كرونيك:صائدة الرجال

03

 3:

عينين الرجال خلاتني نعرف سلاحي...قوتي...بدني...انا مغطية ونغري....خلي معرية...بقى يلزمني نتعلم كيفاش ....كيفاش نطيح الرجال...كيفاش نصطاد ...بخبث....بذكا...ناخذ غرضي....نعبي بالفلوس....و ما نعطيش...و ما نخلي حتى اثر...ما يلزمنيش نتشد بالكمشة....هذاكا علاه بش نبدل منظري....كل مرة نوع....و في الليل حاجة....و في النهار بنية عاقلة ومدينة ....شريفة عفيفة...هذاكا اش يحب مجتمعنا....المظاهر الخداعة....انا الحجابة

ما لبستوش مقتنعة...لبستوا بالغصب...ما علمونيش نصلي...ما رباونيش على الشبع و القناعة...هوما ما رباونيش اصلا...هوما قمعوني...قتلوا في البراءة...علموني النفاق....اني نكون بوجهين...لذا انا لقيت روحي نوظف فيه لغايتي......انا جيت هكاكا...و لقيت روحي عمال ونغرق ..بكيفي موش بالغصب...ويلزمني نكون هكاكا ....وبش نبعد الشبهات على روحي...في النهار مغطية ما ترى مني شي....وفي الليل عريانة اعرى مالعرى في حد ذاتو...بش اللي اصطدتو في الليل ك يراني في النهار ما يعقلنيش...من صغري تعلمت تخديم المخ....نتزعبن شوية على ولد خالي يعطيني بايو في الماكلة و ياكل طريحة...بمجرد ما نقربو ولا نمسح عليه شوية يرمي القاتلة...نخدم لبنت خالي درسها مقابل مصروفها...الخبث يجري في دمي....انا صيادة الرجال....خبيثة...قوية....مزيانة...ما نبكيش...و تو تشوفو معاي كيفاش نصطاد....معلمة....

• لوجت على بليصة ملول ركشت فيها مع بنات كاريين...دخلت لسنتر متاع استيتيك بش نتعلم كيفاش نقد روحي....تعلمت الكوبات الماكياج الصبايغ...الخ...وعملت معارف كنستحق يجيوني حتى لباب الدار... اشهرة وانا نتعلم...ونخدم في نفس الوقت....حسيت روحي خذيت غرضي...كلو لهدف واحد....خطة مرسومة ونمشي عليها بالمليمتر....ماني قلتلكم ما نحبش نخلي حتى اثر علي حتى تغيير اللوك نحبو بيدي موش على ايدين اي حد...بش ما نتعرفش....عملت صحيبات...من كل نوع ....حتى متاع اللي بالي بالكم....ونسقصي بالطرق متاعي نحب نتكون....هذا الكل نحضر في روحي...طرق الميوعة و الاثارة . ...نتفرج في الانترنات....صدقوني تقول قنبلة موقوتة و بش تتفجر....وفي نفس الوقت كنت نلوج على ضحية مضخمة كيما نحب انا عن طريق النات....و في المعارف الي جاوني للسنتر...والبرا...نحب على الغنيا...اللي ما يعرفوش طرف خلاها وين....اللي كي نقدمو في تفتوفة باهية ما يتبكاش....ودرست مليح مليح الهدف متاعي ....واخترت الكعبة لولى....الضحية لولى ....لاول نبلة بش تخرج من قوسي....انشالله ربح موفور....

*نهى

منال