اعلان جريمة عشق

اعلان

احنه بنات صغار

شهد ، مرح ، نيران ، علا ، زهور

راح نكون وياكم بقصه

اعلان جريمة عشق

مشهد .

صوت دكات كلبي صار مسموع رفعت ايدي مسحت العرگ عن وجهي و الهث كمت ، ورجليني بايدات

ياربي ساعدني شسوي هسه شمرت الساطورة على صفحة و باوعتله شلون طبرت راسه و الدم يجري بكل مكان

مسحت على ركبتي و الهث و النفس صار وحدة مسموع و العالم من حولي حسيته صار صنته ، بحيث من احجي كلمة العالم راح يسمعوني كلهم و انكشف

حسيت شي دافي لامس جسمي ، باوعت و اشوف الدم سال وصل لرجلي
كمزت بسرعه و طرف ثوبي تلطخ دم جنت لابسه هدوم نوم فوكهن روب طويل

ضليت أتراجع ليورة و عيوني على المنظر الفضيع كدامي
شلون اخلص هسه ؟!
عقلي وكف عن التفكير حسيته تجمد

غمضت عيوني اخذت نفس و محاولة افكر بس وين جانت كل ذرة بيه ترجف من الخوف و كلبي صار بكل جمسي

باوعت للحمام و الأفكار ضلت تجي براسي
لا لا ما اسويهة ركضت على الكنتور طلعت عبايه عراقيه حطيتهة على راسي و اني بعدني بهدوم النوم

لبست نعال و طلعت على كيفي علمود محد يسمعني فتحت باب الهول و طلعت للباب المال الطرمة فتحته و سديته على كيفي

و طكيتهة ركضه للشارع العام بعده الوكت مو كلش متاخر
وكفت تكسي و تذكرت ماعندي فلوس ضليت صافنه ابو التكسي كال : تفضلي خوية ليش صفنتي ؟

... لا لا خوية ما عندي كروة روح الله يرزقك
جاوبني ... انتي وين رايحة ؟ محتاجة شي

.. اريد اروح المركز الشرطة
... تعاي خوية صعدي اوصلج مبين عندج شي طارئ
... رحم الله والديك الله ينطيك الصحة و العافيه و الستر

صعدت ويا و كال هسه راح اوصلج للمركز بسرعه
كتله اي خوية

ضل يباوعلي بشك طول الوكت و صلنه للمركز ، باوعت على شكل المركز و شرطة واكفين كلبي نعصر
نزلت من التكسي و كتله : انعم الله عليك ما قصرت
... هلا

عفته و ضليت امشي للشرطي ، و اباوعله و هوا يباوعلي من فوك ليجوة يباوع بحذر
بس قوي خانتني و خلتني اوكع كباله مثل الميته

شهد .. حاطة ايدي على بطني
أتلمس بيهة ، هسه معقولة هنا اكو طفل ؟
زين شلون أسقطه ماعرف

كمت من مكاني متوترة وافرك بوجهي
زين خاف يكتلوني ؟
شكللهم منين جبت هذا الطفل
اول تالي اني احبل و ابن حرام هم شلون بيه وين انطي وجهي ..

مشهد 2 ..

مرح .. هسه ما كتلي شراح تسوي بله
.... اريد اشوفج اجيكم للبيت اذا محد بي

مرح .. لا لا شنو هلحجي اذا هيج كاتل روحك عليه طلك مرتك واني موافقه

... وجهالي شلون تردين جهالي يتهجولون
مرح .. اني شكو طلك وتعال تمام ، يله باي

مشهد 3 ..

نيران .. اذا تتقرب مني والله العظيم اكتل روحي وابليك
... بس اني رجلج وهذا حقي مشكلتج قبلتي ولة لا طكي راسج بلحايط

نيران .. لازمة السجين ورا ظهري
تقرب مني يريد يجرني بكل قوتي حطيتهة ابطنه وياها ضليت اصرخ

القصة راح يكون بيهة تعديلات وتغييرات وتعديل شامل للسرد الي قاريهة يكدر ما يعيدهة لان التغييرات مو كلش كبيرة بالاحداث فقط بالسرد

#فاطمة_العبادي

القصة قيد التعديل 🚫🚫🚫🚫🚫🚫.
.

اقرو قصتي الي دتنزل "اشهد ان حضوركِ موت"