الحلقة 12 :::
#في دار فريد ..
دخل ادهم مقلق من وجهو يبان ، جات سهام ودات مرام باش تاكل ورجعت لعندو بعد ما طلع لبيتو ...
سهام : وش بيك ؟
ادهم : ما كاين والو
سهام : شفتو كنزة ؟
ادهم : ايه
سهام : وسعاد ماقالت والو كي شافتك ؟
ادهم : ماشافتنيش ، دخلت من البالكون
سهام : علاش ؟
ادهم : كامل راحنا عارفين علاش .. انا البهلول لي آمنت روحي وعمبالي رح ... اووف خلاص
سهام غاضها ، باسك هو حنين وبزاف ناس ملاح ، برك مالقاش البنت لي توالمو ...
سهام : اممم ، تحب نديرلك محاجب كيما تحبهم ؟
ادهم : لالا صحا ، ناكل لي كاين
المهم راحت سهام وهو قعد وحدو هكاك ..
#نولو للقصر :
كانت كنزة فبيتها تفكر في خطة ديرها .. حتى جاتها فكرة مجنونة وممكن تتحبس فالدار كامل حياتها لوكان ديرها ، مي غاضها ادهم كي راح هكاك محروق ، حبت تصفي ضميرها معاه .. حبطت تجري للكوزينة
كنزة : خالتي فريدة ، دقيقة نحب نهدر معاك
خرجو هي وياها للبالكون باش مكاش لي يسمعهم ..
فريدة : وشنو؟
كنزة : تعيشي خالتي ، نحب نروح لدار الناس لي جاو هذاك النهار باش يدو الطفلة
فريدة : ماشي قلتي بلي سعاد قاتلك ممنوع تروحي
كنزة : ايه علابالي ، مي راني حابة نروح وحبيتك تروحي معايا
فريدة : وعلاش نروح معاك ؟
كنزة : ماشي جاية نروح عندهم وحدي ، تعيشي خالتي وانا نهدرلك مع جدة باش تعطيك غدوة repos
فريدة : يا ربي ولوكان تفيقلنا ، والله غير نتحاوز من هنا
كنزة : مكاش كيفاش تفيق ، سمعتها تقول بلي غدوة تان رح تروح للشركة
فريدة : ربي يهديك يا طفلة .. خلاص مالا
باستها من خدها وعنقتها ..
كنزة : حفظك خالتي
وراحت تجري لبيتها .. فريدة تحب كنزة وما تحبش ترفضلها طلب على هذاك دايمن تعاونها وتغطي عليها من سعاد
العشية راحت كنزة عن سعاد وقاتلها على فريدة بلي تسحق تريح شوية من الخدمة وتحب تقعد نهار واحد فدارها ، سعاد بيان سور بيسك جا الطلب من كنزة وافقت ..
غدوة من ذاك ..
وبعد ماراحو كامل للخدمة ، لبست كنزة جينز بويفراند مع تيشرت فالباج ومخطط بالكحل وباسكات بيضة وصاك كحل ، ودارت كوتشوفال وشوية مايكاب .. غير جات خارجة عيطت لسعاد وقالتها بلي رح تروح مع ليليا عند صحبتها وخلاتها تروح ، وهي اصلا تفاهمت مع ليليا باش تخرج من الدار ودور شويا على اساس راها معاها ، الوقت لي تروح كنزة لدار فريد ، باسك كيما قلت ليليا تحكيلها كلش وهي تحب تعاونها .. غير وصلت عند الباب مع ليليا (على اساس خارجين مع بعضهم) جات عندهم ميس
أنت تقرأ
أخبرني الحقيقة (باللهجة الجزائرية)
Romanceفتاة من اغنى العايلات ، يتيمة الوالدين ، عاشت تحت سلطة وسيطرة جدتها ، تتعرف على شاب فقير وترجع تحبو .. وش راح يصرا وهل رح يقدرو يبنيو قصة حبهم ولا القدر يوقف فطريقهم ؟💥💥 اول كرونيك ننشرها ، باللهجة الجزائرية، من قلمي 💗💗 نتمنا تقراوها وتعطوني راي...
