كرونيك:صائدة الرجال

الحلقة05

 5:

نمشي و نحضر في روحي....انا حاضرة اما نزيد نحب نركز...كيفاش بش نجبدو بالحديث....بالحركات...بالتزعبين...يلزمني نريقل جوي...و نضرب ضربة باهية نروح بيها...و نبعثو يقضي..هههههه ....منحرفة من عند ربي اكاكا....ما كنتش خايفة لا على روحي ...لا على بدني....لا على عذريتي....شي...احساس الخوف منعدم عندي....كيني متمرسة و مستانسة....داي نقبض و نطيح راجل...نذلو...نمرمدو...نقطع بفلوسو....نخليه يشتهاني....يتمناني...و ما ينولنيش....و انا نلم الفلوس...و نذل رجال .....قولوا علي مريضة...هاملة...سارقة....اللي تحبو....اما انا في مخي صيادة رجال بامتياز... نحدد هدف....و نرمي سهمي...و يلزم تصيب موش تخيب....و نروح شايخة عاملة بون كيف....غل كبير...و حقد....و جوع....اسباب كبيرة تحول الصالح لطالح....و انا لا راجل يطلق ولا عصا تفلق....ما فماش شكون يسال علي ولا يرجعني للثنية الصحيحة.....وحتى كان شي ما يردني....التمرد اللي عندي والحقد ما يوصلوني كان للثنية هذيكا...و صدقوني كي نقلكم شي ما عندو قيمة عندي حتى بدني....هو وسيلة لاهدافي .....

ايا لا علينا...دقيت الباب...صوت خشين قلي تفضل....دخلت نتمايل....اغراء يا بت اغراء...غزرلي مبهور....قام من ورا بيروه....و مد يدو يسلم علي بحرارة...._مرحبا يا مرحبا....زارتنا البركة مدام عايدة...._انسة موش مدام...مرحبا....و صوتي يقطر عذوبة و فيناس...._يحصلي الشرف اكثر انسة....اتفضل اقعد ارتاح...و جبدلي الكرسي...قعدت ساق على ساق...العريان اكثر مالمغطي...نغزرلو يبلع في ريقو بالسيف....كيف الكلب كيف توريه عضم تسيل ريقتو بالوقت...هو اكاكا ...وتو نجيبو للمصيدة...بهداوة...و على رواقة....قلي:_اش تشرب مدموازيل؟_عيدودة ناديني...اللي تحب انت نشرب....زاد بلع ريقو بالسيف...و كلم الرسابسيون _عصير فراز بارد و قهوة مرة و كاس ما بارد...مسكين يحب يبرد جواجيه...قاعد يهدي في روحو و في نفس الوقت يهز في و يحط بكل دقة....يثبت في تفاصيلي...من حقو يتملى....بش يطيب على قاعدة...جبدت سيقارو بش نتكيف.....قام شعلي فيسع....خذيت نفس....نتبنن و نغزرلو يتشهى قلي: فاش نجم نعاونك عيدودة؟قلي راني ما نبخلش...._ما صاب ما تبخلش...راني مستحقة....قص علي:_اكيد ما نبخلش قلي اش حاجتك...و تشوف شنوة نعمل....الله الله....هاو شاد الثنية هذا وحدو وحدو...نذبل في عويناتي....و نعدي في لساني على فمي....و نغزرلو يبلع و يغص...قتلو:_مستحقة فلوس...و قالولي اللي انت راجل كريم...قصدتك...و المقابل اللي تحبو انا موافقة....ملخر راني مغصورة ....و مستعدة نخلص.....نغزرلو مبهور... جيتو على طبق ورد....فرح فرحة لا توصف...حب يزيد يتاكد:_مثبتة؟اللي نحب تدفعو؟_شنوة تو احنا صغار؟ما دام جيتك عارفة اش نحب و انت زادة اش تحب...اما راني فلوسي كاش...و زيد مبلغ باهي راهو موش شوي...يستاهلو زيني و قدي...._من ناحية تستاهل تستاهل....نتفاهمو في التفاصيل....ايا قوم نمشيو ...و تو نتفاهمو في الثنية...حصل في المنداف....لا تعبني و لا تعبتو....ما زال اش يستنى فيه و في....تبعوا معاي....