كرونيك:صائدة الرجال

الحلقة04

 4:

اخترتو بكل دقة...خدمة متاع ايام و ليالي...نعس عليه....و نبتبت....مولى اوتال...راجل كبير ....و كيما نحب انا نسوانجي طلع....يموت على الريق البارد...حطيتو في مخي....نعرف مواعيدو و مشاويرو بالدقيقة...لبست بلقدا...روبة بش تتقطع مالكبس على بدني....المعري اكثر مالمغطي...صدري على برا...افخاذي...نشهي بشكل غريب....يلزم حواسو الكلها نستفزها...طالون...رميت فوقهم جلباب....مكيجت كيما تعلمت....و تفننت في مكياجي....روج بش ينطق....ركبت لونتي زرق...و ركبت شوافر....شعري صبغتو اصفر متاع 24ساعة....ولميتو شينيون خفيفة لفوق ما يبانش طولو...و غطيت بنقاب....و خرجت....حد ما يتصور العرا اللي تحت المستور....و لا الوجه اللي تحت النقاب....صاكي في جنبي فيه مساعدي الايمن....تو تعرفوه من بعد....نستنى في الوقت...نعرفو يقعد يسهر في لوتيل... وخرجت نترشق وحدة وحدة ....على اقل من مهلي...خذيت تاكسي ومشيتلو....يلزمني نلكعو في تفتوفة باهية و نقطع...وصلت لقهوة قبل....هبطت....دخلت توالات...نحيت....و تعديت لاوتيل سي لمين....ملي خرجت وانا العينين بش تاكلني...تصفير...كلام...غزل...وانا مولى الدار موش هوني....عندي هدف...نطيحو ونروح...كلي ثقة و غرور....متاكدة اللي مش بش يطول....

دخلت للاوتال....في اتجاه الرسابسيون...كل القاعدين تلفتوا...الرجال عينيهم بش تطلع...و النسا الغزول كلاهم...كلمت الرسابسيونيست قتلو..._عالسلامة..بربي كلمل سي لمين قلو مدموازيل عايدة تحب تقابلك.._قلي عندك موعد...قتلو:_،لا اما كلمو يلزمني نقابلو مسالة حياة او موت....تفجع قلي_لباس؟ عمتلو بعيني غير سيبني برك...طلبو...قلو خلاها تستناني شوية....قعدت في الرسبسيون كونش سالو كيفني هذي ولا شنية هي....و هو يغزرلي و يجاوب فيه....اكيد وصلوا من انا نوعية انا.... ساق على ساق...عارفة عدو نادالي...النوعية هذي ما تنجمش تريزيستي... وتليفون عاود ضرب ....نادالي قلي:_اتفضل اول بيرو في الواجهة تلقى العرف....خذيت نفس عبيت بيه صدري و مشيت....

هاذوم الحلقات بالنسه لليوم هههههههه شقولكم في تطور الاحداث؟؟؟وزعمه شنو باش يصر في اول فريسه ليها...وهل باش تكون اول خطوه في صالحها والا باش تفشل من اول مره؟؟؟؟خليني نشوف شنو توقعاتكم وستنوني