كرونيك:صائدة الرجال

10

 10:

غبرت ايامات....قلت خليني نهدي اللعب و نشوف الراجل اش جرالو...ترصيليش نبحث في جرتو...ما ظاهرلي كان يشكي ولا يجبدوني خاطر فضيحة ليه و لعايلتو ....و الراجل بمكانتو في المجتمع الراقي متاعهم...و زيد حربوشة الفياغرا وحدها فضيحة...تو تطلع في التحليل اللي هو تعاطى منشط جنسي....ما ضربو حد على يدو...هو محروم عاطفيا وانا محرومة ماديا و تلاقينا....كنت حتى نحدث قي روحي نتمقعر الله غالب.....ما زال ما جاش اللي يسوى في نظري.....قعدت نتنتس اش جرالو من بعيد لبعيد....عرفت اللي ولدو قالب الدنيا يفركس على اللي مشات مع بوه....وما لقاش صورة واضحة ليها لكن ما سلمش...وعرفت اللي الراجل جاتو ذبحة صدرية جرة اك الحربوشة...و هو مريض من عند ربي....و اللي رصاتلو في عملية....و رقد مدة في الكلينيك....و منع مالموت باعجوبة....و روحوا بيه لدارو ممنوع من الحركة و التعب والغش....لانو على حافة الموت....وولدو ما ايسش يفركس علي بالفتاشة....باعث رجالو في كل بلاصة يفركس....وليت قررت نهج مالبلاصة....يزي ما خمجتها...تبديل السروج فيه راحة....خليني نبدل البلاصة والوجوه....و نمشي نصطاد في بلاصة اخرى....خاطر لحمام بدا يقل هنا....قلت نمشي للعاصمة....كبيرة....وحد ما يطلعني....لميت روحي....و كريت كرهبة نقلت بيها دبشي لبرطمان اللي انا فيه توة....كريتو مالنات....نقلت فرحانة....بش نشوف مناظر جديدة....و نلكع رجال جدد....و المحطات برشا هنا....والبلايص المذخمة اللي فيها جوي و افارياتي ياسر....يعني نريقل اموري و نبدل البقعة...ركحت الدويرة....تعمدت انها تكون في بلاصة راقية بعيدة على الجواجم و المناظر اللي توترني....عمارة نظيفة و ناسها قماقم....اما يلزم نخدم بعيد و نرجع وحد ما يعرف اموري....استقريت....دخلت الانترنات....و بديت نفركس على ضحايا جدد....اهدافي واضحة....رجال اعمال...اصحاب املاك...وكتفركس تلقى... في العاصمة اكتشفت دنيا اخرى وعالم اخر....و تو نحكيلكم في الجزء الجديد....ما تبدلوش المحطة.....ما زالت المغامرات .....مع امينة مش حتقدر تغمض عينيك.....ههههههه......