Carmine Love (နှလုံးသား၏ထောင့်စွန်းတွင် နက်ရှိုင်းစွာ တည်ရှိသော)

Part-6(U)

တဖြူးဖြူး တိုက်ခတ်နေသော လေညှင်းလေး၏ကျီစယ်တိုးဝှေ့မှုကို မေမြတ်သဘောတကျ ခံယူမိသည်။ ဒဿမတန်းဖြေဆိုပြီးနောက် ညစ်ညူးနေသောစိတ်အစုံကို လက်ဆတ်စေသောသဘာဝတရားကြီးကို အလွန်သဘောကျမိသည်။ ယခုမေမြတ်တို့ လူတစ်စုပြင်ဦးလွင်မြို့သို့ ခရီးသွားနေကြခြင်းဖြစ်သည်။ မေမေ့သူငယ်ချင်း ရှိရာကျေးလက်မှခင်မင်လာသော သူငယ်ချင်းအသစ် (၃)ယောက်ကိုအလည်အပတ် ခရီး ခေါ် လာခြင်းပင်။

ခေါင်းကိုဘေးဘက်သို့အတန်ငယ်စောင်းကာ ကားမူးနေပုံရသော သူငယ်ချင်း အသစ်လေးထားထားဝေ၊ နောက်ဘက်းခန်းမှာ တော့ သွေး၏ပုခုံးကို မှီတွယ်ရင်းလိုက်ပါသော မာန် ၊ မေမြတ် ထားထားဝေ ဘက်သို့ကြည့်ကာ
"အဆင်ပြေလား ထားဝေ၊ လမ်းမှာ ခဏနားချင်သေးလား"
နွမ်းဖတ်ဖတ်ဖြစ်နေသော ပုံစံလေးနှင့် ထားဝေမှာ ခေါင်းကိုသာဖြည်းငြင်း စွာရမ်းပြ နေပါသည်။
"ခဏလောက်နားလိုက်ရအောင် မာန်ခေါင်းမထောင်တော့ဘူး။"

မေမြတ်ကိုလှမ်းကြည့်ရင်းပြောလာသော သွေး။ သူမ မာန့်ကိုလှမ်း ကြည့်တော့ တစ်ကိုယ်လုံးကို သွေးဘက်သို့ မှီချထားသောသူ။ ခပ်ထင်းထင်း မေးရိုးက တစောင်းဖြစ်နေသော မာန့်မျက်နှာကို တင့်တယ်စေသည်။ နဂို မာနခြုံလွှမ်းထားတတ်သော
မျက်ဝန်းတို့ကသွေးကြောစိမ်းဖန့်ဖန့်လေးများ
ယှက်သွယ်နေသောမျက်ခွံနုနုတို့အောက်ဝယ်ငြိမ်သတ်စွာအနားယူနေဟန်ရှိသည်။

ယောက်ျားဆန်လွန်းလှသောအမျိုးသားလေး၏
မျက်နှာမှာ အဖျားရှိန်ကြောင့်ခပ်ရဲရဲဖြစ်နေလေသည်။
သူမမျက်နှာကို အရှေ့သို့ပြန်လွှဲပြီး 'အင်း'ဟုသာဖြေလိုက်သည်။

"မာန် ထဦး ကားခဏနားတယ် အပြင်ထွက်ကြည့်ဦး "

နီသွေး၏နှိုးခြင်းခံရသောသူသည် အလိုမကျသောဟန်နှင့် ပိုတိုး၍သာအိပ်နေသည်။

"ထဦးကွာ ပိုဖျားနေလိမ့်မယ် ဖျားနေလို့မလိုက် ပါနဲ့ဆိုတော့ နားမထောင်ဘူး"

"လိုက်မှာပဲ ငါ့ကျတစ်ယောက်ထဲ ပစ်ထားပြီး မင်းပဲသွားလိုရမလား"

နီသွေး၏ဆူပူသံအောက်မှာ ကလေးဆန်စွာရန်တွေ့နေသူ။ မာန်၏နဖူးကို လက်နှင့်စမ်းကြည့်တော့ ကိုယ်ပူချိန်ကတော်တော်လေးပြင်းနေသည်မို့