كرونيك:صائدة الرجال

الحلقة07

7:

• وانطلقت في المجال....كيما عاصفة كي تهب...تقضي علي يجي قدامها...عاصفة مدمرة.....نار تحرق كل من ذاقها ولا قرب منها....كل مرة راجل نوع...اما الكل كبار....الصغار موش جوي....و ما زلت ما تواضعتش و هبطتلهم...نلوج على المتصابين...الكبير ديما عندو نقص عاطفي يعوضو في طفلة صغيرة ....و يرن فلوسو عليها من غير حساب....اما الشباب لا يقضي شورو و يلوحك و ما يحبش يخسر عليك خاطر لبنات ياسر و على شكون يرضى.....هذاكا علاه استهدفت الشياب....ربي يفضلهم ز يحميهم للي كيفي...ههههههه......و كالعادة...ندرس الهدف متاعي مليح...نسنس عليه...اش يحب و اش ما يحبش...و من اي نوع هو....و نركز على نقاط الضعف....و نمشي كان للنسواني الضعيف...و اللي مفروت....بش نمص اكثر ما يمكن...كل مرة لوك....مرة شعر قصير و مرة طويل...كل مرة لون...العينين كيف كيف انواع اللنتي لكل عندي....الشوافر...نتقلب كل رحلة صيد نوع...نلبس...نعري ....نصطاد...نلبس....نغطي....نروح....و ما ننساش نقلب السطوش...نكمل اللي فيه و نشد ثنيتي....وبدلت السكنى بش حد ما يسالني ولا يتبعني...نخرج و نروح على راحتي....لكعت برشا...اللي مديرين شركات....و اللي وتلة...و الزوالي فيهم بانكاجي....و في الليل نكون هاملة دو كلاس ....عرا وقرا....و النهار جلباب و خمار وساعات نقاب....حد ما يعرف حقيقتي ....و حد ما يتجرا يشكي بي...خاطر يخاف على مكانتو و برستيجو...و الفلوس يخلف ربي خاطر نكتة في بحرهم...و كل حد ندخلو بدخلة....اللي نمشيلو نفركس على خدمة و زوالية....و اللي نقلو هابطة علي شيكات و بش ندخل للحبس ملزوزة....الخ....مخي ديما يخدم....هاملة و نظيفة في نفس الوقت...ههههههه حلوة هذي....

نبدا نتيتم من لول....و بعد نبدا نغري...و كل واحد كيفاش...اللي يطول بش يطيح تلقاه مشكاك...و اللي يبدا مزروب على قضاه اكثر مني...فرصة و جاتو ليدو...واي راجل مهما يطلع ولا يهبط...مهما كان مستواه قدام اغراء مرا لازم يطيح...وموش اي مرا ....صيادة رجال...تفننت في هملاتي...و بهذلت بحالهم...ذليت رجال....اللي كركرتو من كرافاتو...واللي باسلي صباطي يتذلل...و اللي باسلي ساقي صبع صبع....بدعت باللبسة....الشطيح....حتى نسكر نقعد واعية للي نعمل فيه....ما نوصلش للغريق....ناخذ غرضي....و نقطع....و نسمع بقداش من واحد قالب الدنيا يلوج علي....وانا كفص الملح كيذوب...كان لزم نغبر ايامات...و بعد نرجع....وليت كطيور الليل...نخرج مالظلام للظلام...اما في المقابل شخت....لبسة...دلال...فلوس....ذهب....ماكلة...شوبينغ....من لحي الدغف....ههههههه.....تقولوا ندمت؟....جملة....واللي يجي قدامي ما نرحموش....ما نفدي ثاري وثار امي في كل راجل....الا ما نشبع و نقول يزي....و نبدا صفحة نظيفة....حتى جات فازة هي اللي فسدت اللعب .....و هاو جايكم لحديث....

منال