كرونيك:صائدة الرجال

الحلقة09

 9:

ريقلتو ملييييح ....ركحتو ....في الكرهبة....جو هايل وانا كالعادة نمني فيه بليلة ولا في الاحلام...و هو يضحك موش مصدق....قلي عندو مدة مركح الجو....نهني فيه انو احاسيسو لكلها بش تتحير و تلهي معاي..و وعدني يتلهى بي و يصرف علي في مقابل نقعد معاه....و حتى الدار اللي هزني ليها...قلي نكتبهالك و تكون عش الغرام متاعنا....هههههه شيوبة رومنسي..دخلنا للدار وانا حريصة على صيكاني اللي سلعتهم....حط الشرب كالعادة....وانا لوجت على الغنا....لقيت كان لغنا متاع بكري طربي...ما فيشو يلزم طرح شطيح بش يتهد...قبل ما نبدا نشطح نغزرلو شرب حربوشة...خفت لا الكازي يطلع عندو القلب....وين نعرف على بلاه....يموتليش و ترصيلي واحلة فيه....نحب ديما خفيفة نظيفة....يجعل بلاه علىغير ايدي....سالتو شنية..قلي فياغرا وغمزني.....ههههه مسكيييييين يلزمو مساعد بش ينجمني....ايا ما على باليش....حطيت نشطح على ام كلثوم....وهو مركز معاي...شرب رشفات....و انا مازلت ما لقيتش الفرصة بش نحطلو المخدر وما زلت نصطاد في الوقت المناسب....نميل و في نفس الوقت لاهية بيه....نحب غزرتو ما تفارقنيش....قلت خليني نهيجو السخطة....محروم....نغزرلو بدا يتغصور....ووجهو يزراق و يلوج على النفس....اشومي....تفجعت...حاجة ما قريتلهاش حساب....و بدا يصيح و يفرفط....دخلت بعضي....اه نندب على زهري لحرف...كان كل شي مريقل....نتنت مرة وحدة....ما لقيت ما نعمل....خذيت تليفونو....فركست نومرو ولدو نلقاه ملول...واحد عماد فرنسا و لاخر عزيز بوه....طلبت عزيز بوه....هز_اهلا بابا لباس؟....تصدمت مالصوت...مهمهت ومنها تكلمت:_اجري لبوك في دار كذا كذا...و علقت....لميت صيكاني و هربت....اش يهمني فيه و في بوه ....

تي باهي كي ما قلبتوش....روحت بلاش فلوس...اما موش مشكل...دبرتها في اللي شريتو....روحت ....حطيت حوايجي....رصفتهم وانا عاملة بون كيف...راكم تقولوا ملا بنت حرام...اي انا هذيكا هي بنت حرام مصفي....رقدت....لا ضمير انبني لا والو....قلت نهدي اللعب شوي...تو نسنس عليه من بعيد لبعيد بش نعرف اش جرالو....كان حيا ربي رحمو..وكان مات الله يرحمو زادة...ههههه مات على حسن الختام....ما قلو حد....جابها لروحو...هكا كنت نحكي مع روحي....