أخبرني الحقيقة (باللهجة الجزائرية)

39

هاااااي ❤ بطيت عليكم علابالي .. مي رح نحطلكم زوج بارتات ليوم .. رح نبدا بواحد قصير سوو سمحووولي 💗

الحلقة 39 :::

غدوة من ذاك ..
ناضت كنزة حاسة بطاقة كبيرة بعد ما رجعت لحياتها القديمة .. مي غير فطنت مليح تفكرت كيفاش كانت كل صباح تروح للكوزينة توجد القهوة لادهم ، وتصبح عليه وهو اول حاجة تشوفها ، تفكرت تبسيمتو وحنانتو معاها ، كيفاش يخاف عليها وكيفاش يعاملها ..
نفضت الافكار على راسها وناضت لبست قشها لي شراتهم مع الحجاب وحبطت لعند العايلة ..

كنزة : صبااااح الخير عليكم

كامل : صباح النور

فدوى : يا عمري كنزة ، والله ماني مآمنة بلي تحجبتي ! خموس عليك

كنزة : يسلمك

ماهر : يما اليوم حبينا نخرجو ندورو شوية ، تعيشي عطينا اليوم libre

سعاد : نتا راك جايبها غير خرجات ..

ماهر : لالا يما ، اليوم برك باش كنزة تنحي على خاطرها شوية ، ولا وش قالو كنوزة

كنزة : صح جدة ، تعيشي

سعاد (تنهدت) : خلاص ، اليوم برك ..

ماهر : ربي يخليك

كلاو وكملو وخرجو ماهر وياسر وسمير وليليا وكنزة مع بعضهم ..

ركبو فالطونوبيل وديمارا ماهر وشعل الغنا ، بداو كامل يصفقو ويغنو ويتبهلو ويشطحو ويصورو ويضحكو .. كنزة كانت تاع الصح فرحانة ..
لحقو للماناج ..

ليليا : ااو ؟ ماناج على الصباح ؟

ماهر : ايه ، مدامو فارغ شوية

كنزة (عيطت) : شحاااال حااالة

كامل : اااااي بالعقل علييك !!

ضحكت كنزة ، وحبطو كامل ودخلو للماناج .. وبداو يلعبو قاع الالعاب لي كايين وياكلو بوب كورن وغزل البنات ، ويضحكو ويتمسخرو .. جوزو قريب ربع ساعات لتم ..
غير كملو راحو لريسطورون وتغذاو ..
وبعدها راحو لcentre ، كنزة شرات قش للحجاب وكامل كانو يعاونوها باش تخير ..
دارو شوبينغ وزهاو ، وراحو بعدها ياكلو لاكرام عند واحد الكيريمري يطل على البحر .. كنزة غير شافت البحر تفكرت ادهم وشحال يحبو .. غاست فيه وادهم ما بين عينيها ..

سمير : وش بيك ؟

كنزة فطنت من التخمام تاعها وتبسمت ..

كنزة : ااه ، لالا ، والو ..

ياسر : شحال بنين لاكرام هذايا

ليليا : والله غير صح هايل

كنزة : نحب نروح نشوف داركم

سمير : ايه نروحو ..

كنزة : ونتا خارج معانا ومخلي مرتك وحدها مسكينة ؟