كرونيك:صائدة الرجال

37

 37:

بوها هز روحو و روح...وهي قعدت تتكرم وحدها وتغلي....ما صدقت سمعت حس الكرهبة مشات...وسي اسكندر قاعد حاط ساق على ساق...ويضحك...يضحك على الصيادة..اللي اصطادت اصطادت ....و في لاخر اصطادها هو....شايخ...عامل بون كيف...و امينة تجري تترمى في خناقو...جبدتو من كرافاتو زعمة خنقتو...جابتها لروحها...وجات لحضنو وحدها....لقات روحها بين ايديه كابس عليها...و الكرافات تنطرت مش عارفة كيفاش...في بالها خانقتو طلع هو خانقها...._ياخي شتحب عندي انت؟...شبيك شاددلي وجهي؟...و وقتاش حبلت منك وانا ما في باليش؟..._بعد اك الليلة تنجم تطلع حبلى...ما نخليش ولدي يتيم بلا بو ....محروم من حناني....و يضحك بش يموت...زادت فدت...نطرتلو ايديه...وقامت من عندو..._تتضومر...ما ارمزك...انا راني مش متاع عرس...و عمري ما نكون مرت راجل..._اما كي تدور من راجل لراجل ميسالش...تعيا وانت تقبض...ما زلت نسيبك انا....انت توة مرتي قدام ربي...ما زالت عبادو...لذا احترم روحك..._يبطى شوي...شنوة جد عليك انا مرتك...هبلت ظاهر فيك...ولا وليت تحبني زعمة؟؟؟...قررت تدكك عليه...هو تكونسى...تتمقعر عليه في بالها...و هو ولى يحبها بالرسمي من ليلتها...اما متصور انها صعيب كان تحبو بعد اللي صار...و يلزمو يجيبها للثنية بالسياسة..._علاش لا؟...المفيد نخليك تحبني....ضيقت عينيها و قحرتلو و هزت صبعها في وجهو تهدد فيه:_شوف يا ولد الناس...انا لا نحب و لا نتحب...لا اصل و لا مفصل...هذاكا اللي ريتو وقلك بويا جايبني في الحرام...ماني قتلك...الهملة هوايتي....والرجال نكرههم كره العمى...ماك خذيت حاجاك...ما عادش تدور بي...و انس حكاية خطبة و عرس...الريق اذاكا خاطيني....فد كي هي تهدد فيه...نطرلها صبعها و قلها_والله كي نعرف نسكر عليك....ونباتلك ليل ونهار هنا لا نسييك الا ما نروح بيك عروستي..._تحلم انت..._تو تشوفني نحلم ولا انفذ...و خرج...كلم رجال سكيرتي يشدوا حراسة على الدار...و جماعة يتبعوها في خطواتها...وهي تلوحت على الصالون...مخضوضة....هالعملة الكلبة...شبيه كبش ياخي...و تبسمت....قول عاجبك اللي يعمل فيه يا امينة....والله و بش تتخطب كالبنات الكل...و بش تلبس الروبة البيضا...و تتصدر....ضحكت....مش عارفة فرحانة بالرسمي و لا تضحك على هبالو....و غزرت لكرشها...واحتمال انها حبلى و بولدو دوخها....و تذكرت انها عانت من هالمصيبة...من لحرام...وقلبها وجعها..و في قرارة ذاتها رضخت لقرار العرس....اما مش قابلة انها بعد ما كانت صيادة محترفة بامتياز بش يصطادوها....تعدات ليام فيسع...برمج اسكندر كل شي...مع بوها...حضرلها كل شي...حتى حجامتها و روبتها جابهالها من برا...واليوم العرس....الليلة عرسي و بش نتصدر في الكرسي....امينة عدات الوقت فرحانة و خايفة...اسكندر وراها يتبعىفيها بالدقيقة....العرك ديما راكح بيناتهم...لا هي توخر ولا هو يطيح...حتى جات اللحظات الحاسمة