وغمزلها)

كنزة وجهها حماار وحشمت ..

كنزة (تتلعثم) : اا.. هو .. كي شغل .. اوووف ادهم .. ديجا انا قلت نسلكك منها تبان سامطة

ادهم (ضحك) : ايه علابالي ..

كنزة قعدت وبدات تمس وجهها كان سخون من الحشمة وادهم يخزر فيها بنص عين ويتبسم ..
حطلها القهوة وشربو كيف كيف ..

كنزة : هايا ازرب نروحو

ادهم : وين نروحو ؟

كنزة : وشبي جدك ؟ نتا للخدمة (زيرت عليها) وانا لدار عمي فريد

ادهم (شرب من القهوة) : مارحش نروح اليوم يعني نتي تان رح تقعدي فالدار اليوم ..

كنزة : اممم الله يبارك ، كل يوم كونجي فالمصنع تاعكم ..

ادهم شرب من القهوة وبقا يهدن فروحو باش ما يتقلقش .. وكنزة ناضت تغسل المواعن ، ناض وراها وتعمد يكون قريب ليها ، هي قلبها طاح كي لقاتو قريب ليها هكاك ..

ادهم : خلي انا نغسلهم اليوم ، مش مليح ليدك

كنزة : لوكان تقولي برك وش بيك ؟ بايت تنوم فيا ؟؟

ادهم : لوكان نومك رح يكون ابشع كوشمار فحياتي

كنزة (فتحت فمها) : اااااه ، صااار هكدا !! انا كوشمار ؟؟

خرجلها ادهم لسانو وراح يجري وهي تبعاتو تجري وراه وهو ميت بالضحك

كنزة : ارواااح لهنااا ، انا كوشمار ؟؟ ديجا نقولك حاجة ، نتا ماكش كوشمار برك ، نتا .....

جات رح تهدر وتزلق وتجي طيح على الكانابي ، حكمها ادهم وطاحو مع بعضهم ، وتلاقاو عينيهم وانفاسهم ، حسو رواحهم طارو لعالم وحدوخر فالغيوم ، فيه غير ادهم وكنزة ، وما معاهم حتى واحد .. ادهم عنق كنزة وزير عليها ، وهي في لحظة ضعف عنقاتو تان .. وقعدو هكاك ، ما نقولكم دقيقة ما نقولكم زوج ، ما نقولكم ساعة .. مام هوما ومعرفوش شحال قعدو ..
حتى سمعو الدقديق ناضت كنزة تجري وعدلت البيجاما تاعها وخزرت فادهم لي كان مزالو متكسل ، رجع وجهها حمر كااامل ، وهو تبسم ..