الحلقة 11 :::
راحت كنزة عن سعاد ، طلبت منها وخلاتها تخرج مع ماهر .. طلعت لبيتها ولبست جينز سليم بيض مع تيشرت صفر وصندال كحلة ، وصاك كحل صغير وطلقت شعرها وحبطت لعند ماهر لي كان يستنى عند الطونوبيل ديالو
ماهر : لوكان زدتي طولتي كثر لالا ؟
كنزة : اي خلاص هايا نروحو
جا ياسر جايز عليهم ، طل عليهم من التاقة ..
ياسر : وين بيها لافامي ؟
كنزة : وش دخل جدك فينا
ياسر : شووف لسانك طوال نتيا
ماهر : ايا طيير
ياسر : راني رايح ، من بعد نتفاهم معاك نتي
كنزة خرجتلو لسانها ههههه وديمارا ماهر ...
ماهر : وين نروحو ؟
كنزة : اديني ناكل محاجب عند عمي محمد
ماهر : والله وتسمع يما غير تقتلني
كنزة : تعيييش
ماهر : خلاص اووف منك
داها لعند الحانوت تاع عمي محمد ، حانوت صغير ف حي شعبي يبيع المحاجب .. دخلت عندو وجابت زوج ورجعت للطونوبيل
كنزة : هايا نقعدو فهاذوك الكراسا لي قدام البحر لي موالفين نروحو ليهم
راحو لعند البحر و قعدو لتم ، حتى جاز عليهم ادهم ، هو دايمن يحب يجي للبحر ويمشي وحدو ، غير شافهم راح لعندهم ..
ادهم : مادموزال كنزة ؟
كنزة : اااه خال مرام
ادهم : ههه وسمني ادهم
كنزة (تبسمت) : اه سمحلي والله ماكنتش نعرف
ماهر : شكون نتا ؟
كنزة : هذايا الطفل لي جا البارح مع العايلة تاع الطفلة لي كانت معايا
ماهر : اه صحا .. اهلا
خمس معاه ..
ادهم : وش راكي مادموزال ؟
كنزة : تعيش بلا رسميات .. سينو لاباس ونتا ؟ وش راهي مرام والعايلة ؟
ادهم : الحمد لله .. هايا انا نروح
كنزة : ايه ، بلغهم سلامي
ادهم : يسلمك
تبسم وراح وهو مزالو متبسم 😂😂
قعدت كنزة وبدات تاكل ..
ماهر : وشنو بلا رسميات هاذي ؟
كنزة : اووف ماهر تعيش مانحبش مادموزال وهاد الصوالح
ماهر : والله وتسمعك يما برك
كنزة : ماتسمعش .. قولي وش رايك فالمحاجب تاع عمي محمد ؟
أنت تقرأ
أخبرني الحقيقة (باللهجة الجزائرية)
Romanceفتاة من اغنى العايلات ، يتيمة الوالدين ، عاشت تحت سلطة وسيطرة جدتها ، تتعرف على شاب فقير وترجع تحبو .. وش راح يصرا وهل رح يقدرو يبنيو قصة حبهم ولا القدر يوقف فطريقهم ؟💥💥 اول كرونيك ننشرها ، باللهجة الجزائرية، من قلمي 💗💗 نتمنا تقراوها وتعطوني راي...
